كورمە زالىنا 50-گە جۋىق ارحەولوگيالىق بۇيىمدار: سازدان جاسالعان جاۋىنگەرلەر, قارۋ-جاراقتار, ىدىس-اياق, التىن جانە كۇمىس اشەكەيلەر قويىلعان.
- «تسين شيحۋاندي يمپەراتوردىڭ تەرروكات اسكەرى» كورمەسى ورتالىق ازياعا العاش رەت كەلىپ وتىر. استانادا ەكسپو كورمەسى وتكىزىلىپ جاتقاندىقتان ءوز مادەنيەتىمىزدى تانىتقىمىز كەلدى. بۇل قادام قازاقستان مەن قىتاي اراسىنداعى مادەني ىنتىماقتاستىقتىڭ ودان ءارى نىعايۋىنا التىن كوپىر بولاتىنىنا سەنىمدىمىن, - دەدى شەنسي پراۆينتسياسىنىڭ مادەني جادىگەرلەر باسقارماسىنىڭ ديرەكتورى چجاو رۋنگ جۋرناليستەرمەن كەزدەسۋىندە.
تولىق ولشەمدى سازدان جاسالعان 8099 قىتاي جاۋىنگەرىنىڭ جانە ولاردىڭ اتتارىنىڭ مۇسىندەرى سيان قالاسىنداعى تسين شيحۋاندي يمپەراتورىنىڭ كەسەنەسى جانىنان 1974 جىلى تابىلعان. جاۋىنگەرلەردىڭ مۇسىندەرى جەكە-جەكە تارتىپپەن جاسالعان ءارى ارقايسىسىنىڭ كەسكىنى, بەت-الپەتتەرى قايتالانبايدى. زەرتتەۋشىلەر تەرراكوت اسكەرى ب.ز. دەيىنگى 210-209 جىلدارى يمپەراتوردىڭ ارنايى بۇيرىعىمەن دايىندالعانىن دالەلدەگەن. بۇگىندە ەسكەرتكىش يۋنەسكو-نىڭ بۇكىلالەمدىك مۇرالار تىزىمىنە ەنگىزىلگەن.
- تسين پاتشالىعىنىڭ تۇسى – قىتاي يمپەرياسى تاريحىنداعى ەڭ جارقىن كەزەڭدەردىڭ ءبىرى. ەكونوميكا, مادەنيەت, وزگە ەلدەرمەن بايلانىس تۇراقتى دامىدى. سول سەبەپتەن قازاقستاندىقتار قىتايدىڭ مادەنيەتى جايىندا تەرەڭىرەك ءبىلۋى ءۇشىن تسين شيحۋاندي يمپەراتوردىڭ تەرروكات اسكەرى ارقىلى ءبىز تاريحىمىز جايلى كەڭىرەك ايتقىمىز كەلەدى, - دەدى چجاو رۋنگ مىرزا.
بۇگىنگى دەيىن «تەرراكوت اسكەرى» الەمنىڭ 40-قا جۋىق ەلىن ارالاپ, 80-نەن استام كورمە ۇيىمداستىرىلدى. قۇندى جادىگەرلەر ورتالىق ازياعا تۇڭعىش رەت جەتكىزىلدى. قازاقستانمەن بىرگە كورمە گەرمانيا جانە اقش-تە وتكىزىلۋدە.
ەلوردا تۇرعىندارى مەن قوناقتارى تسين شيحۋاندي يمپەراتوردىڭ تەرراكوت اسكەرلەرىن قۇ ۇلتتىق مۇراجايىندا 9-ماۋسىمنان 10-قىركۇيەككە دەيىن كۇن سايىن تاماشالاي الادى.
