ەسەپ بەرۋ بارىسىندا مينيستر ىشكى ىستەر ورگاندارىنىڭ اعىمداعى جىلعى بەس ايدىڭ جەدەل-قىزمەتتىك جۇمىس ناتيجەلەرىن ايتىپ ءوتتى.
ىشكى ىستەر ورگاندارى ۇيىمداسقان قىلمىسپەن ماقساتتى باعىتتالعان كۇرەس جۇرگىزۋدە, قىلمىستاردى اشۋ, ەسىرتكى بيزنەسىنە, ەكسترەميزمگە جانە تەرروريزمگە قارسى ءىس-قيمىل بويىنشا شارالار قابىلدانۋدا, ۇساق قۇقىق بۇزۋشىلىقتارعا «مۇلدەم توزبەۋشىلىك» ءپرينتسيپىن قامتاماسىز ەتۋ جانە قۇقىق بۇزۋشىلىقتىڭ الدىن الۋ بويىنشا جۇمىس جۇرگىزىلۋدە, قىلمىستىق-اتقارۋ جۇيەسىنىڭ مەكەمەلەرىندە قۇقىقتىق ءتارتىپتى جانە زاڭدىلىقتى قامتاماسىز ەتۋ, توتەنشە جاعدايلاردىڭ الدىن الۋ جانە جويۋ, كوشى-قون جاعدايلارىن باقىلاۋ, سونداي-اق ىشكى ىستەر ورگاندارى قىزمەتىنىڭ باسقا دا نەگىزگى باعىتتارى بويىنشا شارالار قابىلدانۋدا.
ءمينيستردىڭ بايانداماسىندا اعىمداعى جىلعى 5 ايدىڭ قورىتىندىسى بويىنشا دەنساۋلىققا اۋىر زيان كەلتىرۋ, قاراقشىلىق, كىسى زورلاۋ, ۇرلىق, الاياقتىق, كىسى توناۋ جانە بۇزاقىلىق, اۋىر جانە اسا اۋىر قىلمىستاردىڭ اشىلۋى جاقسارعانى اتاپ ءوتىلدى. «وتكەن جىلدارداعى» قىلمىستىق قۇقىق بۇزۋشىلىقتاردىڭ 5 مىڭنان استامى اشىلدى, ونىڭ ىشىندە 15 كىسى ءولتىرۋ, 40 دەنساۋلىققا اۋىر زيان كەلتىرۋ, 30 كىسى زورلاۋ, 200-دەن استام كىسى توناۋ, 30 قاراقشىلىق, 3,6 مىڭ ۇرلىق, 900 الاياقتىق جانە 200 بۇزاقىلىق. تەرگەۋ مەن سوتتان جاسىرىنىپ جۇرگەن 1,5 مىڭنان استام قىلمىسكەر ۇستالدى.
«100 ناقتى قادام» ۇلت جوسپارىن ورىنداۋ ءۇشىن قۇرىلعان جەرگىلىكتى پوليتسيا قىزمەتى جۇمىس ىستەۋدە, جول قاۋىپسىزدىگىن قامتاماسىز ەتۋ, مەملەكەتتىك قىزمەت كورسەتۋ جانە ت.ب. ىشكى ىستەر ورگاندارىنىڭ قىزمەتىن جەتىلدىرۋ بويىنشا جۇمىس ودان ءارى جالعاستىرىلۋدا.
بۇدان باسقا, مينيستر قوعامدىق كەڭەس مۇشەلەرىنىڭ سۇراقتارىنا جاۋاپ بەردى. جالپى, ەسەپ بەرۋ ماقۇلداندى, قوعامدىق كەڭەس مۇشەلەرى مينيسترلىك قىزمەتىنىڭ تيىمدىلىگىن جاقسارتۋ بويىنشا ۇسىنىم بەردى.
