جالپى ماسەلەلەردى ايتۋ بارىسىندا, استانا قالالىق قازاقستان حالقى اسسامبلەياسى جانىنداعى انالار كەڭەسىنىڭ توراعاسى ياننات نيزامۋتدينوۆا قازاقستاندىق ءپاتريوتيزمدى تاربيەلەۋ مەن قالىپتاستىرۋ, قازاقستان حالقىنىڭ ازاماتتىق جانە رۋحاني-مادەني ۇقساستىعى, قوعامداعى تولەرانتتىق قارىم-قاتىناس, ۇلتتىق داستۇرلەر مەن وتباسىلىق قۇندىلىقتارعا قۇرمەت پەن بۋىن ساباقتاستىعىن ساقتاۋ تاقىرىن ويىن ءبىلدىردى.
شارا بارىسىندا جىل سايىن بالالار ۇيىنە تۇسەتىن بالالار سانىنىڭ ازايۋىن مەن الەۋمەتتىك جەتىمدىكتىڭ الدىن الۋ ماقساتىندا ۇيىمداستىرىلعان قايىرىمدىلىق جوباسى تۋرالى باياندايتىن «انا ءۇيى» قوعامدىق قورىنىڭ قىزمەتى جونىندەگى ءفيلمى كورسەتىلدى.
-«انالار ءۇيى» - بۇل ومىرلەرىندە قيىن جاعداي ورىن العان جۇكتى نەمەسە جاڭا تۋعان بالاسى بار ايەلدەرگە ارنالعان داعدارىس ورتالىعى. قازاقستان رەسپۋبليكاسىندا جەتىم بالالار سانىن ازايتۋ ماقساتىندا ءۇيى جوق ايەلدەر قاۋىمىنا باعىتتالعان «انالار ءۇيى» دەپ اتالعان داعدارىس ورتالىعى ەلىمىزدىڭ بارلىق ايماقتارىندا اشىلۋدا , - دەيدى «انا ءۇيى» قوعامدىق قورىنىڭاتقارۋشى ديرەكتورى بيبىگۇل ماحمەتوۆا.
قازاقستان حالىقتار اسسامبلەياسىنىڭ سارىارقا اۋدانىنا قاراستى انالار كەڭەسىنىڭ ءتورايىمى سارا ينەرباەۆا ءوز سوزىندە وتباسىنداعى تاربيەلەۋ مادەنيەتى مەن سىيلاستىق تاقىرىبىن اتاپ ءوتتى.
كەزدەسۋدىڭ قورتىندىسى بويىنشا, «انا ءۇيى» قورىمەن قارىم – قاتىناستى ءارى قاراي دامىتۋ تۋرالى ۇسىنىس جاسالدى. سونىمەن قاتار, بولاشاقتا قحا – انالار كەڭەسى استاناداعى وقۋ ورىندارىنا بارىپ, ەتنو-مادەني بىرلەستىكتەردىڭ جاستار قاناتى وكىلدەرىنە ارنايى تاقىرىپتىق دارىستەر وقۋ جوسپارلانۋدا.
