جالپى بۇنداي بايگەلى جارىستى وتكىزۋدەگى باستى ماقسات – قوجا احمەت ياساۋي قالىپتاستىرعان حيكمەتتەرىن كەڭىنەن ناسيحاتتاۋ. وسى ارقىلى وقۋشىلاردىڭ ينتەللەكتۋالدىق پايىم-پاراساتتارىن قالىپتاستىرىپ, رۋحاني جاعىنان باي تۇسۋىنە مۇمكىندىك تۋعىزۋ يگى قادام بولىپ تابىلادى.
قازىرگى جاھاندانۋ زامانىندا ىقپال ەتپەي قويمايتىن سىرتقى جاعىمسىز سالت-داستۇرلەردىڭ جەتەگىندە كەتىپ قالماۋدىڭ وزىندىك ءبىر تەتىگى دەسە دە ارتىق ايتقاندىق ەمەس. وسىنى باسشىلىققا الدى ما, ءىس-شارانى اقمولا وبلىستىق ءبىلىم باسقارماسىنىڭ «وبلىستىق وقۋ – ادىستەمەلىك كابينەتى» كمم ۇيىمداستىرىپ وتىر. مىنە وسى مەكەمە ۇيىمداستىرعان وبلىستىق بايقاۋدا كوكشەتاۋ قالاسىنىڭ №3 دباوممي 10-سىنىپ وقۋشىسى ايجان رىسپەكوۆا جەڭىپ الدى.
– مەن وسى بايقاۋدا جەڭىسكە جەتكەنىمە قۋانىشتىمىن! وتە ۇزاق دايىندالدىم. مەن ءۇشىن قوجا احمەت ياساۋي تۋىندىلارى وتە قىزىقتى. وبلىسىمىزدىڭ نامىسىن رەسپۋبليكالىق كەزەڭدە لايىقتى دەڭگەيدە قورعايمىن دەگەن سەنىمدەمىن, – دەپ اعىنان جارىلدى ايجان.
ءبىرىنشى ورىن بۋراباي اۋدانى اتامەكەن ورتا مەكتەبىنىڭ 9-سىنىپ وقۋشىسى ءدىلنار داۋلەتحانعا بۇيىرسا, كوكشەتاۋ قالاسى №3 مگ 10-سىنىپ وقۋشىسى ديانا نيعمەتجانوۆا مەن تسەلينوگراد اۋدانى قوياندى مەكتەبىنىڭ 9-سىنىپ وقۋشىسى جانات وقا ەكىنشى ورىندى يەمدەندى. ال جاقسى اۋدانىنىڭ 9-سىنىپ وقۋشىسى دانا شايمەردەنوۆا, كراسنىي يار ەلدى مەكەنىندەگى №1 ورتا مەكتەپتىڭ 9-سىنىپ وقۋشىسى كەنجەبەك دالەلحان جانە كوكشەتاۋ قالاسىنداعى №12 ورتا مەكتەپ وقۋشىسى توقتار باعرام ءۇشىنشى ورىننان تابىلدى. ەندى وبلىستىق كەزەڭنىڭ جەڭىمپازدارى ۇستىمىزدەگى جىلدىڭ 21-22 قىركۇيەگىندە تۇركىستان قالاسىندا وتەتىن رەسپۋبليكالىق بايقاۋعا قاتىساتىن بولادى.
اسقار تۇراپباي ۇلى,
«ەگەمەن قازاقستان».
اقمولا وبلىسى.
