وتكەن جىلمەن سالىستىرعاندا ەكى ەسە كوپ بالا قاتىسقان سايىس قازىردىڭ وزىندە ونشاقتى جەڭىمپازدى انىقتاپ ۇلگەردى.
اقتاۋداعى ن.ءجانتورين اتىنداعى ماڭعىستاۋ وبلىستىق مۋزىكالىق دراما تەاترىندا وتكەن كاستينگكە ءوڭىردىڭ بارلىق اۋدان-قالالارىنان 7 مەن 13 جاس ارالىعىنداعى 100-دەن استام بالا قاتىستى.
ءبىر كۇنگە سوزىلعان ىرىكتەۋ كەزەڭىنىڭ وڭاي بولماعانىن ايتادى ۇيىمداستىرۋشىلار. دودادا ءوزىنىڭ تالانتىمەن, وزىنە دەگەن سەنىمدىلىگىمەن, ساحناعا دەگەن بەيىمدىلىگىمەن 7 جاسار ءاننۇر قۋانتقانوۆ جۇلدەگەر بولىپ شىقتى.
مىقتىنى انىقتاۋدا قازىلارعا انشىلەردى ۇزاق تىڭداپ, ءبىراز پىكىر تالاستىرۋعا تۋرا كەلگەن. ناتيجەسىندە, بارلىق تالاپتارعا ساي دەپ تانىلعان ءاننۇردىڭ باعى جاندى. ءانشى ءاننۇردىڭ اكەسى بوكس جاتتىقتىرۋشىسى, ال بيگە جانە اكتەرلىك شەبەرلىك كۋرسىنا قاتىساتىن بالاقايدى ءان ايتۋ ونەرىنە, ياعني ۆوكالعا ۇيدە اناسى دايىندايدى.
كاستينگكە ماڭعىستاۋعا كەلگەن تالىمگەر – ءانشى, قازاقستاننىڭ ەڭبەك سىڭىرگەن قايراتكەرى تولقىن زابيروۆا ءانشى بالاقايدىڭ بولاشاعىنا سەنىمدى.
− اقتىق سىندا ءاننۇردىڭ ءوز ماڭعىستاۋىنىڭ مارتەبەسىن كوتەرىپ, بايقاۋدىڭ كىشكەنتاي جارىق جۇلدىزدارىنىڭ ءبىرى بولاتىنىنا سەنەمىن. سەبەبى ونىڭ بويىندا تالانت, ارتىستىك قابىلەت, ءوز-وزىنە دەگەن سەنىمدىلىك پەن تاباندىلىق بار. ءبىز ەكەۋمىز اقتىق سىنعا جۇيەلى دايىندالاتىن بولامىز, − دەدى ت. زابيروۆا.
27-29 قازان ارالىعىندا «الماتى ارەنا» مۇز سارايىنىڭ ساحناسىندا ءار ءوڭىردىڭ جۇلدەگەرلەرى ءوز تالىمگەرلەرىمەن بىرگە سايىسقا تۇسەدى. قيىن سىندا تالاپكەرلەردىڭ اراسىنان شىن تالانتتى كاسىبي انشىلەر مەن تەلەكورەرمەندەر انىقتايتىن بولادى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
