شەت ەلدىڭ بىلىكتى دارىگەرلەرى – اقتوبەدە

ولار اۋىر جاراقاتتى كە­شەندى تۇردە ەمدەۋدىڭ بۇگىنگى زامانعى تۇجىرىمداماسىن تال­قىلادى. اقش, وڭتۇستىك كورەيا, گەرمانيا, قىتاي, تۇركيا, رەسەي, قازاقستان جانە تاعى باسقا دا تاياۋ شەت ەلدەردىڭ دارىگەر-حيرۋرگتەرى, تراۆماتولوگ پەن ورتوپەد ماماندارى باس قوسقان جيىندى قازاقستاندا وتكىزۋ قا­جەتتىلىگى قايدان تۋىندادى؟ بۇل ساۋالدىڭ جاۋابىن قان­داسىمىز, اقش-تىڭ ميسسۋري شتاتىنا قاراستى سەنت لۋيس كلي­نيكاسىنىڭ باس دارىگەرى, پوفەسسور, مەديتسينا عىلىمىنىڭ دوكتورى جولداس قۇلجانوۆ بەر­دى. ول ورتوپەد-حيرۋرگ مامان رە­تىندە وسى سالاداعى مەملەكەتتەر ارا­سىنداعى سالىستىرمالى دەرەك­تەرگە ۇنەمى نازار اۋدارىپ جۇرەتىنىن ايتا كەلىپ, قازاقستان اۋىر جاراقاتتار الۋ كورسەتكىشتەرى بويىنشا الەم­دەگى مەملەكەتتەردىڭ العاش­قى ۇشتىگىنە كىرەتىنى جو­نىندەگى دەرەكتى العا تارتتى. دەگەنمەن, بۇگىنگى زا­مانعى دياگ­نوس­تي­كالىق ەمدەۋ تاسىلدەرى اۋىر جا­راقاتتانعان ادامداردى ولىم­نەن اراشالاپ قالۋعا مۇم­كىندىك بەرەدى دەۋگە بولادى. شەت ەل دارىگەرلەرى اقتوبە قالاسىندا وسى ماسەلەنى ورتاق اڭ­گىمەنىڭ ارقاۋىنا اينالدىردى. 
حالىقارالىق ينتەگراتسيا سيپاتىنداعى كەزدەسۋلەر كەزىندە ايتىلعانداي, تراۆماتولوگيا مەن ورتوپەديا سالاسىنداعى بۇگىنگى وزىق تەحنولوگيالار اۋىر جاراقاتتى ەمدەۋدىڭ دەڭگەيى مەن ساپاسىن جاقسارتۋعا اجەپتاۋىر ىقپال جاساماق. ارينە, بۇل ءۇشىن ەڭ الدىمەن ونىڭ قىزمەتى جەدەل ءارى ءتيىمدى تۇردە ۇيىمداستىرىلۋى ءتيىس. وسى تۇرعىدا الەمدەگى وزىق ەلدەردىڭ دەنساۋلىق ساق­شىلارى جاراقاتتان ساۋ-تام­تىعى قالماعان اعزانى, سونىڭ ىشىندە جامباس جانە اياق-قول سۇيەك­تەرىنىڭ جانە باسقا دا زاقىم كەلگەن مۇشەلەردى قالاي قالپىنا كەلتىرۋگە بولاتىنى جونىندەگى تاجىريبەلەرىن ورتا­عا سالدى. سونداي-اق, ولار كۇر­دەلى وتالار جاساۋعا قاتىسىپ, شە­بەرلىك سا­باقتار وتكىزدى. سونى­مەن بىرگە, سۇيەكتەردىڭ زاقىم­دانۋىنان زارداپ شەگىپ جۇرگەن ءوڭىر تۇرعىندارىنا جانە كلينيكالاردا ەمدەلىپ جاتقان ناۋ­قاستارعا تەگىن كەڭەس بەردى. وبل­ىس اكىمى  بەردىبەك ساپارباەۆ پەن اقش-تاعى ورتوپەديالىق گوسپيتالدىڭ جەتەكشىسى جولداس قۇل­جانوۆ جانە قىتايداعى شىڭ­جان-ۇيعىر اۆتونوميالى وب­لىسىنداعى حالىقتىق گوسپيتالدىڭ تراۆماتولوگ دارى­گەرى مياو سيۋاگانگوم ءوزارا ىنتى­ماقتاستىقتى دامىتۋ جونىندەگى مەموراندۋمدارعا قول قويدى. وسىعان وراي اۋىر جاراقاتتاردى ەمدەۋ مەن قالپىنا كەلتىرۋ جونىندەگى بىرلەسكەن ءىس-شارالار كەشەنى جۇزەگە اسىرىلماق. بۇل ءۇشىن تاراپتار جۇمىس توپتارىن قۇرىپ, ىنتىماقتاستىق تەتىگىن ازىرلەۋ جانە ونى ودان ءارى جەتىلدىرۋ مەن دامىتۋ جونىندە ۇيلەستىرۋشى ورگاندار قۇرۋ تۋرالى ۇيعارىمعا كەلىپ وتىر. 

تەمىر قۇسايىن,
«ەگەمەن قازاقستان»

اقتوبە