كەزدەسۋ بارىسىندا قوس تاراپ قازاقستان-دومينيكان اراسىنداعى ىنتىماقتاستىق ماسەلەسىن تالقىلاپ, ساياسي دەكلاراتسياعا قول قويدى.
– ءبىز ماڭىزدى, سىندارلى كەلىسسوز وتكىزدىك. بۇل قۇجاتتا ەكى ەل اراسىنداعى قارىم-قاتىناستاردىڭ باستى اسپەكتىلەرى مەن ۆەدومستۆوارالىق قۇجاتتاردىڭ ماڭىزدىلىعى بەلگىلەنگەن. كەلىسسوز بارىسىندا بىرقاتار ماسەلەلەردى تالقىلادىق. استانا مەن سانتو-دومينگو اراسىنداعى ساياسي, ساۋدا-ەكونوميكالىق, ينۆەستيتسيالىق, تۋريستىك جانە مادەني-گۋمانيتارلىق بايلانىستاردى كەڭەيتۋ جايى قارالدى. قوس تاراپ ساۋدا مەن ينۆەستيتسيالاردىڭ كولەمىن ارتتىرۋعا نيەتتى. سونىمەن قاتار, دومينيكانعا ساياحاتتاپ جۇرگەن قازاقستاندىقتاردىڭ قاتارى از ەمەس. وسى سەبەپتى, ۆيزالىق رەجىمدى جەڭىلدەتۋ ءۇشىن كەلىسىم دايىندالىپ جاتىر, – دەدى قايرات ءابدىراxمانوۆ.
كەزدەسۋدە دومينيكان رەسپۋبليكاسىنىڭ ەكسپو-2017 كورمەسىنە قاتىساتىنى بۇل ءوز كەزەگىندە ەكى ەل اراسىنداعى قارىم-قاتىناستىڭ نىعايا تۇسۋىنە سەپتىگىن تيگىزەتىنى اتاپ ءوتىلدى.
ال دومينيكاننىڭ سىرتقى ىستەر ءمينيسترى كەزدەسۋ بارىسىندا ناقتى قۇجاتتاردى راسىمدەۋگە مۇددەلى ەكەنىن مالىمدەدى.
– ءبىزدىڭ باستى ماقساتىمىز – ساۋدا-ينۆەستيتسيالىق بايلانىستارىمىزدى جاڭا دەڭگەيگە شىعارۋ. سونىمەن قاتار, ەكسپو-2017 كورمەسىندە اشىلاتىن دومينيكان رەسپۋبليكاسىنىڭ ۇلتتىق پاۆيلونىنداعى جۇمىسقا بەلسەنە كىرىسەتىن بولامىز. وسى ارقىلى قوس مەملەكەت اراسىنداعى ساۋدا-ەكونوميكالىق جانە ىسكەرلىك قارىم-قاتىناس دامي تۇسەدى, – دەدى ميگەل ۆارگاس.
ايتا كەتەيىك, قازاقستان مەن دومينيكان اراسىنداعى ديپلوماتيالىق قارىم-قاتىناس 2011 جىلى 7 ماۋسىمدا ورناتىلعان بولاتىن. دومينيكان ءمينيسترى استاناعا العاش رەت رەسمي ساپارمەن كەلىپ وتىر.
ەكىجاقتى ساۋدا-ەكونوميكالىق ىنتىماقتاستىق ناتيجەسىندە ءىرى كولەمدە ەكسپورت پەن يمپورت جۇزەگە استى. قازاقستان كەدەن ورگاندارىنىڭ مالىمەتى بويىنشا, 2016 جىلى ساۋدا اينالىمى 890,3 مىڭ دوللاردى قۇرادى. بۇل وتكەن جىلدارعى كورسەتكىشتەردەن 1,5 ەسە كوپ. ناقتىراق توقتالار بولساق, ساۋدا اينالىمى 2015 جىلى 560,8 مىڭ دوللار, 2014 جىلى 560,4 مىڭ دوللار, 2013 جىلى 659,1 مىڭ دوللار سوماسىن قۇراعان ەدى.
ەكىجاقتى قارىم-قاتىناستار تاريxىندا بىلتىر العاش رەت قازاقستاننان دومينيكانعا 211,6 مىڭ دوللار كولەمىندە ەكسپورت جاسالدى. ال وعان دەيىن نەگىزىنەن دومينيكان يمپورتى عانا تىركەلگەن ەدى.
دومينيكاننان قازاقستانعا يمپورتتالاتىن تاۋارلارعا پلاستماسسالار, مەديتسينالىق قۇرىلعىلار, تابانى رەزەڭكەدەن دايىندالعان اياق كيىمدەر, تابيعي نەمەسە كومپوزيتسيالىق بىلعارى (جالپى يمپورتتىڭ 30%-ى), ەلەكتر تىزبەكتەرىن اجىراتۋ, اۋىستىرىپ قوسۋ جانە قورعاۋعا ارنالعان ەلەكتر اپپاراتۋرالارى (10%) جاتادى. ال قازاقستاننان دومينيكانعا فوسفينات, فوسفونات, فوسفات جانە پوليفوسفات ەكسپورتتالادى.
ايان ءابدۋالي,
«ەگەمەن قازاقستان»
