از قاباتتى ۇيلەر قۇرىلىسىنىڭ ىرگەتاسىن سالۋ ءىسى ناۋرىز ايىنان باستاۋ الادى. الدىن-الا جاسالعان جوسپار بويىنشا جوبانىڭ العاشقى كەزەڭىن الداعى كۇزگە دەيىن اياقتاۋ ۇيعارىلعان. بۇل وسى ۋاقىت ارالىعىندا تۇرعىن ءۇي نىساندارى تۇرعىزىلىپ ءبىتۋى كەرەك دەگەن ۇعىمدى بىلدىرەدى. قازىرگى ءىستىڭ بارىسى وسى مەجەلى ۋاقىت ۇدەسىنەن شىعۋعا العىشارت قالاي الا ما؟ بۇل ساۋالعا ازىرشە بىرجاقتى جاۋاپ قايتارۋ قيىن-اق.
ويتكەنى ءدال بۇگىنگى كۇنى قۇرىلىس قارقىنى جوعارى دەپ ايتۋعا اۋىز بارا بەرمەيتىندەي. مۇنداي ىركىلىس پەن كىدىرىستىڭ باستى سەبەپتەرىنىڭ ءبىرى جوبا شەڭبەرىندەگى كەيبىر جوبالاۋ-سمەتالىق قۇجاتتاردى ازىرلەۋ جۇمىستارىنىڭ ۇزاققا سوزىلىپ كەتكەنى دەۋگە بولادى. ەكىنشىدەن, كەز كەلگەن قۇرىلىس كونۆەيەرلىك تاسىلگە ارقا سۇيەي الماسا, «ساقالدى سيپاتقا» يە بولۋى وپ-وڭاي. دەمەك, قۇرىلىس ماتەريالدارىمەن قامتۋدا ىركىلىس بولماۋى كەرەك.
وسى ارادا پرەزيدەنت پەن ۇكىمەتتىڭ قولداۋىنا جانە قۇپتاۋىنا يە بولعان ايىرىقشا قۇرىلىسقا جەرگىلىكتى قۇرىلىس ماتەريالدارى پايدالانىلىپ وتىرعانىن ايتا كەتكەن ورىندى. وڭىردەگى قۇرىلىس يندۋسترياسى اتالعان جوبانىڭ باسى-قاسىندا جۇرگەن مەردىگەرلەردىڭ سۇرانىستارىن وتەۋگە ءازىر مە؟ قازىر وسىناۋ ساۋال توڭىرەگىندە ەكىۇشتى كوزقاراس قالىپتاسا باستاعانىن قالاي تۇسىنسەك ەكەن؟ ايتالىق, مەر-
دىگەرلەردىڭ ايتۋى بويىنشا, كىرپىش پەن قيىرشىق تاس جەتكىلىكسىز ەكەن. ناعىز جەرگىلىكتى ماتەريالدار ءدال وسى ەكەۋى ەمەس پە؟ كەيبىر جاسالعان ەسەپتەر مەن دەرەكتەرگە قاراعاندا اقتوبە قالاسىندا ءار كۇنگە شاققاندا وندىرىلەتىن كىرپىش سانى كولەمى جوبانى جۇزەگە اسىرۋعا جۇمىلعان قۇرىلىسشىلار سۇرانىسىن قاناعاتتاندىرۋعا تولىعىمەن جەتەدى. سوندا قالاي بولعانى؟ بار گاپ وسىندا بولىپ جۇرمەسىن. مۇنداي كەرەعارلىق ايماقتاعى قۇرىلىس يندۋسترياسى كاسىپورىندارىنىڭ قۋاتىنا تاعى ءبىر مارتە بارلاۋ جاساۋ قاجەتتىگىن ۇقتىرادى. سونىمەن بىرگە جەرگىلىكتى قۇرىلىس ماتەريالدارىن وندىرۋشىلەر مەن جوبا قۇرىلىسىن جۇرگىزۋشىلەر اراسىنداعى بايلانىستاردى تەرەڭدەتۋ كەرەكتىگىن كورسەتەدى. قۇرىلىستىڭ ويداعىداي قارقىن الا الماي وتىرعانىنا بۇعان دەيىن مەردىگەر ۇيىمداردىڭ ناقتى جۇمىس كەستەسى بەكىتىلمەي كەلگەنى دە سالقىنىن تيگىزگەنى سەزىلەدى. سونداي-اق, جەرگىلىكتى قۇزىرەتتى مەملەكەتتىك مەكەمەلەر تاراپىنان قۇرىلىستىڭ ءجۇرۋ بارىسىن كۇن سايىن قاتاڭ باقىلاۋ ءىسى دە بوساڭسىپ كەتكەندەي كورىنەدى.
قاناتقاقتى جوبا وبلىستاعى ءۇي قۇرىلىسى كومبيناتىنىڭ جوباسى بويىنشا جاسالعان. مۇنداي جاعدايدا بۇل قۇرىلىم ءوز ونىمدەرىنىڭ كولەمىن شۇعىل كوتەرۋى كەرەكتىگى دە باسى اشىق ماسەلە. قۇرىلىس ازىرگە ءبىر اۋىسىم بويىنشا جۇرگىزىلۋدە, دەگەنمەن الداعى كەزدە كەستەدەن كەشىگۋ كورىنىستەرى قايتالانا بەرگەن جاعدايدا ەكى اۋىسىمدىق جۇيەگە كوشۋ جونىندە شەشىم قابىلداۋ بەلگىلەنگەن.
تەمىر قۇسايىن,
«ەگەمەن قازاقستان»
قتوبە وبلىسى
