1804 شارى مەتر اۋماقتى الىپ جاتقان ەكى قاباتتى پاۆيلوننىڭ ءبىرىنشى قاباتىنداعى مۋلتيمەديالىق تەحنولوگيالار ارقىلى وڭتۇستىك كورەيانىڭ وسى سالاداعى جەتىستىكتەرىمەن تانىسۋعا بولادى. بۇدان بولەك, اۆتورلار اسلان ەسىمدى قازاق بالاسى تۋرالى حيكايانى دايىنداپ قويعان. ول تەدجون دەگەن ارالعا اتتانىپ, قۋراپ بارا جاتقان اعاشتاردى قۇتقارادى. سودان كەيىن ارا ەسىمدى قىزدىڭ كومەگىمەن ەنەرگيانىڭ جاڭا كوزىن تابادى.
پاۆيلوننىڭ ەكىنشى قاباتىندا وسى ەلدىڭ مادەنيەتىمەن تانىسۋعا مۇمكىندىك بار. وندا كورەي xالقىنىڭ ۇلتتىق تاعامدارىنان ءدام تاتىپ, كادەسىيلارىن ساتىپ الۋعا بولادى. سونداي-اق, وڭتۇستىك كورەيا سەريالدارىنىڭ پرومو-كورسەتىلىمى ۇيىمداستىرىلادى.
ايتا كەتەرلىگى, كورەيا رەسپۋبليكاسى ەكسپو كورمەلەرىنە 1970 جىلدان بەرى قاتىسىپ كەلەدى ەكەن. بۇل مەملەكەتتىڭ تەدجون مەن يوسۋ قالالارىندا دا اتالعان كورمە ۇيىمداستىرىلعان.
اسحات رايقۇل,
«ەگەمەن قازاقستان»
