وتىرىسقا كوميسسيا مۇشەلەرى – رەسپۋبليكالىق بۇقارالىق اقپارات قۇرالدارىنىڭ, شىعارماشىلىق بىرلەستىكتەردىڭ, جۋرناليستەردىڭ قوعامدىق ۇيىمدارىنىڭ جانە مۇددەلى مەملەكەتتىك ورگانداردىڭ وكىلدەرى قاتىستى, دەپ حابارلايدى اقوردا.
باسقوسۋدا مەملەكەتتىك حاتشى قازاقستاننىڭ مەملەكەتتىلىگىن نىعايتۋداعى بۇقارالىق اقپارات قۇرالدارىنىڭ ماڭىزدى ءرولىن اتاپ ءوتتى.
- بيىلعى كەزدەسۋىمىز قوعام ءومىرىنىڭ بارلىق سالاسىن جاڭعىرتۋعا باعىتتالعان ينستيتۋتسيونالدىق رەفورمالاردىڭ تەرەڭدەي تۇسكەن جاۋاپتى كەزەڭىندە ءوتىپ وتىر. مەملەكەت باسشىسى بەلگىلەگەن قازاقستاننىڭ وزىق دامىعان 30 ەلدىڭ قاتارىنا قوسىلۋ جونىندەگى ستراتەگيالىق مىندەتتەر وتاندىق باق-قا دەگەن زور سۇرانىس تۋدىرىپ, ەرەكشە ءرول اتقارۋدى تالاپ ەتەدى.
مەملەكەتتىك حاتشى, سونداي-اق, اقپاراتتىق قولداۋ مەملەكەتتىك ساياساتتى جانە ەل ىشىندەگى رەفورمالار باعىتىن ءتيىمدى ىسكە اسىرۋدىڭ ماڭىزدى تالاپتارىنىڭ ءبىرى بولىپ تابىلاتىنىنا توقتالدى.
قوعامدىق كوميسسيانىڭ وتىرىسىندا جۋرناليستىك ماتەريالدار دەڭگەيىنىڭ جوعارى ەكەنى, سونداي-اق قازاقستان دامۋىنىڭ ماڭىزدى قوعامدىق-ساياسي جانە الەۋمەتتىك-ەكونوميكالىق اسپەكتىلەرىن جاريا ەتۋدەگى مەديا قوعامداستىعى وكىلدەرىنىڭ ۇلەسى اتاپ ءوتىلدى.
تالقىلاۋ قورىتىندىسى بويىنشا قوعامدىق كوميسسيا اشىق داۋىس بەرۋ ارقىلى, باق سالاسىنداعى پرەزيدەنتتىك سىيلىقتاردى تاپسىرۋ ەرەجەسىنە سايكەس, باق وكىلدەرىنە ەكى سىيلىق جانە ەكى گرانت ءبولۋ, ءتورت شىعارماشىلىق ۇجىمعا پرەزيدەنت العىسىن جاريالاۋ جونىندە مەملەكەت باسشىسىنا ۇسىنىم جاساۋعا ءبىراۋىزدان قاۋلى ەتتى.
