قولدارىنا جەكە كۋالىكتەرىن العان جاس قىز-جىگىتتەر «الەمدەگى ەڭ ادەمى تۋ ءبىزدىڭ ەلىمىزدىڭ كوك تۋى. سوندىقتان بىز, كوك تۋىمىزعا قۇرمەتپەن قاراپ, ساقتاۋىمىز قاجەت» دەگەن قۋانىشتى تىلەكتەرىن ءبىلدىردى. سونىمەن بىرگە مەملەكەتتىك رامىزدەر كۇنىنە ارنالعان 5-ءشى وبلىستىق «تۋ ۇستاۋشىلار بايقاۋى» بولىپ ءوتتى. وڭىرلىك دەنە تاربيەسى جانە العاشقى اسكەري دايىندىق وقۋ-تاجىريبەلىك ورتالىعى حابارىنشا, قالا مەن اۋدانداردان كەلگەن 14 كوماندا قاتىستى. ماقساتى - جاستاردىڭ پاتريوتتىق سەزىمىن ارتتىرۋ, اۋداندار مەن قالالارداعى جاستاردىڭ مەرەكەگە دايىندىعىن تەكسەرۋ, رامىزدەرگە قۇرمەتپەن قاراۋعا تاربيەلەۋ. رامىزدەر كۇنى شارباقتى اۋدانىندا دا رامىزدەر كۇنى پاتريوتتىق مەرەكەگە ارنالدى.
اۋدان جاستارى ۆەلو جارىسقا شىقتى. كوك تۋ كوتەرىپ, اۋدان ورتالىعىنداعى الاڭدا پاتريوتتىق شەرۋ جاساپ, وتان, تۋعان جەر جايلى اندەر شىرقادى.
فاريدا بىقاي
«ەگەمەن قازاقستان»
پاۆلودار
