بۇل مىندەتتىڭ كۇردەلىلىگىن ەلباسى ناقتى پايىمداپ, «... بۇل مىندەت ءبىلىم بەرۋدىڭ, مادەنيەت ورگاندارىنىڭ, قوعامدىق ۇيىمداردىڭ, بۇقارالىق اقپارات قۇرالدارىنىڭ بارلىق جۇيەسىنە, ءاربىر وتباسىنا قاتىستى. ال ونى ەلدىڭ تۋىن, ەلتاڭباسىن, ءانۇرانىن قاستەرلەۋدەن, زاڭدى وكىمەتتى قۇرمەتتەۋگە تاربيەلەۋدەن باستاۋ كەرەك. ءاربىر ادام بالا كەزىنەن قازاقستان – مەنىڭ وتانىم, ونىڭ مەن ءۇشىن جاۋاپتى ەكەنى سياقتى, مەن دە ول ءۇشىن جاۋاپتىمىن دەگەن قاراپايىم ويدى بويىنا ءسىڭىرىپ وسەتىندەي ەتكەن ءجون», -دەگەن بولاتىن. حالىق جۇرەگىن جەلپىگەن ەركىندىك سامالى عاجايىپ شىعارماشىلىق بەلسەندىلىككە جول اشتى. ەلباسىمىز جاڭا مەملەكەتتىك رامىزدەردى قابىلداۋعا زور ءمان بەردى.
قازاقستان رەسپۋبليكاسىنىڭ تاۋەلسىزدىگىمەن بىرگە جاساسىپ كەلە جاتقان مەملەكەتتىك رامىزدەرىمىز 25 جىل ىشىندە ءوز ومىرشەڭدىگى مەن ەلىنىڭ ايبىنىن اسقاقتاتتى. قولدانىستاعى زاڭنامالار مەن حالىقارالىق شارتتارعا سايكەس, حالىقارالىق, مەملەكەتتىك نەمەسە سپورتتىق ءىس-شارالاردا مەملەكەتتىڭ ءانۇرانى ويناتىلىپ, تۋى كوتەرىلەتىنى بەلگىلى. تاۋەلسىزدىك العان ۋاقىت ىشىندە كوپتەگەن حالىقارالىق ءىس-شارالار مەن سپورتتىق جارىستاردا قازاق ەلىنىڭ گيمنى وزگە دە الپاۋىت ەلدەرمەن يىق تىرەسىپ, تالاي ەلدەردىڭ اسپانىندا شالىقتاپ, كوك تۋىمىز تالاي جەلبىرەدى.
1992 جىلعى 4 ماۋسىمىندا قازاقستاننىڭ جاڭا مەملەكەتتىك رامىزدەرى العاش رەت بەكىتىلگەن بولاتىن. ال 2007 جىلى 4 ماۋسىمدا «قازاقستان رەسپۋبليكاسىنىڭ مەملەكەتتىك رامىزدەرى تۋرالى» كونستيتۋتسيالىق زاڭ قابىلداندى. وسى زاڭعا سايكەس, جىل سايىن 4 ماۋسىم - قازاقستاندا مەملەكەتتىك رامىزدەر كۇنى رەتىندە مەرەكەلەنەدى.
وسى مەرەكەگە وراي س.بايىشەۆ اتىنداعى اقتوبە وبلىستىق امبەباپ عىلىمي كىتاپحاناسىندا «تاۋەلسىز قازاقستاننىڭ قۇرىلۋىنداعى مەملەكەتتىك رامىزدەردىڭ ماڭىزدىلىعى» اتتى دوڭگەلەك ۇستەل ۇيىمداستىرىلدى. وعان اقتوبە قالاسىنىڭ ىشكى ساياسات ءبولىمىنىڭ باس مامانى ء ا.جۇمامۇراتوۆا, وبلىستىق «ادىلەت» دەپارتامەنتىنىڭ باس مامانى گ.رايىمقۇلوۆا, تەحنيكالىق رەتتەۋ جانە مەترولوگيا كوميتەتىنىڭ اقتوبە وبلىسى بويىنشا دەپارتامەنتىنىڭ باس مامانى ا.تۋرەباەۆ, «بايلانىس جانە كوممۋنيكاتسيا» كوللەدجىنىڭ ستۋدەنتتەرى مەن وقىتۋشىلارى, وبلىستىق كىتاپحانالاردىڭ قىزمەتكەرلەرى قاتىستى.
شارا بارىسىندا مەملەكەتتىك رامىزدەر تۋرالى قازاقستان رەسپۋبليكاسىنىڭ زاڭنامالارى مەن نورماتيۆتىك قۇقىقتىق اكتىلەرى تۇسىندىرىلە وتىرىپ, قازاقستان رەسپۋبليكاسىنىڭ مەملەكەتتىك رامىزدەرىن, سونداي-اق ولاردىڭ بەينەسى بار ماتەريالدىق وبەكتىلەردى قولدانۋ جانە دايىنداۋ ساتىسى, قانداي جاعدايلاردا مەملەكەتتىك رامىزدەردى ورنالاستىرۋ مىندەتتى بولاتىنى جانە تاۋەلسىز قازاقستاننىڭ قۇرىلۋىنداعى مەملەكەتتىك رامىزدەردىڭ ماڭىزدىلىعى, مەرەكە كۇنىنە ارنالعان قانداي قالالىق ءىس – شارالار وتكىزىلەتىنى تۋرالى ايتىلىپ, وزەكتى ماسەلەلەر تالقىلاندى, قويىلعان سۇراقتارعا ناقتى جاۋاپتار بەرىلدى.
شارانى كىتاپحانا ديرەكتورى ن.جۇماعۇل قۇتتىقتاۋ سوزىمەن قورىتىندىلاپ, جاستارعا مەملەكەتتىك رامىزدەرىن قۇرمەتتەۋگە جانە قاستەرلەۋگە شاقىردى.
قر مەملەكەتتىك رامىزدەرىنىڭ تاريحى تۋرالى سلايد پەن بەينەروليك كورسەتىلىپ, «ەلىمنىڭ رامىزدەرى – تاۋەلسىزدىكتىڭ بەلگىسى» تاقىرىبىمەن كىتاپ كورمەسى ۇيىمداستىرىلدى.
س.بايىشەۆ اتىنداعى اقتوبە وبلىستىق
امبەباپ عىلىمي كىتاپحاناسىنىڭ
ءبولىم مەڭگەرۋشىسى
ليزا قاراعويشينا
