«جاڭا عانا ۇلىبريتانيا استاناسىنداعى لوندون كوپىرىندە شاعىن اۆتوبۋس جىلدامدىقپەن كەلىپ ادامداردى سوققانى جونىندە اقپارات شىقتى.
لوندونداعى بارلىق قازاقستان ازاماتتارىنا, قاۋىپسىزدىك شارالارىن ساقتاپ جانە جاقىندارى مەن تۋىستارىنا ءوزىنىڭ جۇرگەن جەرىن حابارلاۋدى سۇرايمىز. اياق استى كومەك قاجەت بولعان جاعدايدا ۇلىبريتانياداعى قازاقستان ەلشىلىگىنىڭ كونسۋلدىق بولىمىنە +44(0)7447470570 (WhatsApp) تەلەفون ءنومىرى بويىنشا جەدەل حابارلاسۋىنا كەڭەس بەرەمىز», - دەپ جازدى ءانۋار جايناقوۆ. قازىرگى ۋاقىتتا ديپلوماتتار زارداپ شەگۋشىلەر اراسىندا قازاقستان ازاماتتارى بار-جوقتىعىن انىقتاپ جاتىر. رەسەيلىك تاسس اگەنتتىگىنىڭ حابارلاۋىنشا, وقىس وقيعا لوندون كوپىرىندە بولعان. Sky News تەلەارناسى زارداپ شەككەندەردىڭ بار ەكەندىگى جايىندا حابارلادى. تۋيتتەردە وقيعاعا كۋا بولعانداردىڭ جازۋىنشا, كوپىردە كولىك جاياۋ جۇرگىنشىلەردى كەلىپ سوققان. باسقا اقپاراتقا جۇگىنسەك, سول جەردە 20-عا جۋىق ادام زارداپ شەككەن. جاياۋلارعا قاساقانا شابۋىلدى ءۇش ادام ىسكە اسىرعان.
