وعان وبلىس اكىمى قىرىمبەك كوشەرباەۆ, قر مەملەكەتتىك ەلتاڭباسىنىڭ اۆتورى-جانداربەك مالىبەكوۆ, ارداگەرلەر مەن ۇكىمەتتىك ەمەس ۇيىمداردىڭ وكىلدەرى جانە جاستار قاتىستى. ايماق باسشىسى قىزىلوردالىقتاردى 4 ماۋسىم-مەملەكەتتىك رامىزدەر كۇنىمەن قۇتتىقتادى.
- ەلباسى نۇرسۇلتان ءابىش ۇلى نازارباەۆ ايتقانداي: "مەملەكەتتىك رامىزدەر – حالقىمىزدىڭ رۋحىن, ۇلتتىق ساناسى, قاھارماندىعى مەن دانالىعىن, بولاشاققا دەگەن ءۇمىتىن, ارمان-تىلەگىن جەتكىزەتىن ەرەكشە قۇندى بەلگىلەر". كوك تۋ استىندا بەرەكەلى بىرلىگىمىز بەن تاتۋ تىرلىگىمىز, گيمنىمىز بەن جەتىستىگىمىز دۇنيەجۇزىنە تانىلۋدا. تاۋەلسىز قازاقستاننىڭ كوك تۋى وزىمەن تىلەكتەس, ەكونوميكالىق جانە دوستىق قارىم-قاتىناس ورناتقان كوپتەگەن شەت ەلدەردە جەلبىرەپ تۇر. ۇلتتىق تۋىمىز وليمپيادالىق ويىندار مەن الەم چەمپيوناتتارىندا بيىكتەرگە كوتەرىلۋدە. بۇل – ءاربىر قازاقستاندىق ءۇشىن ۇلكەن ماقتانىش, زور ابىروي, ۇلى باقىت دەپ بىلەمىن. شيرەك عاسىر ەنشىسىندە ەلباسى باستاۋىمەن ەلىمىزدە عاسىرعا تاتيتىن اۋقىمدى جۇمىستار جاسالدى. سونىڭ ناتيجەسىندە, بۇگىنگى ۇرپاق عاسىرلار بويى اتا-بابامىز اڭساعان تاۋەلسىزدىكتىڭ, ۇلتتىق مەملەكەت قۇرۋ مۇراتىنىڭ جۇزەگە اسقان زامانىندا بەيبىت عۇمىر كەشۋدە,-دەدى وبلىس اكىمى.
سونداي-اق, سىربويىلىقتاردى قر مەملەكەتتىك ەلتاڭباسىنىڭ اۆتورى, بەلگىلى ساۋلەتشى, جەرلەسىمىز-جانداربەك مالىبەكوۆ قۇتتىقتادى.
مۇنان سوڭ رامىزدەر اللەياسىندا مەملەكەتتىك قىزمەتكە جاقىندا قابىلدانعاندار انت قابىلدادى. سونىمەن قاتار, ايماقتىڭ بىرقاتار تۇرعىندارى وبلىس اكىمىنىڭ العىس حاتتارىمەن ماراپاتتالدى. ولار: كاسىبي بىلىكتىلىگى ارقاسىندا انا مەن ونىڭ ءسابيىن امان الىپ قالعان قوسامان اۋىلدىق وكرۋگىنىڭ فەلدشەرى جانار سەرجانوۆا, الاپات ورتتەن 20 ادامدى قۇتقارعان №11 ورتكە قارسى قىزمەت ءبولىمىنىڭ ماماندارى, حالىقارالىق وليمپيادالاردىڭ جەڭىمپازى قۋانىش انارباي, شاحماتتان الەم چەمپيونى اسەل سەرىكباي جانە بىرقاتار وبلىستىق جانە رەسپۋبليكالىق بايقاۋلاردىڭ جۇلدەگەرى, «كىزىلوردينسكيە ۆەستي» گازەتىنىڭ ءتىلشىسى كيريلل دەنيسوۆ.
