7-ماۋسىمنان باستاپ 12-قىركۇيەك ارالىعىنا دەيىن تاڭەرتەڭگى ساعات 6:00-دان تۇنگى 23:00-گە دەيىن 3,5 توننادان استام سالماقتاعى جۇك كولىكتەرىنىڭ قاتىناسىنا تىيىم سالىنادى. ب.يگەنبەردينوۆتىڭ ايتۋى بويىنشا, جوبا ەلورداعى جول-كولىك جەلىسىن جەڭىلدەتۋ ماقساتىندا قولعا الىنىپ وتىر.
ء«بىز ەلوردالىق كاسىپكەرلەرگە ءىرى مونتاجداعى ماشينالارعا جۇك تيەۋ جۇمىستارى لوگيستيكالىق پرينتسيپ بويىنشا: كۇندىز ۋچاسكەدە جۇك تيەلەدى, ال ونى ءتۇسىرىپ, شىعارۋ تۇندە جۇرگىزىلەتىنىن ايتىپ تۇسىندىردىك. ولار بۇل جاڭاشىلدىققا تۇسىنىستىكپەن قارادى, - دەيدى ب.يگەنبەردينوۆ.
سونىمەن قاتار, ونەركاسىپتىك اۋماقتا جۇك كولىكتەرىنىڭ قاتىناۋىنا تىيىم سالىنبايدى. ال ترانزيتتىك كولىك ماشينالارىنا شەكتەۋ جوق, ولار ءۇشىن اينالما تاس جولى بويىمەن قاتىناۋ قاراستىرىلعان.
سونداي-اق, اپاتتى, قۇتقارۋ, تازالاۋ قىزمەتىنىڭ كولىكتەرى مەن بەتون جانە اسفالت توسەيتىن تەحنولوگيالىق تسيكلدى قامتاماسىز ەتەتىن ماشينالارعا دا قوزعالىس شەكتەلمەيدى.
