دەلەگاتسيا قۇرامىندا تۇركيا رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى نەۆزات ۋيانىك, تۇركيا ءسىم ەكىجاقتى قارىم-قاتىناستار دەپارتامەنتىنىڭ ديرەكتورى شەفيك ۆۋرال التاي, تۇركيا رەسپۋبليكاسىنىڭ قازاقستانداعى ەلشىلىگىنىڭ كەڭەسشىسى وزلەم حەرسان, تۇركيا ۆيتسە-پرەمەرىنىڭ كەڭەسشىسى ساليح وزدەمىر بار.
قۇرمەتتى مەيمانداردى قارسى العان اكادەميا باسشىسى دارحان قىدىرالى ۇيىمنىڭ قىزمەتى مەن جۇزەگە اسىرعان ىرگەلى جوبالارى جونىندە جان-جاقتى باياندادى. TWESCO-نىڭ حالىقارالىق ۇيىمدارمەن ىنتىماقتاستىعى, ورتاق تۇركى تاريحى, ورتاق تۇركى ادەبيەتى مەن ورتاق تۇركى گەوگرافياسى وقۋلىقتارىنىڭ جازىلۋى, حالىقارالىق ارحەولوگيالىق ەكسپەديتسيالار مەن قازبا جۇمىستارى جونىندە دە كەڭىنەن اڭگىمەلەپ بەردى. سونىمەن بىرگە, اكادەميانىڭ كەلەشەك جوسپارلارىمەن تانىستىردى.
استاناعا رەسمي ساپارى اياسىندا تۇركى اكادەمياسىنا ارنايى كەلگەن تۇعرىل تۇركەش مىرزا ءوز كەزەگىندە ۇيىمنىڭ قىزمەتىن جوعارى باعالاپ, بولاشاق جوبالارىنا تابىس تىلەدى.
ەكىجاقتى كەزدەسۋدەن سوڭ قوناقتار تۇركى كىتاپحاناسى مەن تۇركى مۋزەيىن ارالاپ كوردى.
كەزدەسۋ سوڭىندا د.قىدىرالى مارتەبەلى مەيمانعا اكادەميا باسىپ شىعارعان قۇندى كىتاپتاردى تارتۋ ەتتى.
.jpg)
