2 مىڭعا جۋىق بەينەباقىلاۋ كامەراسىن استانا قالاسىنىڭ قالا تىرشىلىگىن قامتاماسىز ەتۋدىڭ كەشەندى شارالار جۇيەسىنە (قتقكشج) قوسۋ كوزدەلىپ وتىر. بۇل ماقساتتاعى جۇمىستىڭ بارلىعى ەكسپو كورمەسىن وتكىزۋ كەزىندەگى قاۋىپسىزدىكتى قامتاماسىز ەتۋ ماقساتىندا ماۋسىم ايىنىڭ سوڭىنا دەيىن اياقتالماق دەپ مالىمدەدى «استانا Innovations» اق باسقارما توراعاسىنىڭ ورىنباسارى مەيرام ديۋسيۋكوۆ ەلوردا اكىمدىگى مەديا ورتالىعىنىڭ تىلشىسىنە بەرگەن سۇحباتىندا.
قازىرگى كۇنى «استانا Innovations» اق-نىڭ قتقكشج جوباسى شەڭبەرىندە بىرىڭعاي جۇيەگە 1,3 مىڭ كامەرا بىرىكتىرىلدى. ونىڭ 393 «استانا Innovations» اق بەينەباقىلاۋ كامەراسى, ال قالعان 907-ءى ينتەگراتسيالانعان كامەرالار.
ەكسپو كورمەسى باستالعانعا دەيىن 26 جاڭا ايالداما مەن بىرنەشە ساۋدا ورتالىقتارى مەن سپورت كەشەندەرى بەينەباقىلاۋاعا قوسىلدى. استانا قالاسىنىڭ ءىىد جەدەل باسقارۋ ورتالىعىنىڭ قىزمەتكەرلەرىنىڭ بارلىق كامەرالارعا تۇسكەن مالىمەتتى الۋعا قۇزىرى بار.
«استانا قالاسى بويىنشا بەينەباقىلاۋ» جوباسى ەلوردانى ينفراقۇرىلىمداردى جەتىلدىرۋ مەن باسقارۋ جۇيەسىن جاڭارتۋ نەگىزىندە «اقىلدى قالاعا» ترانسفورماتتاۋ شەڭبەرىندە جۇزەگە اسىرىلىپ جاتىر.
«اتالمىش جوبا ەلوردا تۇرعىندارىنىڭ قاۋىپسىزدىگىن قامتاماسىز ەتۋ مەن ءومىر ءسۇرۋ ساپاسىن جاقسارتۋعا باعىتتالعان. سونداي-اق ينتەللەكتۋالدى تەحنيكا قالا تىرشىلىگىن تالداۋ وپەراتسيالارىن اۆتوماتتاندىرۋ مەن ونىڭ نەگىزىندە شەشىم قابىلداۋعا مۇمكىندىك بەرەدى. جالپى العاندا بۇل جوبا استاناداعى ءومىر ساپاسى مەن قاۋىپسىزدىكتى قامتاماسىز ەتۋ دەڭگەيىن ارتتىرادى», - دەدى مەيرام ديۋسيۋكوۆ.
كەلەشەكتە استانا اۋماعىنىڭ 80 پايىزىن تەحنيكالىق قۇرالداردى ەنگىزۋ – بەينە جانە فوتو باقىلاۋ ارقىلى قالا قاۋىپسىزدىگىن قامتاماسىز ەتۋ جوسپارلانىپ وتىر.
