قازىرگە ەۋرازيالىق بانكتە التىن قۇيمالارىن ساتۋ گەوگرافياسى – استانا, الماتى, وسكەمەن جانە اتىراۋ قالالارىن قامتيدى.
باعدارلاماعا قاتىساتىن التىن قۇيمالارى قازاقستان تەڭگە سارايىندا جاسالعان جانە ءتورت تۇردە ۇسىنىلعان: 10, 20, 50 جانە 100 گرامم. ءار قۇيما مەحانيكالىق زاقىمدانۋدان اۋلاق بولۋعا كومەكتەسەتىن ارنايى توعاناققا سالىنعان. قۇيمالاردا جانە توعاناقتا قورعانىش ەلەمەنتتەر بار جانە ولار اكتيۆ ساپاسىنىڭ سەرتيفيكاتى بولىپ تابىلادى. توعاناق تۇتاستىعى قۇيمالار قۇنىنىڭ ساقتالۋىنا كەپىل بولىپ تابىلادى.
التىن قۇيمالارىن بۇلايشا ينۆەستيتسيا قۇرالى رەتىندە پايدالانۋ ارتىقشىلىقتارىنىڭ ءبىرى – بانكتىڭ كليەنتكە «كۇنبە كۇن» اقشانى تولەۋىنىڭ العاشقى تالابىن ورىندايتىن, حالىقتان التىن قۇيمالارىن ساتىپ الۋ مىندەتىن قامتاماسىز ەتەتىن, بولجالدى جوعارى وتىمدىلىگى.
«ۇلتتىق بانكتىڭ بۇل باعدارلاماسى – ەلىمىزدىڭ قارجى سەكتورىنىڭ بولاشاق دامۋى مەن حالىققا كورسەتىلىپ جۇرگەن قارجى قىزمەتتەرىنىڭ الۋان تۇرلىلىگىن ارتتىرۋعا باعىتتالعان ماڭىزدى قادام. نارىقتىڭ قازىرگى كونيۋكتۋراسىن جانە ساراپشىلار قاۋىمى تاراپىنىڭ التىن باعاسىنىڭ وسۋىنە بولجالدارىن ەسكەرسەك, رەتتەۋىشتىڭ باستاماسى وتە دەر كەزىندە ەكەنىن بايقايمىز. التىنعا قارجى سالۋ – جيناقتارىڭىزدى ۆاليۋتالىق باعامداردىڭ اۋىتقۋلارىنان جانە قۇنسىزدانۋدان ساقتاۋدىڭ سەنىمدى ءادىسى ءارى ۇزاق مەرزىمدى كەلەشەكتە ول اسا جوعارعى تابىس الۋ قۇرالى دا بولا الادى. ءبىر قۋانتارلىعى, ول وسى قورعانىش اكتيۆكە قارجى سالۋ ەندى جەكە قاراجات سالۋشىلارعا دا قولجەتىمدى بولىپ», – دەدى «ەۋرازيالىق بانك» اق باسقارما توراعاسى پاۆەل لوگينوۆ.
ايناش ەسالي,
«ەگەمەن قازاقستان».
الماتى
