وبلىس اكىمى قۇمار اقساقالوۆتىڭ توراعالىعىمەن وتكەن “نۇرلى جەر” مەملەكەتتىك باعدارلاماسىنىڭ جەرگىلىكتى جەردە جۇزەگە اسىرىلۋى بارىسىن تالقىلاعان وتىرىسقا «قازاقستاننىڭ تۇرعىن ءۇي-قۇرىلىس جيناق بانكى» اق-نىڭ ءتورايىمى ءلاززات يبراگيموۆا قاتىستى.
باسقوسۋدا پەتروپاۆل قالاسىنىڭ اكىمى مارات تاسماعانبەتوۆ ەسەپ بەرىپ, “سولنەچنىي” شاعىناۋدانىندا 200 ءۇي سالۋ بوي كوتەرەتىنىن جەتكىزدى. 8200 ادام ءوتىنىش بەرىپ, 500 جەر تەلىمى يەلەرىن تاپقان. ءار ءۇيدىڭ ءبىر شارشى مەترىنىڭ قۇنى 100 مىڭ تەڭگە مولشەرىندە. ينفراقۇرىلىم تارتۋعا بيۋدجەتتەن 1,3 ميلليارد. تەڭگە بولىنگەن.
قىزىلجار وڭىرىنە جۇمىس ساپارىمەن كەلگەن “قازاقستاننىڭ تۇرعىن ءۇي قۇرىلىس جيناق بانكى” اكتسيونەرلىك قوعامىنىڭ باسقارما ءتورايىمى ءلاززات يبراگيموۆا مەملەكەتتىك باعدارلاما اياسىندا جەكە تۇرعىن ءۇي سالۋ, يپوتەكا, جالعا بەرىلەتىن ءۇي, جەر تەلىمدەرىن الۋ جانە تاعى باسقا كوپتەگەن جەڭىلدىكتەر ماسەلەلەرىن ورتاعا سالدى. .
«بۇگىنگى تاڭدا 26 مىڭ سولتۇستىكقازاقستاندىق بانكتە ەسەپشوت اشىپ, 12 ميلليارد تەڭگە جيناعان. الايدا, بارلىق سالىمشىلاردىڭ 2,5 مىڭى عانا باسپانا قارجىسىنىڭ 50 پايىزىن جيناقتاعان. ياعني, تەك ءار ونىنشى سالىمشى عانا باسپاناعا قول جەتكىزگەن», دەدى ءلاززات ەركەنقىزى.
جيىندا تۇرعىنداردىڭ باعدارلاماعا قىزىعۋشىلىعىن ارتتىرۋ ءۇشىن يپوتەكالىق نەسيەنىڭ پايىزدىق مولشەرلەمەسىن تومەندەتىپ, ءۇيدىڭ شارشى مەترىنە شاققانداعى باعاسىن ارزانداتۋ مۇمكىندىكتەرى ءى ءسوز بولدى. بانك ءتورايىمىنىڭ ايتۋىنشا, “نۇرلى جەر” باعدارلاماسى ارقىلى جەرگىلىكتى اتقارۋشى ورگانداردا كەزەكتە تۇرعان ازاماتتار ءۇشىن العاشقى سالىم كولەمى 50 پايىزدان 30 پايىزعا دەيىن تومەندەتىلگەن. ەندىگى كەزەكتە بانك ونى 15 پايىزعا دەيىن ازايتۋدى قاراستىرىپ وتىر.
قۇمار اقساقالوۆ اتالمىش بانكتىڭ سالىمشىسى رەتىندە باسپانا الۋ حالىق ءۇشىن ەڭ ءتيىمدى جول بولىپ تۇرعانىن, ورتاق ىسكە بىرلەسە وتىرىپ جۇمىس ىستەۋ قاجەتتىگىن اتاپ كورسەتتى.
كەزدەسۋ بارىسىندا وبلىستىق اكىمدىك پەن “تۇرعىن ءۇي قۇرىلىس جيناق بانكى” اكتسيونەرلىك قوعامى اراسىندا ىنتىماقتاستىق جانە ءوزارا ءىس-قيمىل تۋرالى مەموراندۋمعا قول قويىلدى.
ءومىر ەسقالي,
سولتۇستىك قازاقستان وبلىسى.
