ارنايى وپەراتسيالار كۇشتەرىنىڭ باسقارۋ ورگاندارىن, قۇرامالارى مەن اسكەري بولىمدەرىن تەكسەرۋ بارىسىندا اسكەرلەردى باسقارۋ, بايلانىس كۇشتەرى مەن قۇرالدارىنىڭ جاۋىنگەرلىك ازىرلىگىنە باستى نازار اۋدارىلدى.
كوميسسيانىڭ تەكسەرۋ ناتيجەسى اسكەري بولىمدەردىڭ جاساقتالۋى مەن جابدىقتالۋىن, قارۋ-جاراقتىڭ, اسكەري تەحنيكا مەن وقۋ-ماتەريالدىق بازانىڭ ارنالىم بويىنشا تاپسىرمالاردى ورىنداۋعا باعالاۋعا تولىق كولەمدە مۇمكىندىك بەردى. جازعى وقىتۋ كەزەڭىنە دايىندىق زەردەلەنىپ, اسكەرلەردىڭ جاۋىنگەرلىك ماشىعىنىڭ تيىمدىلىگىن ارتتىرۋ جولدارى بەلگىلەندى. ارنايى وپەراتسيالار كۇشتەرىنىڭ قۇرامالارى مەن اسكەري بولىمدەرى بەيبىت جانە سوعىس ۋاقىتىندا ۋاقتىلى قولدانۋعا ساقاداي ساي, ۇدايى ازىرلىكتە بولاتىندارىن ايتا كەتۋ قاجەت.
جالپى العاندا, ارنايى وپەراتسيالار كۇشتەرىنىڭ قۇرامالارى مەن اسكەري بولىمدەرىنىڭ جاۋىنگەرلىك ازىرلىگى جوعارى. ولار بەلگىلەنگەن تالاپتارعا ساي كەلەدى.
