شۆەتساريانىڭ IMD بيزنەس مەكتەبىنىڭ جاساعان رەيتينگىندە قازاقستان بىلتىرعى 47-ءشى ورىننان بيىل 32-ءشى ورىنعا ءبىر-اق كوتەرىلدى.
ءتىزىمدى جاساۋ بارىسىندا 4 كاتەگوريا بويىنشا 20 پارامەتر ەسەپكە الىنادى. قازاقستان وسى كورسەتكىشتەردىڭ بارلىعىندا العا جىلجىعان. اتاپ ايتار بولساق, ءتورت كاتەگوريا قاتارىندا ەكونوميكا كورسەتكىشى, ۇكىمەتتىڭ تيىمدىلىگى, بيزنەس پەن ينفراقۇرىلىمنىڭ تيىمدىلىگى بار.
ال جەكەلەگەن پارامەترلەر 323 كورسەتكىش بويىنشا ەسەپتەلەدى. سونىڭ ىشىندە الەمدىك ءىجو-گە ۇلەسى, جانارماي باعاسى, كاپيتال قۇنىمەن سالىستىرعاندا سالىق دەڭگەيى, مەملەكەتتىك ساياسات اشىقتىعى مەن شەتەلدىك يدەيالارعا ۇلتتىق مادەنيەتتىڭ اشىقتىعى.
ايتا كەتەيىك, رەيتگتە رەسەي 46-شى ورىننان كورىنسە, ۋكراينا 60-شى ورىنعا سىرعىدى.
قازاقستاننىڭ ىلگەرى جىلجۋىنا اسەر ەتكەن بىردەن ءبىر فاكتور “مەملەكەتتىك قارجى” سالاسىنداعى وڭ وزگەرىستەر. بۇل كورسەتكىش بويىنشا قازاقستان 51-ءشى ورىننان 4-ءشى ورىنعا ءبىر-اق كوتەرىلدى. “ىشكى ەكونوميكا” كورسەتكىشىنەن 40-شى ورىندا.
ال ءتىزىمنىڭ كوش باسىندا ەكىنشى جىل قاتارىنان گونكونگ ورنالاسقان. ودان كەيىن شۆەيتساريا مەن سينگاپۋر. ءتورتىنشى ورىندا اقش. بەسىنشى ورىن نيدەرلاندىعا تيەسىلى.
باۋىرجان مۇقانوۆ,
"ەگەمەن قازاقستان"
