ايتا كەتەيىك, ءبىر رەتتىك قۇپياسوز ارقىلى بەرىلەتىن العاشقى قىزمەت بيىلعى جىلدىڭ ءساۋىر ايىندا ىسكە قوسىلعان سوتتالماۋى (سوتتالۋى) تۋرالى انىقتاما ەدى. 20 قىزمەتتىڭ 15-ءى ءبىر رەتتىك قۇپياسوزدى پايدالانۋ ارقىلى قولجەتىمدى بولسا, قالعان 5 قىزمەت ءۇشىن پورتالدا تىركەلۋ جەتكىلىكتى.
ء بىر رەتتىك قۇپيا ءسوز ارقىلى مىنا قىزمەتتەر قولجەتىمدى: مەملەكەتتىك ورگاندار كەلەسى قىزمەتتەردى ىرىكتەپ العان: م ۇلىكتىڭ بولماۋى (بولۋى) تۋرالى انىقتاما, جىلجىمايتىن م ۇلىكتى تىركەۋ جانە قۇقىقتىڭ اياقتالۋى تۋرالى جەكە تۇلعالارعا انىقتاما بەرۋ, جىلجىمايتىن م ۇلىككە تىركەلگەن قۇقىقتار (تىيىمدار) جانە ونىڭ تەحنيكالىق سيپاتتاماسى تۋرالى انىقتاما, جىلجىمايتىن م ۇلىكتىڭ تەحنيكالىق پاسپورتىن الۋ, ازاماتتىق حال اكتىلەرىن قايتا الۋ جانە تىركەۋ جانە ت.ب.
ءبىر رەتتىك قۇپياسوز دەگەنىمىز ازامات بەلگىلى ءبىر قىزمەتتى الۋ ءۇشىن سۇراۋ سالعان كەزدە sms ارقىلى ۇيالى تەلەفونعا كەلەتىن حابارلاما. سۇراۋ سالۋشىنىڭ تەلەفونىنا كەلگەن تەكسەرۋشى قۇپياسوزدى (كود) eGov.kz پورتالىندا ەنگىزۋ قاجەت. وسى كەزدە پايدالانۋشىنىڭ ءنومىرى موبيلدىك ازاماتتار بازاسىندا تەكسەرىلىپ, بازاداعى نومىرمەن سايكەستىگى راستالىپ, سۇراۋ سالعان قىزمەتكە بىردەن جاۋاپ بەرىلەدى. موبيلدىك ازاماتتار بازاسىندا تىركەلۋ ءۇشىن پورتالدا «جەكە كابينەتكە» كىرىپ «تەلەفون» دەگەن باعاندا ۇيالى تەلەفوننىڭ ءنومىرىن كورسەتۋ قاجەت. بۇدان بولەك, جسن-عا تەلەفون ءنومىرىن تىركەۋ ءۇشىن «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ فرونت-كەڭسەلەرىنە بارۋعا بولادى.
مىنا قىزمەت تۇرلەرىنە اۆتوريزاتسيا كەرەك: وتانداستار دارىگەردى ۇيگە شاقىرۋ, دارىگەردىڭ قابىلداۋىنا جازىلۋ, مەديتسينالىق ۇيىمعا تىركەۋگە تۇرۋ سياقتى قىزمەتتەردى ەلەكتروندى تسيفرلىق قولتاڭباسىز پايدالانۋعا بولادى. بۇل جەردە مەديتسينالىق ۇيىمعا تىركەلگەندەر عانا ۇيگە دارىگەردى شاقىرا الاتىنىن ەسكەرۋ قاجەت. سونىمەن قاتار, اسكەري قىزمەتىن وتكەرۋدى راستاۋ تۋرالى انىقتاما مەن جەڭىلدىكتەرى بار ادامدارعا ( ۇلى وتان سوعىسىنا قاتىسۋشىلارعا, چەرنوبىل اەس-گى اپاتتى جويۋشىلارعا) انىقتامالار بەرۋ قىزممەتتەرى قولجەتىمدى بولماق. «مەملەكەتتىك قىزمەتتەردى جەڭىلدەتۋ جۇمىستارى پرواكتيۆتى مەملەكەتتى دامىتۋعا باعىتتالعان. ياعني, ازاماتتاردىڭ قاتىسۋىنسىز بەرىلەتىن قىزمەتتەر سانى ۇنەمى كوبەيەتىن بولادى.
