ەكسپو-2017 مامانداندىرىلعان حالىقارالىق كورمەسى قارساڭىندا استانا قالاسىنىڭ ءىىد كوشى-قون قىزمەتى باسقارماسىنىڭ ماماندارى شەتەلدىك ازاماتتاردىڭ قۇجاتتارىن تاۋلىك بويعى تارتىپتە تىركەۋگە الۋدا.
ۆيزالىق-كوشى قون پورتالى جانە ە.gov.kz ۆەب-پورتالى ارقىلى ۋاقىتشا تىركەۋ بويىنشا مەملەكەتتىك قىزمەتكە قول جەتكىزۋ ءۇشىن ەلەكتروندى كىلت الۋ قاجەت. شەتەلدىك ازامات قاجەتتى مالىمەتتەردى تولتىرعان سوڭ يمميگرانتتى ەلەكتروندى ۇلگىدە تىركەۋ تۋرالى قۇجاتقا قوسىمشا پاراق بەرىلەدى. ونى مىندەتتى تۇردە باسىپ شىعارۋ قاجەت.
بۇدان بولەك, باسقا مەملەكەتتەردىڭ ازاماتتارى ۋاقىتشا تىركەلۋ ءۇشىن ماڭگىلىك ەل داڭعىلى, 53, 9 كورپۋس مەكەن-جايى بويىنشا ەكسپو-2017 مامانداندىرىلعان حالىقارالىق كورمەسىنىڭ بىرىڭعاي قىزمەت كورسەتۋ ورتالىعىنا حابارلاسا الادى. مۇندا پوليتسيا قىزمەتكەرلەرى قۇجاتتى راسىمدەيدى, قر ۆيزالىق مەرزىمدى ۇزارتادى جانە يمميگرانتتاردى قابىلدايتىن زاڭدى تۇلعالاردى شاقىرتا الادى.
جىل باسىنان بەرى استانا قالاسىنىڭ ءىىد كوشى-قون قىزمەتىندە 64 مىڭ شەتەلدىك ازامات تىركەلگەن. تمد ازاماتتارىنىڭ جەكە تۇلعالاردا جۇمىس ىستەۋىنە رۇقسات بەرۋ بويىنشا 14 829 قۇجات بەرىلدى نەمەسە ۋاقىتى ۇزارتىلدى. ەڭبەك ميگرانتتارىنىڭ سالىق تولەمدەرىنىڭ ناتيجەسىندە قالا بيۋدجەتىنە 178 ميلليونعا جۋىق تەڭگە ءتۇستى. اعىمداعى جىلى 623 شەتەلدىك تۇرعىلىقتى مەكەن-جاي بويىنشا قۇجات السا, 784 ادام قازاقستان رەسپۋبليكاسىنىڭ ازاماتتىعىن الدى.
قالا اكىمدىگى شەتەلدىك ازاماتتاردى تىركەۋ ءۇشىن اۋداندىق كوشى-قون قىزمەتىنە قوسىمشا ورىندار قاراستىرۋ ماسەلەسىن شەشتى.
