جوبانىڭ ماقساتى – تۇرعىن ءۇي قورىن باسقارۋ جانە كۇتىپ-ۇستاۋعا شاعىن جانە ورتا بيزنەستى (شوب) تارتۋ ارقىلى تكش سەكتورىنىڭ ينۆەستيتسيالىق تارتىمدىلىعىن ارتتىرۋ بولىپ تابىلادى.
قازاقستاندا بۇگىنگى تاڭدا شامامەن 80 000 كوپپاتەرلى تۇرعىن ءۇي عيماراتتارى تىركەلگەن. عيماراتتاردىڭ 1/3 بولىگى جوندەۋ جۇرگىزۋدى قاجەت ەتەدى. كوپتەگەن عيماراتتاردىڭ جىلۋمەن قورعاۋدىڭ قازىرگى زامانعى تالاپتارىنا سايكەس كەلمەۋىنە بايلانىستى تەرموجاڭعىرتۋدى تالاپ ەتەدى. شوب وسى ماسەلەلەردى شەشۋدىڭ لوكوموتيۆى بولا الار ەدى, الايدا اتالعان سالاعا ايتارلىقتاي نازار اۋدارىلىپ وتىرعان جوق.
تۇرعىن ءۇي-كوممۋنالدىق شارۋاشىلىعى, اسىرەسە ونىڭ سەگمەنتتەرىنىڭ ءبىرى – كوپپاتەرلى تۇرعىن ءۇي قورى – بۇعان دەيىن كوممەرتسيالىق ينۆەستيتسيالار ءۇشىن پايدالانىلماعان بولاشاعى بار نارىق بولىپ تابىلادى. الايدا, بۇعان ءتيىستى نورماتيۆتىك-قۇقىقتىق جانە ينستيتۋتسيونالدىق جابدىقتاۋ قاجەت. قازاقستان رەسپۋبليكاسىنىڭ ۇكىمەتى مەن بۇۇدب اراسىنداعى بىرلەسكەن جاڭا جوباسى - تۇرعىن ءۇي زاڭناماسىنا قاجەتتى وزگەرىستەردى, تولىقتىرۋلاردى ازىرلەۋمەن, تۇرعىن ۇيلەردى كاسىبي دەڭگەيدە باسقارۋعا اۋىسۋ ءۇشىن جاعداي جاساۋ جانە سەكتورعا ينۆەستيتسيالاردى تارتۋدىڭ ءارتۇرلى مەحانيزمدەرىن سىناقتان وتكىزۋمەن اينالىسۋدى جوسپارلاپ وتىر.
وسى ماسەلەلەردى شەشۋ قالالارداعى جانە تۇرعىلىقتى ەلدى-مەكەندەرىندە حالىقتىڭ ءومىر ءسۇرۋ ساپاسىن ارتتىرۋعا, تكش جۇيەلەرىنىڭ تۇراقتى قىزمەت ەتۋىنە, تۇرعىن ءۇي سەكتورىنداعى ەنەرگيا تيىمدىلىگىن ىلگەرىلەتۋگە جانە جاڭا جۇمىس ورىندارىن قۇرۋعا ىقپال ەتەتىن بولادى.
قر يدم مەن بۇۇدب اراسىنداعى بىرلەسكەن جوبا 2018 جىلدىڭ اياعىنا دەيىن ىسكە اسىرىلادى. جوبانىڭ جالپى بيۋدجەتى 650 ملن.تەڭگەدەن اسادى.
اتالعان جوبا, بيزنەستىڭ الەۋمەتتىك جاۋاپكەرشىلىگىن ارتتىرۋعا باعىتتالعان, ال قابىلداناتىن شەشىمدەر تۇرعىنداردىڭ ماسىلدىعىن تومەندەتۋگە ىقپال ەتەدى.
