يانۋكوۆيچكە قاتاڭ تالاپ قويماق

ۋكراينا پرەزيدەنتى ۆيكتور يانۋكوۆيچ رەسەي باسشى­لىعىن كيەۆكە گازعا بايلانىستى جەڭىلدىك بەرۋگە كوندىرە المايتىن سىڭايلى. «كوممەرسانت» گازەتىنىڭ جازۋىن­شا, ماسكەۋ ۋكراينا پرەزيدەنتىمەن اراداعى كەلىسسوزدە ىمىرا­سىز ۇستانىم بىلدىرگەن كورىنەدى. ياعني, رەسەي گازعا بايلانىستى كەلىسىمشارتتى قايتا قاراستىرمايدى جانە بۇل جونىندە ۋكراينامەن سوتتاسۋعا دا بارماق. بۇعان قوسا, يانۋكوۆيچكە مىناداي تالاپ ۇسىنىلماق: ۋكراينا كەدەن وداعى قۇرامىنا كىرەدى, سول ارقىلى ءوزى ءۇشىن رەسەيلىك رىنوكتى ساقتايدى, يا بولماسا ونى جوعالتادى.   ماحاچكالادا ەكى جارىلىس جاسالدى بۇگىندە بۇل جارىلىس «لاڭكەستىك ارە­كەت» دەپ تانىلىپ, سول بويىنشا ار­نايى قىلمىستىق ءىس قوزعالۋدا. بۇل تۋ­را­لى رەسەي فەدەراتسياسى تەرگەۋ كومي­تەتىنىڭ سايتىندا جاريالانعان. بەيسەنبىگە قاراعان ءتۇنى داعىستان اس­تا­ناسىنداعى ىشكى ىستەر مينيسترلىگى عيما­راتىنىڭ ماڭايىندا اراعا 15 ءمينوت سالىپ, 2 جارىلىس جا-   سال­عان. ونىڭ سالدارىنان 1 ادام – اعا ينسپەكتور قازا تاپقان. سونداي-اق, 60-تان استام ادام ءتۇرلى دەنە جاراقاتىن العان. ءبىرىنشى جارىلعىش قۇرىلعى «لادا-پريورا» اۆتو­كولىگىنىڭ جانىنا قويىلسا, ەكىنشىسى ۆاز-21043 اۆتو­كولىگىنە ورنالاستىرىلىپتى.   ۇيىمدى قارجىلاندىرماۋدى ۇسىندى امەريكالىق سەناتور وررين حەتچ جاڭا زاڭ جوباسىن ۇسىندى. اتالعان زاڭ جوباسىنا سايكەس, اقش پالەستي­نانىڭ ەگەمەندىگىن مويىنداعان جاعدايدا بۇۇ-نى قار­جى­لاندىرماۋى ءتيىس. حەتچتىڭ ايتۋىنشا, پالەستينا اۆتونومياسىنىڭ بەدەلىن كەز كەلگەن تۇرعىدا كوتەرۋ ءيزرايلدىڭ قاۋىپسىزدىگىنە نۇقسان كەلتىرەدى. سەناتور اتالعان زاڭ جوباسى بويىنشا امەري­كالىق كومپانيالار مەن ۇيىمدارعا بۇۇ-نى قارجىلان­دىرۋعا ءۇزىلدى-كەسىلدى قارسى شىعۋ كەرەك ەكەنىن بىلدىرگەن.   قاستاندىققا قاتىستىلىعى انىقتالدى ىستامبۇلداعى ءۇش چەشەننىڭ ولىمىنە كۇدىكتى تۇركيا­عا رەسەي ازاماتى الەكساندر گاركوۆتىڭ پاسپورتىمەن كەلگەن كو­رى­نەدى. پوليتسيا كۇدىكتى ورنالاسقان قوناق ءۇيدىڭ نومىرىنەن ونىڭ قۇجات­تارىن, ءدۇر­بىسىن, 9 مم كاليبرلى تاپا­ن­شاسىن تاپقان. پوليتسيانىڭ مالىمەتتەرىنە سايكەس, قىلمىسكەر تۇركيا­عا كىسىلەر ءولىمى ورىن العان كۇننىڭ الدىندا عانا كەلسە كەرەك. قۇقىق قورعاۋ قىزمەتكەرلەرى گاركوۆتىڭ ىزىنە 19 قىر­كۇيەك كۇنى تۇسكەن. الايدا, قوناق ۇيدەن تاپپاعان. سويتسە, كۇدىكتى پوليتسيا قىزمەتكەرلەرى كەلەردەن بىرنەشە ءمينوت بۇرىن عانا ءىزىن جاسىرىپ ۇلگەرىپتى.   سيريانى ينۆەستيتسيالاۋعا – تىيىم ەۋرووداق سيريانىڭ مۇناي-گاز سالاسىن ينۆەستيتسيا­لاۋعا تىيىم سالىپ وتىر. ول ءۇشىن اتالعان ەلگە قاتىس­تى سانكتسيا ەنگىزىلدى. 24 قىركۇيەكتەن باستاپ, ەۋروپالىق فيرمالارعا وسى ەلدىڭ مۇناي-گاز سالاسىن ينۆەستيتسيا­لاۋعا تىيىم سالۋ ۇدەرىسى ءوز كۇشىنە ەنبەك. ەۋرووداقتىڭ مۇنداي تىيىم سالۋ ارەكەتى سيريانىڭ قاي كومپانيالارىن اينالىپ وتپەيتىندىگى ازىرگە بەلگىسىز. ەۋرووداق پەن اقش تاراپىنان سيرياعا قاتىستى قولدا­نىلعان مۇنداي سانكتسيا ۇستىمىزدەگى جىلدىڭ مامىر ايى­نان باستاپ ەنگىزىلە باستاپتى. ال بۇل حالىقارالىق قوعام­داستىققا ەندى عانا تولىق ءمالىم بولىپ وتىر.   مەرگەن 17 ادامدى جاراقاتتادى اۆستريا پوليتسياسى ۆەنا قالاسىنىڭ 17 تۇرعىنىن جاراقاتتاعان «مەرگەندى» ىزدەستىرۋدە. ەل استاناسى – ۆەنانىڭ تۇرعىن ءۇي ورامدارىندا ول ۇيلەردىڭ شا­تىر­لارى مەن شاتىر استى قورشاۋلا­رىنان ادامدارعا پنەۆماتيكالىق مىل­تىق­تان وق اتقان. تەرگەۋشىلەر كۋاگەرلەر مەن زارداپ شەككەندەردەن جاۋاپ الۋدا. ەشكىمدە دە اۋىر جاراقاتتار جوق, بىراق ولاردىڭ باسىم كوپشىلىگىنە ەم-دوم شارالارى جۇرگىزىلىپ, وپەراتسيا جاساۋ قاجەت كورىنەدى. پوليتسەيلەر مۇنىڭ بۇزاقىلىق ارەكەت پە, الدە الدىن الا جوسپارلانعان ارەكەت پە, ول جاعىن ازىرگە اشىپ ايتا الماي وتىر.   الەمدىك مۇناي باعاسى تومەندەدى گرەكياداعى دەفولت قاۋپى مۇنايدىڭ الەمدىك باعاسىنا سالقىنىن تيگىزدى. ماسەلەن, نيۋ-يوركتەگى تاۋار بير­جاسىندا WTI (Light Sweet) مۇنايىنىڭ باعاسى 2,26 دوللارعا تومەندەپ, باررەلى 85,70 دوللاردى قۇراعان. لوندون ەلەكتروندى تاۋار بيرجاسىندا Brent مۇنايى­نىڭ رەسمي باعاسى 3,08 دوللارعا تومەندەپ, باررەلى 109 دوللار بولعان. ال ەلدەگى داعدارىستىڭ ۋشىعۋى سالدارىنان گرەكيا پرەمەر-ءمينيسترى گەورگيوس پاپاندرەۋ­دىڭ اقش-قا ساپارى بولماي قالدى. بۇگىنگى تاڭدا ينۆەستورلار حالىقارالىق ۆاليۋتا قورىنىڭ جانە ەۋرووداقتىڭ افيناعا ىقتيمال قوسىمشا قارجىلىق كومەگى تۋرالى تۇپكىلىكتى شەشىمىن كۇتۋدە.   پارەنجى كيگەنى ءۇشىن – ايىپپۇل فرانتسيادا ەكى مۇسىلمان قىز تىيىم سالىنعانىنا قاراماستان, زاڭ بۇزىپ, بەت-ءجۇزىن بۇركەپ جۇرگەندەرى ءۇشىن ايىپپۇل تولەدى. حيند احماس پەن كەنزا دريدەرگە 200 دوللار كولەمىندە ايىپپۇل سالىنعان. ولار فرانتسيادا جاقىندا قابىلدان­عان, قوعام ىشىندە ۇلكەن پىكىرتالاس تۋدىرعان جاڭا زاڭ بويىنشا جازالانعان العاشقى فرانتسۋز ازامات­شالارى رەتىندە تانىلىپ وتىر. قىزدار فرانتسۋز سوتىنا وزدە­رىنىڭ نارازىلىقتارىن ءبىلدىرىپ, شەشىمدى جويعىزۋ ءۇشىن الداعى ۋاقىتتا بارلىق ينستانتسيالارعا ارىزداناتىندارىن, قاجەت بولسا ستراسبۋرگتەگى ادام قۇقىقتارى جونىندەگى ەۋرو­پالىق سوتقا دا جۇگىنەتىندىكتەرىن مالىمدەگەن. ينتەرنەت ماتەريالدارى نەگىزىندە ازىرلەندى.