23 قىركۇيەك، 2011

تەحنيكا وزىمىزدە شىعارىلسا يگى

194 رەت كورسەتىلدى
قازاقستاندىق «سەماز» ماشينە قۇ­راستىرۋ كاسىپورنى ءوزى جۇمىس ىستەگەن كۇننەن باستاپ 1500-دەن استام «بەلارۋس» تراكتورىن قۇراس­تى­رىپ شى­عار­دى. بۇل ەلىمىزدە اۋىلشارۋا­شىلىق تەحنيكا­لارىن شىعارۋدى قارجىلان­دىرۋ­دىڭ ناتيجەسىندە جۇزەگە اسىپ وتىر. «قازاگروقارجى» كومپانياسى 2009 جىلى اۋىلشارۋاشىلىق تەحنيكالارىن قۇ­راستىرۋ ءوندىرىسىن ۇيىمداستىرۋ باعىتىن­دا قۇنى 1،03 ملرد.تەڭگە تۇراتىن ينۆەستي­تسيالىق جوبانى قارجىلاندىرعان بولاتىن. ال جوبانىڭ جال­پى قۇنى 1،2 ملرد.تەڭگە. بۇدان وزگە ليزينگتىك كومپانيا وتاندىق وندىرۋشىلەرگە قولداۋ جاساۋ اياسىندا «سەمازدان» قازاقستان­نىڭ شارۋاشى­لىقتارى مەن اگروقۇرىلىمدارىنا كەيىن ليزينگكە تابىستاۋ ءۇشىن ونىڭ ونىمدەرىن ساتىپ الادى. ساتىپ الىناتىن تەحنيكا كولەمى وتاندىق ءىرى جەر يەلەنۋشىلەردىڭ مۇددەلەرى مەن سۇرانىسىنا بايلانىستى بولماق. 2009 جىلدىڭ ناۋرىز ايىنان باستاپ «قاز­اگروقارجى» سەمەيدىڭ ماشينە قۇراس­تى­رۋشىلارىنان بارلىعى 873 بىرلىك «بەلارۋس» تراكتورىن ساتىپ العان بولاتىن. ال بيىلعى جىلدىڭ باسىنان باستاپ، «سەمازدان» جالپى سوماسى 1،6 ملرد. تەڭگەگە 462 تراكتور، سونداي-­اق 118 ملن.تەڭگەگە 64 پىشەن تايلاعىش ساتىپ الدى. ەلباسى سولتۇستىك قازاقستان وبلىسىنا بار­عان  ساپارىندا ەل اۋماعىندا اۋىلشا­رۋا­­شى­لىق تەحنيكالارىن شىعارۋ مەن قۇراس­تىرا­تىن كاسىپورىندار قۇرۋ قاجەتتىگىن ايتىپ ءوت­كەن بولاتىن. ەگەر ءبىز شەتەلدىك تەحنيكالاردى ساتىپ الا وتىرىپ، ولاردى قازاقستاندا قۇراس­تىرۋعا مىندەتتەسەك، قۇنى 30% ارزانعا تۇسەدى. 2000 جىلدان باستاپ «قازاگروقارجى» ەل اگرارلىق سەكتورىنا 160 ملرد. تەڭگەدەن استام قارجىعا 18 مىڭ بىرلىككە جۋىق اۋىلشارۋا­شىلىق تەحنيكا­لا­رىن ساتىپ الىپ، تابىس ەتتى. شارۋا­لاردىڭ قالاۋى بويىنشا، وتاندىق ءوندى­رىس تەحنيكالارى جانە جابدىقتارىمەن قاتار الىس­-جاقىن شەتەلدىك وندىرىستەن دە ساتىلىپ الىنادى. الايدا وتاندىق ليزينگتىك كومپانيا وتىنىشتەردى قاراۋ كەزىندە وتاندىق تەحنيكا­لارعا باسىمدىق بەرەدى. ولاردى جەڭىلدىكپەن ساتىپ الۋعا تالاپتار دا قارجىلاندىرىلادى. بۇگىندە كومپانيانىڭ الدىندا تۇرعان باستى مىندەتتەردىڭ ءبىرى – قازاقستاندا تەحنيكا شىعارۋدى ۇيىمداستىرۋ. وسى ماقسات­تا كومپانيا ينۆەستيتسيالىق جوبالاردى ىسكە اسىرۋ اياسىندا جىلىنا 6 %­-بەن ەكى جىل جەڭىلدىكتى وتەۋ كەزەڭىمەن قاراجات قاراس­تىرىپ وتىر. يندۋستريا جانە جاڭا تەحنولوگيالار مي­نيسترلىگىنىڭ دەرەكتەرىنە سايكەس، قازاق­ستاننىڭ اۋىلشارۋاشىلىق ماشينەلەرىن جاساۋ ءوندىرى­سىنە 120 كاسىپورىن جۇمىل­دىرىلعان.  ونىڭ 50­-ىندە ءارتۇرلى توپىراق وڭدەۋ قۇرالدارى (قوپ­سىت­قىشتار، سىدىرا جىرتقىشتار، سوقا­لار، تىرمالار)، سونىمەن قاتار دەستەلەگىشتەر مەن تۇقىمسەپكىشتەر شىعارۋ ءوندىرىسى رەتكە كەلتىرىلگەن. بۇدان وزگە، جەم­شوپ دايىنداۋعا ارنال­عان تەحنيكالار، وسىمدىكتەردى قورعاۋعا ارنال­عان ماشينەلەر جانە اۋىلشارۋاشىلىق ماق­سات­تارعا ارنالعان باسقا دا قۇرال­-جاب­دىقتار، ولاردىڭ قوسالقى بولشەكتەرىن بىرگە شىعا­رادى. ال 15-كە جۋىق كاسىپورىن تۇپكى ءونىم ءوندىرۋشى بولىپ سانالادى. سونىمەن قاتار، «اگروماشحولدينگ» اق قوستاناي قالاسىندا «ەسىل» استىق جيناۋ كومبايندارىن شىعارۋ بويىنشا قولدا­نىستاعى وندىرىستىك قۋاتتى ۇلعايتپاقشى. ۆەنەرا تۇگەلباي.
سوڭعى جاڭالىقتار

كاسپي جاعالاۋىندا قوقىس كوپ

ەكولوگيا • بۇگىن، 20:47

قازان-نۇر-سۇلتان اۋە رەيسى اشىلادى

قازاقستان • بۇگىن، 18:45

COVID-19: وڭىرلەردەگى جاعداي كۇردەلى

كوروناۆيرۋس • بۇگىن، 18:03

نۇر-سۇلتاندا قانداي ۆاكتسينالار بار؟

كوروناۆيرۋس • بۇگىن، 17:19

الماتىدا قويما ورتەنىپ جاتىر

ايماقتار • بۇگىن، 10:30

ۇقساس جاڭالىقتار