الماتىدا ەلىمىزدىڭ مادەني ومىرىندەگى ەڭ اۋقىمدى شارا – VII حالىقارالىق «ەۋرازيا» كينوفەستيۆالى باستالدى. قىزىل كىلەم ۇستىندەگى ايتۋلى قوناقتاردىڭ, وتاندىق كينو ساڭلاقتارى مەن ارداگەرلەرىنىڭ شەرۋىمەن شىمىلدىعىن تۇرگەن ءداستۇرلى وقيعا بۇل جولى ءو.جولداسبەكوۆ اتىنداعى ستۋدەنتتەر سارايىندا ءوتتى.
التىن كۇزدە ەسىگىن ايقارا اشقان جەتىنشى فەستيۆالدىڭ سالماعى مەن سالتاناتىن دجون كيۋساك, چاك راسسەل, سيگۋرني ۋيۆەر, ناستاسيا كينسكي, ەلەنا كوريكوۆا, ۆلاديمير ەرەمين, ۆاديم كولگانوۆ سىندى تانىستىرۋ مەن ماداقتاۋدى قاجەت ەتپەيتىن كينوساڭلاقتار ارتتىرىپ وتىر. مۇنان دا بولەك, فەستيۆالعا 25 ەلدەن 130-عا جۋىق كينەماتوگرافيا وكىلدەرى جينالدى.
جىل سايىن ەلىمىزدىڭ كينەماتوگرافياسىن ءبىر سەرپىلتىپ وتەتىن كەزەكتى فەستيۆال ەلباسىنىڭ قۇتتىقتاۋىمەن باستالدى. مەملەكەت باسشىسى نۇرسۇلتان نازارباەۆتىڭ جولداۋىن مادەنيەت مينيسترى مۇحتار قۇل-مۇحاممەد جەتكىزدى.
وسى ارادا مەملەكەتىمىز وتاندىق كينەماتوگرافيانى دامىتۋعا از قاراجات ءبولىپ وتىرماعانىن بولە-جارىپ اتاپ وتۋگە ءتيىستىمىز. بۇل سالا قازىر قاي جاعىنان بولسا دا قولداۋدان كەندە ەمەس. قالعانى – ءوز رەجيسسەرلەرىمىز بەن اكتەرلەرىمىزدىڭ قيالى مەن قابىلەتىنىڭ قۇزىرىندا.
سوندىقتان دا «قازاقفيلم» اق پرەزيدەنتى ەرمەك 
امانشاەۆتىڭ: «ەۋرازيا» جىل اسقان سايىن اۋقىمدى بولا تۇسۋدە. ول ەلەۋلى, ارىپتەستىك جانە ىسكەرلىك الاڭىنا اينالىپ كەلەدى. بيىلعى جىلى قۇرمەتتى قوناقتاردان باسقا وعان كانن, بەرلين, ۆەنەتسيا حالىقارالىق كينوفەستيۆالدارىنىڭ باعدارلامالىق ديرەكتورلارى دا كەلدى. قازاقستاندىق كينەماتوگرافيستەردىڭ باستى ارمانى – «ا» ساناتىنداعى حالىقارالىق بايقاۋلارعا قاتىسۋ. بۇل «قازاقفيلم» كينوستۋدياسىنىڭ دا الدىنا قويعان باستى ماقساتى», – دەپ ءسوز ساپتاۋى بەكەر ەمەس.
فەستيۆالدىڭ ىرىكتەۋ كوميسسياسى وسىدان ەكى اپتا بۇرىن بايقاۋعا قاتىساتىن تۋىندىلار ءتىزىمىن جاريا ەتكەن بولاتىن. 40 تۋىندىنىڭ اراسىنان 12 فيلم ىرىكتەلىپ الىنعانى ايان. ولاردىڭ قاتارىندا رۋمىنيانىڭ «كوڭىلدەس», يراننىڭ «وتىنەمىن, مازالاما», قازاقستاننىڭ «شۋاقتى كۇندەر», «ريەلتور», يسلانديانىڭ «جانارتاۋ», قىرعىزستاننىڭ «ماحابباتتى مويىنداۋ», رەسەيدىڭ «ءباداۋي», «وزگە اسپان», فرانتسيانىڭ «الىس كورشى», وزبەكستاننىڭ «قورعاسىن», ءفيليپپيننىڭ «بۋسونگ» جانە قازاقستان مەن جاپونيا رەجيسسەرلەرى بىرلەسىپ تۇسىرگەن «نايزاعايدان بۇرىن» فيلمدەرى بار.
الداعى ۋاقىتتا بۇل تۋىندىلاردى فيپرەسسي جانە نەتپاك كينوسىنشىلارى باعالايتىن بولادى. ءۇزدىك ءتورت تۋىندى حالىقارالىق قازىلاردىڭ سىيلىعىن يەلەنسە, ەكى فيلم فيپرەسسي جانە نەتپاك ماراپاتىن جەڭىپ الماق.
بيىلعى جىلى فەستيۆال باعدارلاماسىندا ماڭىزدى ءوزگەرىستەر ورىن الىپ وتىرعانىن بۇعان دەيىن دە بايانداعانبىز. سوڭعى جىلدارى بايقاۋعا ورتالىق ازيا ەلدەرىنىڭ فيلمدەرى عانا قاتىسىپ كەلگەن-ءدى. ەندى «ەۋرازيا» فەستيۆالىنىڭ اياسى كەڭەيىپ, اۋقىمدى بايقاۋعا اينالدى. وندا ەۋروپا, ازيا, تمد ەلدەرى مەن قازاقستاندىق تۋىندىلار باق سىنايتىن بولادى.
سالتاناتتى اشىلۋدان كەيىن ەگور ميحالكوۆ-كونچالوۆسكيدىڭ «ا»-عا ورالۋ» ءفيلمى كورسەتىلدى.
ال فەستيۆالدىڭ جابىلۋ سالتاناتى 24 قىركۇيەكتە وتەدى. قانداي فيلمدەردىڭ ەڭ ۇزدىك دەپ تانىلعانى دا سول كۇنى بەلگىلى بولماق.
ايناش ەسالي, الماتى.
سۋرەتتەردى تۇسىرگەن كارىم قادىرباەۆ.
التىن كۇزدە ەسىگىن ايقارا اشقان جەتىنشى فەستيۆالدىڭ سالماعى مەن سالتاناتىن دجون كيۋساك, چاك راسسەل, سيگۋرني ۋيۆەر, ناستاسيا كينسكي, ەلەنا كوريكوۆا, ۆلاديمير ەرەمين, ۆاديم كولگانوۆ سىندى تانىستىرۋ مەن ماداقتاۋدى قاجەت ەتپەيتىن كينوساڭلاقتار ارتتىرىپ وتىر. مۇنان دا بولەك, فەستيۆالعا 25 ەلدەن 130-عا جۋىق كينەماتوگرافيا وكىلدەرى جينالدى.
جىل سايىن ەلىمىزدىڭ كينەماتوگرافياسىن ءبىر سەرپىلتىپ وتەتىن كەزەكتى فەستيۆال ەلباسىنىڭ قۇتتىقتاۋىمەن باستالدى. مەملەكەت باسشىسى نۇرسۇلتان نازارباەۆتىڭ جولداۋىن مادەنيەت مينيسترى مۇحتار قۇل-مۇحاممەد جەتكىزدى.
وسى ارادا مەملەكەتىمىز وتاندىق كينەماتوگرافيانى دامىتۋعا از قاراجات ءبولىپ وتىرماعانىن بولە-جارىپ اتاپ وتۋگە ءتيىستىمىز. بۇل سالا قازىر قاي جاعىنان بولسا دا قولداۋدان كەندە ەمەس. قالعانى – ءوز رەجيسسەرلەرىمىز بەن اكتەرلەرىمىزدىڭ قيالى مەن قابىلەتىنىڭ قۇزىرىندا.
سوندىقتان دا «قازاقفيلم» اق پرەزيدەنتى ەرمەك امانشاەۆتىڭ: «ەۋرازيا» جىل اسقان سايىن اۋقىمدى بولا تۇسۋدە. ول ەلەۋلى, ارىپتەستىك جانە ىسكەرلىك الاڭىنا اينالىپ كەلەدى. بيىلعى جىلى قۇرمەتتى قوناقتاردان باسقا وعان كانن, بەرلين, ۆەنەتسيا حالىقارالىق كينوفەستيۆالدارىنىڭ باعدارلامالىق ديرەكتورلارى دا كەلدى. قازاقستاندىق كينەماتوگرافيستەردىڭ باستى ارمانى – «ا» ساناتىنداعى حالىقارالىق بايقاۋلارعا قاتىسۋ. بۇل «قازاقفيلم» كينوستۋدياسىنىڭ دا الدىنا قويعان باستى ماقساتى», – دەپ ءسوز ساپتاۋى بەكەر ەمەس.
فەستيۆالدىڭ ىرىكتەۋ كوميسسياسى وسىدان ەكى اپتا بۇرىن بايقاۋعا قاتىساتىن تۋىندىلار ءتىزىمىن جاريا ەتكەن بولاتىن. 40 تۋىندىنىڭ اراسىنان 12 فيلم ىرىكتەلىپ الىنعانى ايان. ولاردىڭ قاتارىندا رۋمىنيانىڭ «كوڭىلدەس», يراننىڭ «وتىنەمىن, مازالاما», قازاقستاننىڭ «شۋاقتى كۇندەر», «ريەلتور», يسلانديانىڭ «جانارتاۋ», قىرعىزستاننىڭ «ماحابباتتى مويىنداۋ», رەسەيدىڭ «ءباداۋي», «وزگە اسپان», فرانتسيانىڭ «الىس كورشى», وزبەكستاننىڭ «قورعاسىن», ءفيليپپيننىڭ «بۋسونگ» جانە قازاقستان مەن جاپونيا رەجيسسەرلەرى بىرلەسىپ تۇسىرگەن «نايزاعايدان بۇرىن» فيلمدەرى بار.
الداعى ۋاقىتتا بۇل تۋىندىلاردى فيپرەسسي جانە نەتپاك كينوسىنشىلارى باعالايتىن بولادى. ءۇزدىك ءتورت تۋىندى حالىقارالىق قازىلاردىڭ سىيلىعىن يەلەنسە, ەكى فيلم فيپرەسسي جانە نەتپاك ماراپاتىن جەڭىپ الماق.
بيىلعى جىلى فەستيۆال باعدارلاماسىندا ماڭىزدى ءوزگەرىستەر ورىن الىپ وتىرعانىن بۇعان دەيىن دە بايانداعانبىز. سوڭعى جىلدارى بايقاۋعا ورتالىق ازيا ەلدەرىنىڭ فيلمدەرى عانا قاتىسىپ كەلگەن-ءدى. ەندى «ەۋرازيا» فەستيۆالىنىڭ اياسى كەڭەيىپ, اۋقىمدى بايقاۋعا اينالدى. وندا ەۋروپا, ازيا, تمد ەلدەرى مەن قازاقستاندىق تۋىندىلار باق سىنايتىن بولادى.
سالتاناتتى اشىلۋدان كەيىن ەگور ميحالكوۆ-كونچالوۆسكيدىڭ «ا»-عا ورالۋ» ءفيلمى كورسەتىلدى.
ال فەستيۆالدىڭ جابىلۋ سالتاناتى 24 قىركۇيەكتە وتەدى. قانداي فيلمدەردىڭ ەڭ ۇزدىك دەپ تانىلعانى دا سول كۇنى بەلگىلى بولماق.
ايناش ەسالي, الماتى.
سۋرەتتەردى تۇسىرگەن كارىم قادىرباەۆ.
