ەكىجاقتى كەزدەسۋلەر وتكىزدى

بۇرناعى كۇنى قازاقستاننىڭ سىرتقى ىستەر ءمينيسترى ەرجان قازىحانوۆ نيۋ-يوركتە بىرقاتار ەكىجاقتى كەزدەسۋلەر وتكىزدى, دەپ حابارلادى ەلىمىز ءسىم-ءىنىڭ باس­پاسوز قىزمەتى. اتاپ ايتقاندا, بۇۇ باس حاتشىسىنىڭ ورىنباسارى – افريكا جونىندەگى ارنايى كەڭەس­شىسى, ونشا دامىماعان جانە دا­مۋشى, شاعىن ارالدى جانە تەڭىز­گە شىقپايتىن مەملەكەتتەر ءجو­نىن­دەگى جوعارعى وكىلى س.دياررا شەيكپەن كەزدەسۋ وتكىزدى. اڭگىمە بارىسىندا تاراپتار 2013 جىلى 10 جىل تولاتىن كولىك جانە ترانزيت سالاسىنداعى ىنتىماقتاستىق جونىندەگى الماتى جوباسىنىڭ ورىندالۋ ۇدەرىسىنە قاناعات­تا­ناتىن­دىقتارىن ءبىلدىردى جانە 2012 جىلى قازاقستاندا تەڭىزگە شىقپايتىن مەملەكەتتەردىڭ ساۋدا ماسەلەلەرى بويىنشا ارەكەتتەسۋ جونىندە جوعارى دەڭگەيدە مينيسترلىك كەزدەسۋىن دايىنداۋ جۇمىس­تارى جايىندا وي ءبولىستى. ە.قازىحانوۆتىڭ يىۇ باس حاتشىسى ەكمەلەددين يحسان­وعلى­مەن كەزدەسۋىندە يىۇ-نى جاڭعىر­تۋداعى بىرلەسكەن ءتيىمدى جۇمىستار قۇپتالىپ, يىۇ-عا مۇشە مەملەكەتتەر سىرتقى ىستەر مينيسترلەرىنىڭ جىل سايىنعى نيۋ-يوركتەگى كەزدەسۋىندە قارالا­تىن ماسەلەلەر ءسوز بولدى. پالەستينا, تاياۋ شىعىس جانە سول­تۇستىك افريكاداعى احۋال مەن افريكانىڭ اشارشىلىققا ۇشى­راعان ەلدەرىنىڭ ماسەلەلەرى قاراس­تىرىلدى. بۇل ماسەلەلەر قازاق­ستاننىڭ توراعالىعىمەن وتكەن يىۇ اتقارۋشى كوميتەتىنە مۇشە مەملەكەتتەر سىرتقى ىستەر مينيس­ترلەرىنىڭ بەيرەسمي كەزدەسۋىندە دە نازاردا بولعان ەدى. يۋنەسكو-نىڭ باس ديرەكتورى يرينا بوكوۆامەن كەزدەسۋىندە وتان­­دىق ءسىم باسشىسى جيىرما بەس جىل جۇرگىزىلىپ كەلە جاتقان ءساتتى ىنتى­ماقتاستىققا قاناعات ءبىلدىرىپ, الدا­عى ۋاقىتتاعى قا­رىم-قاتىناستىڭ ۇلكەن الەۋەتىن اتاپ ءوتتى. ول ي.بوكوۆاعا قازاق­ستاننىڭ يۋنەسكو شەڭبەرىن­دەگى باستاما­لارىنا قولداۋ كورسەتىپ كەلە جاتقانىنا ريزاشى­لىعىن جەتكىزدى. مينيستر, سونداي-اق 2012-2022 جىلدار­داعى حالىق­ارا­لىق مادە­نيەت­تىڭ 10 جىلدىعىنا ارنال­عان قازاقستان­دىق قارار جوبا­سىنا قول­داۋ بولاتىنىنا سەنىم ءبىلدىردى. سول كۇنى ە.قازىحانوۆ يندونەزيا, شري-لانكا, گرەكيا, يتاليا, مىسىر ەلدەرىنىڭ سىرتقى ساياسات ۆەدومستۆولارى باسشىلا­رىمەن كەزدەسۋ وتكىزدى.