زور قۇرمەت پەن ىزەت بەلگىسى

مەملەكەت باسشىسىنىڭ اتىنا نيدەرلاندىدا تۇراتىن اقىن امير سۋرەنيدەن حات كەلدى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. اۆتور ءوز حاتىندا نۇرسۇلتان نازارباەۆتى قازاقستاننىڭ 20 جىلدىق مەرەيتويىمەن جانە ءبىزدىڭ ەلىمىزدىڭ جارقىن تابىس­تارىمەن قۇتتىقتايدى. «مەن قازاق تا, قازاقستاندىق تا, مۇسىلمان دا ەمەسپىن. شى­نىم­دى ايتسام, ءسىزدىڭ ەلدە تۋىس­تارىم دا جوق, جاقىن قارىم-قاتىناسىم دا بولعان ەمەس. مەن جۇرەك قالاۋىمەن ءار ەلدە تۇرىپ جاتقان كوپتەگەن ادامداردىڭ شىن مانىندە سىزگە دەگەن كوز­قاراسىن قازاقستاندىقتار ءبىلسىن دەگەن ويمەن حات جازىپ وتىر­مىن. ءسىز كەڭىنەن تانىمال, سەگىز قىرلى, ءبىر سىرلى ساياساتكەر, ۇلت كوشباسشىسى بولىپ تابى­لا­سىز. ءسىزدىڭ ارقاڭىزدا قازاق­ستان وركەندەۋدە, دامۋدا, كوپ­تە­گەن فورۋمدارعا, ۇيىمدارعا (ەقىۇ, شىۇ, ەۋرازەق, ۇقشۇ, تمد جانە ت.ب.) ءتور­اعالىق ەتۋدە. ءسىزدىڭ بەدەلىڭىزدىڭ ارقا­سىن­دا اۋقىمدى شەشىمدەر قابىل­داۋ كەزىندە حالىقارالىق قوعام­داس­تىق ءاردايىم قازاقستاننىڭ پىكىرىمەن ساناسادى. مۇنى ءبارى تەلەديداردان كورۋدە, الەمدىك دەڭگەيدەگى گازەتتەردەن وقىپ بىلۋدە», – دەلىنگەن حاتتا. ا.سۋرەني 1990-جىلدارى, كسرو تاراعان سوڭ, قازاقستان كوپ­­تەگەن قيىندىقتارعا تاپ بول­عانىنا توقتالادى. الايدا مەملەكەت باسشىسى اقىلمەن, ءىس­كەرلىكپەن, سابىرلىلىقپەن ەل­دىڭ تۇتاستىعىن ساقتاپ قالدى, ونىڭ بار بايلىعىنان ايرىلىپ قال­ماۋى­نا قارسى تۇرا ءبىلدى. پرە­زيدەنت تەك قورعاپ قانا قال­عان جوق, سونىمەن قاتار, دا­مىت­تى, نىعايتتى, قازاقستان رەس­پۋب­لي­­كا­سىنىڭ بايلىعىن ەسەلەي ءتۇستى. «ءسىز ەلدى اقىلمەن, ىسكەرلىكپەن باسقارىپ كەلەسىز جانە ەلباسى – ۇلت كوشباسشىسى رەتىندە ۇيلەستىرە ءبىلدىڭىز. سون­دىق­تان دا مەن, بوگدە ادام بولسام دا, سىزگە حالىقتىڭ كوش­باس­شىسى رەتىندە زور قۇرمەتپەن, ىزەتپەن قارايمىن»,  دەپ جازادى ا. سۋرەني. ءسىزدى «شىن جۇرەكپەن, ىقى­لاس­پەن تاۋەلسىزدىك مەرەيتويى­مەن قۇتتىقتاي وتىرىپ, زور دەن­ساۋلىق, تۋىس-تۋعاندارىڭىزعا جەر بەتىندەگى بارلىق يگىلىكتى تىلەيمىن, سىزدەردى قۇداي قولداسىن, قا­زاقستاندىقتار!» دەپ جازادى حات يەسى جانە مەملەكەت باسشى­سىنا ارنالعان ارناۋ ولەڭىن قوسا جولداعان. نيدەرلاندىدان حات جولدا­عان اقىن مەملەكەت باسشىسىنا جانە قازاقستاننىڭ بارشا حال­قى­نا بەيبىتشىلىك, تابىس جانە « ۇلى دالا اسپانىنىڭ استىن­دا­عى» جالپى قاۋىمعا اماندىق-ساۋلىق تىلەگەن.