ءىس جاندانىپ, سەنىم نىعايۋدا

ەڭبەك جانە حالىقتى الەۋ­مەتتىك قورعاۋ ءمينيسترى گۇل­شا­را ابدىحالىقوۆا جۇمىس ساپارىمەن شورتاندى, بۇلان­دى جانە زەرەندى اۋداندارىندا بولىپ, ەلباسى ن.نا­زار­باەۆ­تىڭ «بولا­شاق­تىڭ ىرگەسىن بىرگە قالايمىز!» اتتى بيىلعى جولداۋىنان تۋ­ىندايتىن مىندەتتەردى ورىنداۋعا باعىت­تال­عان «جۇمىسپەن قام­تۋ-2020» باعدارلاماسىنىڭ ورىندالۋ بارىسىمەن تا­نىستى. شورتاندى اۋدانىنداعى حا­لىق­تى جۇمىسپەن قامتۋ ورتا­لى­عى ۇستىمىزدەگى جىلدىڭ 1 شىلدەسىندە اشىلعانىنا قاراماستان, ەداۋىر ناتيجەلەرگە قول جەتكىزگەنى اتاپ ءوتىلدى. باعدارلاما شەڭ­بە­رىندە 32 ادام كاسىبي دايارلىقتان, 7 كىسى قايتا دايارلىقتان ءوتىپ جاتسا, 4 كىسىگە جولداما بەرىلگەن, ال, 5 ادام استاناداعى «تۇران پروفي» حالىقارالىق كاسىپتىك اكادە­مياسىندا بيزنەس نەگىزدەرى كۋر­سىن ويداعىداي ءبىتىردى. ولاردىڭ بارلىعى دەرلىك جاڭا كاسىپتىڭ ناپاقاسىن تەرۋدە. بۇلاندى اۋدانىنداعى دانيلوۆ اۋىلىنىڭ تۇرعىنى بەكەي حات­شىباي ءۇش بولمەلى ءۇيدى جالعا الىپ, ۇلتتىق كيىم ۇلگىلەرى شە­بەر­حاناسى مەن ەتىكحانا اشىپتى. تۋعان ەلگە 1993 جىلى ورالعان بە­كەڭ موڭعوليادا تانىمال قول­ونەر شەبەرى اتانىپتى. ارنايى بيزنەس كۋرسىنان وتكەن ول ايەلى, ەكى قارىنداسى جانە باۋىرى قۋا­نىش نيازبەكپەن بىرگە ۇلتتىق ناقىشتاعى كيىمدەردى كەلىستىرىپ تىگەتىنى وبلىستى بىلاي قويىپ, استانا تۇتىنۋشىلارىنا دا جاق­سى ءمالىم. باعدارلامانىڭ ەكىنشى باعىتىنا كوشكەن بەكەي حاتشى­باي ءوز ءىسىن كەڭىتۋ نيەتىندە. جەرگىلىكتى دەڭ­گەي­دە بارلىق ماسەلە شە­شىلگەنىمەن, بەلگىلەنگەن 3 ميل­ليون تەڭگە نەسيە وڭاي­لىق­پەن قول­عا تۇسەتىن ءتۇرى جوق. ەڭ تومەن­گى 100 ەسەپتىك كورسەتكىشتەگى جار­عى­لىق جار­نانى جيناعانىمەن, اۋىلدىق جاع­دايدا بانكتىڭ كوڭى­لىنەن شىعاتىنداي كەپىلدىك م ۇلىك تابىلماي تۇر. 190 شاقىرىمداعى نوۆوبرات اۋىلىنان ادەيى كەلگەن شاشتاراز نادەجدا ۆالكەر دە وسى ماسەلەنى كوتەردى. ماسەلەنىڭ ورىندىلىعىن اتاپ كورسەتكەن مي­نيستر بۇل باعىتتا ءتيىستى جۇ­مىس­تار جۇرگىزىلىپ جاتقانىن مالىمدەدى. باعدارلامانىڭ «ەڭبەك رە­سۋرس­تارى­نىڭ اۋقىمىن ارتتىرۋ» دەپ اتالاتىن ءۇشىنشى باعىتى بوي­ىنشا وبلىستاعى 53 وتباسى اقكول, اتباسار, بۋراباي جانە زەرەندى اۋداندارىندا تومەن با­عا­مەن جالعا بەرىلەتىن پاتەر­لەر­مەن قامتا­ما­سىز ەتىلەدى. زەرەندىگە كەلگەن مينيستر گ.ءابدى­حا­لىق­وۆا وسى ماقساتتا سالىنعان جاڭا 10 پاتەرلى تۇرمىسقا قولايلى ءۇيدى ارالاپ كوردى. اۋدان اكىمى ەربول ساع­ديەۆ بۇل كىسىلەردىڭ بار­لىعى جۇمىسقا ورنالاس­تى­رىل­عانىن جانە ءىس جالعاسىن تاۋ­ىپ جاتقانىن ايتتى. ماسەلەن, ين­دۋستريالىق-يننوۆاتسيالىق باعىتتاعى زەرەندى استىق قابىل­داۋ كاسىپورنى مەن «پارىز» كون­كۋرسىندا «ۇزدىك الەۋ­مەتتىك كا­سىپورىن» اتاعىن جەڭىپ العان «رەين» سەرىكتەستىگى سوڭعى ەكى جىلدا 87 ادامدى تۇراقتى جۇ­مىسقا ورنا­لاستىردى. – جاڭا باعدارلاما ەلىمىزدەگى ءوز كاسىبىنەن يگىلىك كۇتكەن 50 مىڭ­عا جۋىق ادامدى تۇراقتى جۇ­مىسپەن قامتۋدى كوزدەيدى, –  دەدى مينيستر باق وكىلدەرىمەن ءاڭ­گىمەدە. – اقمولا وبلىسىنا رەس­پۋب­ليكالىق بيۋدجەتتەن 1 ميلليارد 71 ميلليون تەڭگە ءبولىنىپ وتىر. مەملەكەتتىك ورگاندار تا­را­پىنان اتقارىلاتىن مىندەت وراسان. ءبىر عانا مىسال ايتايىن. وڭىردەگى 150 ادامعا شاعىن نەسيە بەرىلەدى. ماقسات – قىرۋار قار­جىنى ءتيىمدى جۇمساپ, حالىقتىڭ سەنىمىن ارتتىرۋ. باقبەرگەن امالبەك, اقمولا وبلىسى.