شىمكەنتتە اۆتوبۋس قۇراستىرىلۋى مۇمكىن

شىمكەنتتە قوعامدىق كولىكتىڭ جاڭا ءتۇرى قۇراستىرىلۋى مۇمكىن. قازىر جەرگىلىكتى كاسىپكەرلەر بەلارۋستەگى اۆتوبۋس جاسايتىن زاۋىتپەن ءوزارا كەلىسسوز جۇرگىزىپ جاتىر, دەپ حابارلادى 24 حابار ارناسى. ىسكەر توپ ءتىپتى جەرگىلىكتى جولاۋشىلار تاسىمالداۋشى كومپانيا وكىلدەرىنە اۆتوبۋستىڭ العاشقى نۇسقاسىن الىپ كەلىپ تانىستىردى. كولىك قاتتى وتىنمەن قوسا گازبەن دە جۇرەدى. سوندىقتان ونىڭ قورشاعان ورتاعا ەكولوگيالىق زيانى وزگەلەرمەن سالىستىرعاندا اناعۇرلىم از. وعان قوسا قوعامدىق كولىكتە قولارباعا تاڭىلعان جانداردىڭ ءمىنىپ-تۇسۋىنە ىڭعايلى جاعداي جاسالعان. جوبا جۇزەگە اسسا, جىلىنا وسىنداي 150 اۆتوبۋس جيناقتاۋعا مۇمكىندىك تۋادى. الەۋمەتتىك جوباعا 1 ملن دوللار كولەمىندە ينۆەستيتسيا الىپ كەلگەن كاسىپكەرلەر كەلەسى جىلى ءوز ەسەبىنەن قوسالقى بولشەكتەر شىعاراتىن كاسىپورىن اشپاق. «قوعامدىق كولىكتى ليزينگكە بەرۋ جاعى دا قارالعان», - دەيدى ماماندار. - بۇل ءتيىمدى, بۇنىڭ جاقسى جەرى ەۋرو-5-پەن جانە گازبەن جۇرەدى. ديزەلمەن دە جۇرەتىنى بار. بىزگە قايسىسى قولايلى كەلەدى, وسى جەردە تاسىمالداۋشىلار بار, سولار قولداسا, سونى باستايمىز, دەيدى كاسىپورىن باسشىسى باقىت جاسۇزاقوۆ.