ەرەۆانداعى ارمەنيا ۇلتتىق كىتاپحاناسىندا قر ۇلتتىق كىتاپحاناسى ارمەنيانىڭ مادەنيەت مينيسترلىگى مەن وسى ەلدەگى قازاقستان ەلشىلىگىنىڭ قولداۋىمەن قازاقستان تاۋەلسىزدىگىنىڭ 25 جىلدىعىنا ارناپ "قازاقستان ادەبيەتىنىڭ بۇرىشى" اتتى كورمە اشتى, دەپ حابارلادى قر ءسىم ءباسپاسوز قىزمەتى.
بۇل شاراعا ارمەنيانىڭ مادەنيەت ءمينيسترىنىڭ ورىنباسارى ن. تەر-ۆاردانيان, ارمەنياداعى قازاقستان ەلشىسى ت. ۋرازاەۆ, قازاقستان ۇلتتىق كىتاپحاناسىنىڭ سەكتور باسشىسى ە. الي, ارمەنيانىڭ ۇلتتىق كىتاپحاناسىنىڭ ديرەكتورى ت. زارگاريان, ەرەۆان مەملەكەتتىك ۋنيۆەرسيتەتىنىڭ وقىتۋشىلارى, ستۋدەنتتەرى جانە باق وكىلدەرى قاتىستى.
ءبىر ايتا كەتەرلىگى, اتالعان كورمەگە قويىلعان ەكسپوناتتار ارقىلى ارمياندار قازاق حالقىنىڭ تاريحىمەن, مادەنيتىمەن, سالت-داستۇرلەرىمەن تانىسا الادى. سونىمەن قاتار كىتاپ قورى وسى ەلدە قالادى. ارمەنيا مادەنيەت ءمينيسترى ورىنباسارىنىڭ ايتۋىنشا, ءدال وسىنداي شارا استانادا دا وتەدى.
كورمە اياسىندا ەكى ەلدىڭ ۇلتتىق كىتاپحانالارى اراسىنداڭى سەرىكتەستىك تۋرالى مەموراندۋمعا قول قويىلدى.
