قر ۇكىمەتىنىڭ شەشىمەن قازاقستان رەسپۋبليكاسى ەفيوپيانىڭ تابيعي اپاتتاردىڭ قاتەرىن باسقارۋ جونىندەگى ۇلتتىق كوميسسياسىنا سوڭعى جارتى عاسىرداعى ەڭ قاتتى قۇرعاقشىلىقتىڭ سالدارىن جويۋ ءۇشىن 50 000 اقش دوللارى كولەمىندە گۋمانيتارلىق كومەك كورسەتتى, دەپ حابارلايدى قر ءسىم ءباسپاسوز قىزمەتى.
قازاقستاننىڭ ەفيوپياداعى ەلشىسى ەرلىك ءالي: «قازاقستان ۇكىمەتى مەن حالقى ەفيوپيا تۇرعىندارىنىڭ قاسىرەتىنە بەي-جاي قاراي المادى, سوندىقتان ءبىز زارداپ شەككەن حالىققا وسى كومەگىمىزدى ۇسىنىپ وتىرمىز", - دەدى. سونىمەن قاتار ەپيوپريا حالقى مەن بيلىگى قيىنشىلىقتاردان مۇدىرمەي وتەتىنىنە سەنىمدىلىگىن جەتكىزدى.
ەفيوپياداعى تابيعي اپاتتاردىڭ قاتەرىن باسقارۋ جونىندەگى ۇلتتىق كوميسسياسىنىڭ باسشىسى م.كاسسا كورسەتىلگەن كومەك ءۇشىن قر ۇكىمەتىنە زور العىسىن ءبىلدىرىپ, كەڭ پەيىل قازاق حالقىنا تابىس تىلەدى.
