اۋستريادا پرەزيدەنت سايلاۋى وتەدى

ەرتەڭ اۋستريادا پرەزيدەنت سايلاۋى بولادى. قازىر سايلاۋالدى ناۋقان تولىعىمەن توقتاتىلدى, دەپ حابارلايدى ەuronews. مامىر ايىندا وتكەن سايلاۋدا الەكساندر ۆان دەر بەللەن 0,6 پايىز ايىرماشىلىقپەن قارسىلاسى نوربەرت حوفەردەن باسىم تۇسكەن ەدى. بىراق كونستيتۋتسيالىق سوت داۋىستاردى ەسەپتەۋ بارىسىندا انىقتالعان قۇقىق بۇزۋشىلىقتار ءۇشىن بۇل ناتيجەنى جوققا شىعارىپ, قايتادان سايلاۋ وتكىزۋ تۋرالى شەشىم شىعارعان بولاتىن. ءسويتىپ, الدىمەن 2 قازانعا بەلگىلەنگەن سايلاۋ كەيىن 4 جەلتوقسانعا اۋىستىرىلدى. “بۇل سايلاۋ - ەكى كانديدات اراسىنداعى كۇرەس ەمەس. بۇل مەملەكەتتىڭ بولاشاعىن انىقايتىن شەشىم", دەيدى ۆان دەر بەللەن. ال نوربەرت حوفەر: "كوپتەگەن جۋرناليستەر اۋستريا ەۋرووداقتان شىعادى ما دەپ سۇراپ جاتىر. جوق. اۋستريا ەۋروپانىڭ بەل ورتاسىندا ورنالاسقاندىقتان, ەۋرووداقتىڭ دامۋىنا ىقپال ەتۋگە تىرىساتىن بولادى", دەدى. سوڭعى جۇرگىزىلگەن الەۋمەتتىك ساۋالناما ناتيجەسى بويىنشا ەكى كانيداتتىڭ دا جەڭىسكە مۇمكىندىكتەرى تەڭدەي. سوندىقتان مەملەكەت باسشىسىنىڭ ورنىنا كىم وتىراتىنىن ناقتى ايتۋ قيىن. ەستەرىڭىزگە سالا كەتسەك, اۋستريانىڭ بۇرىنعى پرەزيدەنتى حاينتس فيشەر شىلدەدە ءوز ورنىن بوساتقان بولاتىن. قازىر ونىڭ قىزمەتىن ۇلتتىق كەڭەس پرەزيدۋمى اتقارۋدا.