تومەندەتىلگەن ءتاريفتىڭ تيىمدىلىگى

2015 جىلى ەۋرازيالىق توپ (ERG) باس­شى­لىعىنىڭ شەشىمىمەن ونىڭ قۇ­رامىنا كىرەتىن «ەۋرازيالىق ەنەرگەتي­كالىق كورپوراتسيا» اق اقسۋ ەلەكتر ستان­ساسى رەسۋرستارىن پايدالانۋ ارقىلى رۋد­نىي قالاسى مەن قاشار كەنتىنە ەلەكتر ەنەر­گياسىن تاسىمالداۋ مۇمكىندىگى تۋدى. ناتيجەسىندە, رۋدنىيدا ەلەكتر قۋاتى­نىڭ ءتاريفى 10 پايىزدان ارتىق تومەن­دەپ, ۇستىمىزدەگى جىلدىڭ اياعىنا دەيىن باعا وزگەرمەي قالدى. ەندى كومپانيا باسشى­لىعى 2017 جىلدا دا ءتاريفتى تۇراقتى ۇستاپ تۇرۋدىڭ مۇمكىندىكتەرىن تاپتى. ايتپاقشى, بۇل شەشىم قابىلدانباس بۇرىن قالاعا ەلەكتر ەنەرگياسى ەكىباس­تۇز ماەس-1-دەن جەتكىزىلەتىن جانە ونداعى 1 كۆت-نىڭ قۇنى اقسۋ ستانسا­سى­­نىڭ بوساتۋ باعاسىنان الدەقايدا قىمبات بولدى. ال 2015 جىلدىڭ 1 ءساۋى­رىنەن باستاپ ەلەكتر ەنەرگياسىنا اقى تولەۋ كەزىندەگى كۆيتانتسيالاردى تول­تىرعاندا تۇتىنۋشى 1كۆت-تىڭ باعاسىن جىل باسىندا بەكىتىلگەن 16,11 تەڭگەنىڭ ورنىنا 14,46 تەڭگە دەپ بەل­گىلەدى. وسىلايشا, جىل قورىتىندىسى بويىن­شا جەكە تۇلعالار – 87 ميلليون, ال زاڭدى تۇلعالار – 97,6 ميلليون تەڭگە, بارلى­عىن قوسقاندا 184 ميلليون تەڭگە ۇنەمدەدى. ۇستىمىزدەگى جىلدىڭ سوڭىنا دەيىن بۇل ءۇردىس جالعاسىن تابادى. ەلەكتر ەنەرگياسىنا تولەنەتىن قارجى كەلەسى جىلى دا ۇنەمدەلەتىن بولادى. – ءبىز تومەندەتىلگەن تاريف بويىنشا تولەۋگە ۇيرەنىپ الدىق. ال ەلىمىز ءۇشىن ەكونوميكالىق قيىن كەزدە, ادەتتە, باعالاردىڭ ءوسۋىن كۇتەمىز. كەنشى­لەر قالاسىنىڭ تۇرعىندارى ەلەكتر ەنەرگيا­سىنىڭ تولەمىن ارزان تولەيتىن بول­دىق. بۇل ءبىز ءۇشىن وتە قۋانىشتى جاعداي, – دەيدى زەينەتكەر ۆالەنتينا ماس­لوۆا. – سوندىقتان ەۋرازيالىق توپ باسشى­لى­عىنا حالىققا جاساپ جاتقان قام­قورلىعى ءۇشىن زور العىسىمدى بىلدىرەمىن. – مەن رەسەيدە تۇراتىن تانىستارىما بىزدە ەلەكتر ەنەرگياسىنىڭ ءتاريفى تومەندەگەنىن ايتقاندا, ولار ماعان سەنگەن جوق. سەبەبى, بارلىق جەردە تەك ءوسىم بايقالادى. ەندى مۇنداي باعا كەلەسى جىلى دا ساقتالاتىندىعىمەن ماقتانا الامىن. بۇل ەل تاۋەلسىزدىگىنىڭ 25 جىل­دىعى مەرەكەسى قارساڭىندا ۇلكەن سىي بولىپ, قۋانىشىمىزدى ەسەلەي ءتۇستى, – دەپ تولىقتىرادى تاعى ءبىر اعا ۇرپاق وكىلى ماقسۇت التىنباەۆ. ەۋرازيالىق توپ ءۇشىن بيزنەستىڭ الەۋ­­­مەت­تىك جاۋاپكەرشىلىگى باسىم باعىت­­­تار­دىڭ ءبىرى بولىپ قالا بەرمەك. رۋد­نىي مەن قا­شارعا تاسىمالداناتىن ارزان ەلەكتر قۋا­تى بۇل – تۇرعىنداردىڭ الەۋمەت­تىك الە­ۋەتىن ارتتىرۋ, تۇرمىسىن جاق­سارتۋ با­­عى­­تىنداعى جۇمىستاردىڭ ءبىر پاراسى عانا. ءنازيرا جارىمبەتوۆا, «ەگەمەن قازاقستان» رۋدنىي