حالىق قاسيەتىن ايشىقتاعان

استانانىڭ تاۋەلسىزدىك الاڭى­نىڭ تورىنە ورناتىلعان «قازاق ەلى» مونۋمەنتىنە كەلگەن قوناق­تارىمىزدىڭ باس يمەيتىنى جوق. ەلوردامىزدا ءار كەز بولاتىن ۇلكەن ءىس-شارانىڭ بارلىعى وسى تاۋەل­سىزدىك الاڭىندا وتەت­­ى­نى بەلگىلى. ەڭسەسى بيىك تۇعىرعا ور­نا­تى­لعان, قاناتىن جايعان دالا­نىڭ الىپ قۇسى التىن سامۇرىق قۇسىمىزدى ۇقساتا بىلگەن سەمبىعالي ابزال­بەك­ ۇلىنىڭ سۇڭ­قار شابىتىنان تۋعان وسىن­داي باعا جەتپەس تۋىندى تاۋەلسىز­دىگ­ىمىز­دىڭ سيمۆولىنا اينالدى. قازاقتا «سەگىز قىرلى, ءبىر سىرلى» دەگەن قاناتتى ءسوز بار. قازاقستانىڭ ەڭبەك سىڭىرگەن قايرات­كەرى, بەلگياداعى «ينتەرناتسيونال سۋرەتشىلەر وداعىنىڭ» مۇشەسى, «بۇكىل الەمنىڭ بەيبىتشىلىك سۋرەت­شىسى», ەۋروپارلامەنتتىڭ «ونەر كاۆالەرى» وردەنىنىڭ يەگەرى, پروفەسسور سەمبىعالي سماعۇلوۆ – ءوزى تۋرالى كوپكە سىرىن اشا بەرمەيتىن, كوپ جۇمىس جاسايتىن جاننىڭ ءبىرى. ونىڭ قولىنان شىققان بەينەلەۋ ونەرىنىڭ الۋان ءتۇرلى مونۋ­مەنتتى كوركەم بەينەلەرىن, ءمۇسىن­دەرىن, قازاقستاننىڭ كوپ جەرى­نەن كەزدەستىرەسىز. مونۋمەنتتى ونەر تۋىندىلارى ەلوردامىز استانانىڭ تورىندە مەملەكەتتىك جانە الەمدىك ماڭىزعا يە عيماراتتاردا: «استانا وپەرا», «سالتانات سارايى», «دۋمان» ويىن-ساۋىق ورتالىعى, «الجير» مۋزەيىندە تۇر. حالىقتىڭ قازىناسىنا اينالعان جۇزدەن اسا ونەر تۋىندىلارى جۇرتتىڭ ەرەكشە نازارىن اۋدارىپ كەلەدى. قىلقالام يەسىنىڭ تۋىندى­لارىن قاراپ وتىرساڭ, قازاق حال­قىنا ءتان سالت-ءداستۇر مەن باتىر­لىقتى بايلانىستىرا بىلگە­نىن باي­قايسىز. بۇل – ونىڭ شەبەر­لىگى­نىڭ, تالانتىنىڭ, جانكەشتى ەڭ­بەگىنىڭ ارقاسىندا ۇشتالعان قول­­تاڭبا. ونەردى ومىرىنە سەرىك ەت­كەن سۋرەت­شىلەر قاۋىمى ءجۇرىس-تۇرى­­سى­مەن, كيىم كيىسىمەن كەيدە اشىل­­مايتىن قازىناداي, شەشىل­مەيتىن جۇمباقتاي كورى­نەدى. ونەر ادام­دارىنىڭ, اسىرەسە, سۋرەت­شىلەر­دىڭ قاي-قايسى­سى دا جان دۇنيەسىن بىردەن اشىپ, بويلاتا بەرمەيدى. سەمبىعالي دا سولاي. ويىندا تەك شىعارماشىلىق. ىزدەسەڭ كۇندىز-ءتۇنى شەبەرحاناسىنان تابىلادى. باستاعان ويىن شاشىراتىپ الماۋ ءۇشىن كوپشىلىككە كوپ بارا بەرمەيتىن جاننىڭ ءبىرى. جۋىردا «بابالار اڭساعان تاۋەلسىز­دىك» كورمەسىنە ارنايى جازعان, ءالى بوياۋى كەپپەگەن ۇلكەن تۋىن­دىسىنىڭ اتى ايتىپ تۇر­عانداي, سومدالعان «قۇنانباي» وبرازىنا قاراپ, الىپ ابايدى دۇنيەگە اكەلگەن اكەنى بايقايسىڭ. بۇل سۋرەتتەن ءار ادام ءوزىنىڭ رۋحاني بايلىعىن كەڭەيتۋگە, جان دۇنيەسىنىڭ جۇمباق سىرىن ۇعۋعا ۇمتىلادى. كەسەك-كەسەك رەڭدىك اسەرلەردى ايقىنداۋ, بوياۋلاردى ۇيلەستىرۋ ارقىلى قۇنانباي وبرازىن اشىپ, ونىڭ قايرات-قاجىرىن, ابايدىڭ اكەسى دەرلىك اقىل-پاراساتىن, ازاماتتىق بىرتۋارلىعىن كورسەتە بىلگەن. «قازاق ەلى» مونۋمەنتى قازاق ەلىنىڭ وتكەنى مەن بۇگى­نىن توپتاستىرۋعا تىرىسقان كومپوزي­تسيا­لىق مازمۇنى مول كەشەن عانا ەمەس, ال حالىق رۋحىنىڭ ماڭگى­لىگىن, مەملەكەتتىڭ تۇتاس­تىعىن, ىرگەسىنىڭ بەرىكتىگىن اڭعارتاتىن بەلگى. ەرتەڭگى ۇرپاققا «قازاق ەلى» مونۋمەنتى مەن قازاقستان رەس­پۋب­ليكاسى تاۋەلسىزدىگىنىڭ 25 جىل­د­ىعى بىردەي قىمبات بولارىنا دا سەنىمىمىز مول. وسىلايشا ءدۇيىم جۇرتتىڭ ال­دىن­دا شىمىلدىق ءتۇرىپ, باس شاھارى­مىزدىڭ شىرايىن كەلتىر­گەن, ءوزىنىڭ ءتورت قۇبىلاسىنا الەۋ­مەت­تىك, ەكونوميكالىق, ساياسي جانە رۋحاني قۇندىلىقتاردى تەڭدەي توعىستىرعان الىپ كەشەن تاۋەلسىز ەلدىڭ زور مۇمكىندىكتەرىن, ىشكى الەۋەت-قۋاتىن ءالى تالاي پاش ەتە بەرمەك. الدا «قازاقستان تاۋەلسىزدىگى» مونۋمەنتى اسقاقتاۋى كەرەك. سان قىرلى ونەر يەسىنىڭ بۇعان دا ءوز ۇلەسىن قوسارىنا كۇمان جوق. سەبەبى, سەمبىعالي سماعۇلوۆ ونەردىڭ وسى عاجاپ سالاسىندا حالقىمىزدىڭ قورمال قاسيەتتەرىن ايشىقتاي وتىرىپ, تاۋەلسىزدىگىمىزدىڭ, ۇلتتىق تاريحىمىزدىڭ جىرشىسىنا اينالعان ادام. رىسبەك اسقار ۇلى استانا