ەل ومىرىنە ىقپال ەتكەن شەشىمدەر

رەسپۋبليكالىق كونفەرەنتسياعا وزەك بولدى قاراعاندى مەملەكەتتىك تەحنيكالىق ۋنيۆەر­سيتەتىندە قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان «قر تۇڭعىش پرەزيدەنتى ن.ءا.نازارباەۆتىڭ جاڭا قازاقستاندى قالىپتاستىرۋ بويىنشا تاعدىرشەشتى شەشىمدەرى» اتتى IV رەسپۋبليكالىق عىلىمي-تاجىريبەلىك ونلاين كونفەرەنتسيا بولىپ ءوتتى. كونفەرەنتسيا شەڭبەرىندە قارمتۋ-دا ەلباسى نۇرسۇلتان نازارباەۆتىڭ تاپ­سىرماسى بويىنشا قۇ­رىل­عان كەن-مەتال­لۋرگيا كەشەنىنىڭ مەتاندى ەنەرگەتيكا زەرتحاناسى اشىلدى. تۇساۋكەسەر راسىمىنە قارا­عاندى وبلىسىنىڭ اكىمى نۇر­مۇحامبەت ابدىبەكوۆ جانە كونفەرەنتسيانىڭ باسقا دا قۇرمەتتى قوناقتارى قاتىستى. زەرتحانانى اشۋداعى ماقسات  كومىر قاباتتارىنان مەتان بارلاۋ مەن الۋدىڭ عىلىمي نەگىزدەرىن جاساۋ بولماق. كەن-مە­تاللۋر­گيا كەشەنىنىڭ مەتاندى ەنەر­گەتيكا زەرتحاناسى  تاس­كومىر شوگىندىلەرى قۇ­را­مىنان مەتان بارلاۋ, قا­را­عاندى باسسەينىنىڭ كومىر قاباتتارىنان مەتان زەرتتەۋ مەن ءوندىرۋدىڭ ۇزاق مەر­زىمدى كەلەشەگىن انىق­تاي­تىن سترا­تەگيالىق باع­دارلامانىڭ ءبىر بولىگى بولىپ تابىلادى. زەرتحانا «Agilent Technologies» (اقش), «Car­bolite Gero» ( ۇلى­بريتانيا), «Eltra» (يتاليا), «Retsch» (گەرمانيا), «Radwag», «Geokrak» (پولشا) سياق­تى الەمدىك دەڭگەيدەگى كومپا­نيالاردىڭ 140 ملن تەڭگە تۇراتىن جابدىقتارىمەن قام­تاماسىز ەتىلگەن. قۇرمەتتى قوناقتار ءۇشىن قاراعاندى مەملەكەتتىك تەح­ني­كالىق ۋنيۆەرسيتەتى بو­يىنشا ەكسكۋرسيا ۇيىم­داستىرىلىپ, سونىڭ بارىسىندا  ولار «ين­دۋس­تريا­لىق-يننو­ۆا­تسيا­لىق دا­­­مۋ باعدار­لاما­سى-2» (ي­دمب-2) بويىنشا ما­ماندار دايارلاۋمەن شۇ­عىل­­داناتىن ينجەنەرلىك باعىتتاعى ورتالىقتاردىڭ, قا­زاقستاندىق دانەكەرلەۋ ينستي­تۋتىنىڭ, ينجەنەرلىك بەيىندى زەرت­حانانىڭ جۇ­مىس­­تارىمەن تانىستى. كونفەرەنتسيادا «نۇر وتان» پارتياسىنىڭ جانىن­داعى جەمقورلىقپەن كۇرەس جونىندەگى رەسپۋبليكالىق قوعامدىق كە­ڭەس ءتور­اعا­سىنىڭ ءبىرىنشى ورىن­باسارى و.ءابدى­كارىموۆ, پار­لامەنت سەنا­تىنىڭ الەۋ­مەتتىك-مادەني دامۋ جانە عى­لىم كوميتەتىنىڭ ءتور­ايى­مى ب.ءايتىموۆا, ن.ۆا­حيتوۆا, ق.وما­شەۆ, پار­لامەنت سەنا­تىنىڭ دەپۋتا­تى س.ەرشوۆ, پروفەسسور, قازۇجعا اكادەميگى ن.دريجد جانە باسقالار بايان­­دامالار جاسادى. قا­زاقستاننىڭ 15 بازالىق جو­عارى وقۋ ورنىنىڭ وكىلدەرى ونلاين رەجىمدە بايلانىسقا قوسىلدى. ايتا كەتۋ كەرەك, كونفەرەنتسيانىڭ جۇمىسىنا بارلىعى 10 مىڭنان استام ادام قاتىستى. شارانىڭ رەسمي بولىگى اياقتالار تۇس­تا كونفەرەنتسياعا قاتىسۋ­شىلاردىڭ قازاقستان رەس­پۋبليكاسىنىڭ پرەزيدەنتى نۇرسۇلتان ءابىش ۇلى نازارباەۆقا ۇندەۋى جاريا­لانىپ, ونى كوپشىلىك ءبىر­اۋىزدان قول­دادى. كونفەرەنتسيا شەڭ­بەرىندە قارمتۋ-ءدىڭ باس عيما­راتىندا قازاقستاننىڭ كور­نەكتى قو­عام قايراتكەرى, قا­زاقتان شىق­قان تۇڭعىش زاڭ ماگيسترى, الاش­وردا ۇكى­مە­تىنىڭ مۇشەسى, زاڭگەر جانە ەتنوگراف جاقىپ اقباەۆتىڭ 140 جىلدىعىنا ارنالعان «ازاتتىقتىڭ ۇزاق جولى» اتتى دوڭگەلەك ۇستەل وتىرىسى ءوتتى. شارانىڭ الدىندا, وعان قاتى­سۋشىلار جاقىپ اق­باەۆتىڭ رۋحىنا تاعزىم ەتىپ, ونىڭ قارا­عاندىداعى ەسكەرت­كىشىنە گۇل شوقتارىن قوي­عان بولاتىن. كونفەرەنتسيا سوڭىندا قا­رار قابىلدانىپ, ۇزدىك بايان­داماشىلار ارنايى ديپلومدارمەن, العىس حاتتارمەن ماراپاتتالدى. قايرات ءابىلدينوۆ, «ەگەمەن قازاقستان» قاراعاندى