ەسەپتىك-سايلاۋ كونفەرەنتسياسى ءوتتى

«نۇر وتان» پارتياسى جەرگىلىكتى فيليالىندا وبلىستىق فيليال توراعاسى, وبلىس اكىمى بولات باقاۋوۆتىڭ قاتىسۋىمەن XXI ەسەپتىك-سايلاۋ كونفەرەنتسياسى ءوتتى. كونفەرەنتسيا جۇمىسىنا «نۇر وتان» پارتياسىنىڭ حاتشىسى ناتاليا گودۋنوۆا قاتىستى. جيىندا  ەل تاۋەلسىزدىگى 25 جىلدىعىنىڭ دەكلاراتسياسىن قابىلداۋدىڭ ماڭىزدىلىعى, ەلىمىزدىڭ ءوسىپ-وركەندەۋىندەگى ەلباسى ءرولى ايتىلدى. پارتيانىڭ وبلىستىق فيليالىنىڭ 2015-2016 جىلدارى اتقارعان جۇمىسى جايىندا اقپارات بەرگەن پارتيا فيليالى توراعاسىنىڭ ءبىرىنشى ورىنباسارى يليا تەرەنچەنكو فيليال قىزمەتىنىڭ باسىم باعىتى  ەلباسى جۇكتەگەن مىندەتتەردى جۇزەگە اسىرۋ بولىپ تابىلادى. بۇل «قازاقستان-2050» ۇزاق مەرزىمدى ستراتەگيا, «100 ناقتى قادام» ۇلت جوسپارى, «نۇر وتان» پارتياسىنىڭ «قازاقستان-2021: بىرلىك. تۇراقتىلىق. جاسامپازدىق» سايلاۋالدى باعدارلاماسىنا قاتىستى, – دەدى. بۇگىندە وبلىستىق پارتيا ۇيىمىندا 63 785 مۇشە بار. وبلىستىق فيليال قۇرىلىمى 13 اۋماقتىق فيليالدان, 407 باستاۋىش پارتيا ۇيىمى, سونىڭ ىشىندە 1000 ادامنان استام مۇشەسى بار 10 باستاۋىش پارتيا ۇيىم­ىنان تۇرادى. وبلىستىق پارتيا ۇيى­مىنىڭ 41,2 پايىزىن ەكونوميكا سالاسى­نىڭ, قىزمەت كورسەتۋ, شاعىن جانە ورتا بيزنەس پەن شارۋا قوجالىقتارى وكىلدەرى,  24,7 پايىزىن الەۋمەتتىك سالا ماماندارى قۇرايدى. كونفەرەنتسيادا پارتيانىڭ وبلىستىق فيليالىنىڭ ساياسي كەڭەسى مەن باقىلاۋ-رەۆيزيا­لىق كوميسسيانىڭ جاڭا مۇشەلەرى سايلاندى. سونىمەن قاتار, جەرگىلىكتى فيليالدا سايلاۋالدى پلاتفورمانىڭ جۇزەگە اسىرىلۋ بارىسى, قوعامدىق قابىلداۋلاردىڭ قىزمەتى تۋرالى دا جان-جاقتى ءسوز بولدى. كونفەرەنتسيا سوڭىندا پارتيا حاتشىسى ناتاليا گودۋنوۆا وبلىس اكىمى بولات باقاۋوۆقا «بەلسەندi ەڭبەگى ءۇشiن» توسبەلگىسىن تابىستادى. فاريدا بىقاي, «ەگەمەن قازاقستان» پاۆلودار