جاڭا تەحنولوگياعا سۇيەنەدى

بيىل «نۇرلى جول» مەملەكەتتىك باعدارلاماسى اياسىندا جىلۋمەن, سۋمەن جابدىقتاۋ جانە سۋ تارتۋ جەلىسىن سالۋ مەن جاڭعىرتۋ جۇمىستارىن جۇرگىزۋگە 265 جوبا ۇسىنىلىپ, سونىڭ ىشىنەن 99 جوبا ىرىكتەلىپ الىندى. اتالعان جوبالاردى جۇزەگە اسىرۋ بارىسىندا 89 شاقىرىم جىلۋ جۇيەسى, 816 شاقىرىم سۋمەن جابدىقتاۋ جۇيەسى, سونىمەن بىرگە, 277 شاقىرىم سۋ تارتۋ جەلىسى سالىنىپ, قالپىنا كەلتىرىلەدى. بۇل جونىندە تۇرعىن ءۇي-كوممۋنالدىق شارۋاشىلىعىن دامىتۋ مەن جاڭعىرتۋدىڭ قازاقستاندىق ورتالىعى باسقارما توراعاسىنىڭ مىندەتىن اتقارۋشى داستان حامزين اتالعان ورتالىقتىڭ اقتوبە قالاسىندا ۇيىمداستىرعان ايماقتىق كونفەرەنتسياسى بارىسىندا مالىمدەدى. «ەستە بولسا, 2015 جىلدىڭ 6 ساۋىرىندە مەملەكەت باسشىسى «2015-2019 جىلدارعا ارنالعان «نۇرلى جول» مەملەكەتتىك باع­دار­لاماسىن بەكىتتى. اتالعان باعدار­لاما اياسىندا جىلۋ, سۋمەن جابدىقتاۋ جانە سۋ تارتۋ جۇيەسىن قالپىنا كەلتىرۋ, سالۋ, جاڭعىرتۋ جوبالارىنا 2015 جىلى ۇلتتىق قوردان 60 ملرد تەڭگە, ال 2016 جىلى 90 ملرد تەڭگە ءبولىندى. باعدارلاماعا سايكەس, ءارى قاراي جىل سايىن, كەم دەگەندە,  جىلۋ, سۋمەن جابدىقتاۋ جانە سۋ تارتۋ جۇيەسىن قالپىنا كەلتىرۋ, سالۋ, جاڭعىرتۋ جوبالارىنا 100 ملرد تەڭگەدەن ءبولۋ قاراستىرىلعان. ينۆەستيتسيالىق جوبالاردى جۇزەگە اسىرۋ بارىسىندا 2020 جىلعا دەيىن جىلۋ, سۋمەن جابدىقتاۋ جانە سۋ تارتۋ جۇيەسىنىڭ توزۋ دەڭ­گەيىن 67 پايىزدان 53 پايىزعا تومەندەتۋ جوسپارلانىپ وتىر», دەدى داستان ايتجان ۇلى. ونىڭ دەرەگىنشە, 2015 جىلى وسى ماقساتتا ۇسىنىلعان 200 جوبانىڭ  92-ءسى ىرىكتەلىپ الىنعان ەكەن. بۇگىندەرى 47 جوبا بويىنشا جۇمىس اياقتالىپتى. سوڭعى جىلدارى تۇرعىن ءۇي-كوممۋنالدىق شارۋاشىلىعى سالا­سىنداعى جاڭعىرتۋ جۇمىس­تارىنىڭ قارقىن الۋىنا «نۇرلى جول» باعدارلاماسىنىڭ مول سەپتىگى ءتيىپ كەلەدى. ارينە, قان­داي ءىستى دە اۋەلى كادرلار بىلىك­تىلىگىن ارتتىرىپ بارىپ باستاعان ءجون. بۇل رەتتە, تۇرعىن ءۇي-كوم­مۋنالدىق شارۋاشىلىعىن جاڭ­عىرتۋ مەن دامىتۋدىڭ قازاق­ستاندىق ورتالىعى جىل سايىن ءداستۇرلى تۇردە وڭىرلىك كونفەرەنتسيالار وتكىزۋدى قولعا العان. «بيىل استانا, اقتوبە جانە الماتى قالالارىندا وتكەن «تۇر­عىن ءۇي-كوممۋنالدىق شارۋا­شىلىعىن باسقارۋدىڭ ءتيىمدى ادىستەرىن قولدانۋ, يننوۆاتسيا مەن ەنەرگيا ۇنەمدەۋ تەحنولوگياسىن ەنگىزۋ نەگىزىندە دامىتۋ» دەپ اتالاتىن وڭىرلىك كونفەرەنتسيالاردا «وڭىرلەردى دامىتۋدىڭ 2020 جىلعا دەيىنگى باعدارلاماسى» مەن «نۇرلى جول» مەملەكەتتىك باعدارلاماسىن جۇزەگە اسىرۋ بارىسى تالقىلاندى. بۇل باسقوسۋلاردى وتكى­زۋدەگى ماقساتىمىز – تۇر­عىن ءۇي-كوممۋنالدىق شارۋا­شى­­لىعى سالاسىندا قىزمەت ەتىپ جۇرگەن قىزمەتكەرلەر مەن جۇ­مىس­شىلاردىڭ ءبىلىمى مەن بىلىك­­تىلىگىن كوتەرۋ, تۇرعىن ءۇي قورىن, تۇرعىن ءۇي-كوممۋنالدىق شارۋا­شىلىعىن جاڭعىرتۋ, تۇرعىن ۇيلەرگە كۇردەلى جوندەۋ جۇرگىزۋ, تۇرعىن ءۇي سالاسىنداعى ەنەرگيا ۇنەمدەۋدىڭ تيىمدىلىگىن ارتتىرۋ», دەيدى د.حامزين. ونىڭ ايتۋىنشا, ورتالىقتىڭ مۇرىندىق بولۋىمەن وڭىرلىك كونفەرەنتسيالار مەن حالىقارالىق كورمەلەردە نەمەسە وتاندىق ءوندى­رۋشىلەردىڭ ءوز ءونىمىن ناسيحاتتاۋ­ىنا زور مۇمكىندىكتەر بەرىلەدى. سەبەبى, سالانى جاڭعىرتۋ جۇ­مىس­­­تارىنا قازاقستاندا جاسالعان تەحنولوگيالار مەن جابدىقتاردىڭ پايدالانىلۋىنا مۇددەلى. بۇل ءارى-بەرىدەن سوڭ ەل ەكونوميكاسىنا دا سەپتىگىن تيگىزەتىن قادام.  ايتا كەتسەك, كۇنى كەشە عانا استانادا وتكەن «تكش ەكسپو-2016» حالىق­ارالىق فورۋمىندا الىس-جاقىن شەتەلدەن كەلگەن سالا ماماندارى مەن وتاندىق ماماندار تۇرعىن ءۇي-كوممۋنالدىق شارۋاشىلىعى سالاسىنداعى يننوۆاتسيا,  جاڭا تەحنولوگيالارعا نەگىزدەلگەن ەنەرگوتيىمدىلىك تاقىرىبىن كەڭىنەن ءسوز ەتتى. فورۋم اياسىندا ۇيىمداس­تىرىلعان كورمەگە جۇزدەن استام تاۋار ءوندىرۋشى قاتىستى. سولار­دىڭ ءبىرى – بەسىنشى بۋىننىڭ جارىقديودتى جارىقتاندىرۋىن قامتاماسىز ەتۋشى «رROLUX LED» جشس. تيىمدىلىگى جوعارى ونىمدەر وندىرەتىن بۇل كومپانيا ونىمدەرىنىڭ بالاماسى بۇگىندەرى تمد نارىعىندا جوق دەۋگە بولادى.  ال «اپرو-بيللينگ» باعدارلاما كەشەنىن ۇسىنعان «اپرو» جشس كوممۋنالدىق تولەمدەردى ەسەپتەۋدى اۆتومات­تاندىرۋعا زور ۇلەس قوسىپ كەلە­دى. اقپاراتتى ناقتى جانە جەدەل وڭدەۋگە, ابونەنتتەرگە جۇم­سالاتىن ۋاقىتتى قىسقارتۋعا, ەڭبەك رەسۋرستارىن ۇنەمدەۋگە, كوممۋنالدىق قىزمەت ءتۇرىنىڭ كەز كەلگەن ءتۇرىن ەسەپتەپ شىعارۋعا مۇمكىندىك بەرەتىن باعدارلاما بۇگىنگى كۇنى قاجەت-اق. نۇرلىبەك دوسىباي, «ەگەمەن قازاقستان»