قىرعىز ادەبيەتى ورتالىعى اشىلدى

استاناداعى ۇلتتىق اكادەميالىق كىتاپحانادا قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان قىرعىز مادەنيەتى جانە ادەبيەتى كۇنى ءوتىپ, وندا قىرعىز مادەنيەتى مەن ادەبيەتى ورتالىعى اشىلدى. شاراعا مادەنيەت جانە سپورت مينيسترلىگىنىڭ جاۋاپتى حاتشىسى قۋاتجان ۋاليەۆ, قىرعىز رەسپۋبليكاسى مادەنيەت, اقپارات جانە تۋريزم ءمينيسترىنىڭ ورىنباسارى فارحاد بەكمانبەتوۆ, قازاقستان رەسپۋبليكاسىنداعى قىرعىز رەسپۋبليكاسى ىستەرى بويىنشا ۋاقىتشا سەنىم جۇكتەلگەن وكىل كايناربەك توكتومۋشەۆ, قىرعىزستان رەسپۋبليكاسى كىتاپ پالاتاسىنىڭ ديرەكتورى كوي­چۋمان مومۋنكۋلوۆ, قازاقستان مەن قىرعىزستاننىڭ زيالى قاۋىم وكىلدەرى قاتىستى. قازاق-قىرعىز حالىقتارىنىڭ مادەنيەتى مەن سالت-ءداستۇرى ءبىر-بىرىنە وتە ۇقساس ءارى ەجەلدەن تەرەڭ بايلانىس تاپقان. سوندىقتان قىرعىز مادەنيەتى مەن ادەبيەتى ورتالىعىنىڭ اشىلۋى باۋىر­­لاس قىرعىز حالقىنىڭ مادە­­نيەتىمەن, ونەرىمەن جانە سالت-داستۇرىمەن تەرەڭ تانىسۋعا ءمۇم­كىندىك بەرەدى. جاڭا ورتا­لىقتىڭ نەگىزگى مىندەتتەرى – پايدالانۋشىلارعا اقپاراتتىق-كىتاپحانالىق قىزمەت كورسەتۋ, مادەني-كوپشىلىك ءىس-شارالار وتكىزۋ. ورتالىقتا ۇلتتىق اكادە­ميالىق كىتاپحاناسىنىڭ قورىن­داعى قىرعىزستان تۋرالى تۋىندىلار مەن قىرعىز ۇلتتىق كىتاپ-ح­اناسىنان سىيعا تارتىلعان ءجۇز دانا كىتاپ قويىلعان. بىرقاتار سورەلەر قىرعىزدىڭ ايگىلى «ما­­ناس» ەپوسىنا, سونداي-اق, قىر­عىزستان مەن قازاقستاننىڭ حا­لىق جازۋشىسى, گۋمانيست ءارى فيلوسوف شىڭعىس ايتماتوۆتىڭ شىعارماشىلىعىنا ارنالدى. بۇدان بولەك, وقىر­مان­دار «قازاق-قىرعىز قارىم-قاتى­ناسى» تاقىرىبى بويىنشا بيبليو­گرافيالىق ادەبيەتتەر تىزىمىمەن دە تانىسا الادى. قىرعىز مادەنيەتى جانە ادە­بيە­تى كۇنى «شىڭعىس ايتما­توۆ جانە ونىڭ ادەبي مۇراسى» اتتى كىتاپ كورمەسى, «قىرعىزستاننىڭ كىتاپ قازىناسى» تاقىرىبىنداعى سيرەك كىتاپتار مەن قولجازبالار كورمەسى, «العاشقى مەرزىمدى باسىلىمدار جانە ولاردىڭ قازاق-قىرعىز نەگىزدەرىن قالىپ­تاستىرۋداعى ءرولى» تاقىرى­بىن­داعى مەرزىمدى باسىلىم­دار كورمەسى, «جىر جولدارىن­دا دارىپتەلگەن دوستىق» تاقى­رى­بىنداعى جاس اقىن­دار­مەن ادەبي كەزدەسۋ, مۋزىكالىق مەيمانجايداعى «قىرعىز مۋزى­كالىق مۇراسى» تاقىرى­بىنداعى كەش, قىرعىزدىڭ «ما­ناس» جىرىن جاتقا ايتاتىن اقىن بايان­عالي الىمجانوۆپەن شىعارما­شىلىق كەزدەسۋ ءتارىزدى قىزىق­تى ءارى تانىم­دىق ءىس-شارا­لار ءوتتى. بيىلعى قازان ايىنىڭ اياعىندا قىرعىزستان رەسپۋبليكاسىنىڭ ۇلتتىق كىتاپحاناسىندا قازاق ادەبيەتى جانە مادەنيەتى ورتا­لىعى اشىلىپ, قازاقستان رەس­پۋب­ليكاسى ۇلتتىق اكادەميا­لىق كىتاپحاناسى مەن قىرعىز­ستان رەسپۋبليكاسى ۇلتتىق كىتاپ­حانا­سىنىڭ ءوزارا ىنتى­ماق­تاستىعى مەن سەرىكتەستىگى تۋرالى مە­موراندۋمعا قول قويىل­عان بولاتىن. ەندى ەلوردادا قىر­عىز مادەنيەتى جانە ادە­بيەتى ور­تالىعىنىڭ اشىلۋى باۋىر­لاس ەكى ەلدىڭ رۋحاني جا­قىن­داسۋىنا سەپتەسىپ, كوپ­شىلىك قاۋىم­­نىڭ ادەبيەت پەن شىعار­ما­شىلىق ارقىلى باۋىرلاس ەلدەردىڭ مادە­نيەتىمەن دە جەتە تانىسىپ بىلۋىنە مۇمكىندىك بەرەدى. بەرىك سادىر, «ەگەمەن قازاقستان»