سوت قىزمەتكەرلەرىنە بىرىڭعاي كيىم ۇلگىسى قاراستىرىلادى

سوتتار جۇمىستارىنىڭ قولجەتىمدىلىگى مەن ساپاسىنا ازاماتتاردىڭ قاناعاتتانۋشىلىق دەڭگەيىن انىقتاۋعا باعىتتالعان online-ساۋالنامالاۋ شەڭبەرىندە, رەسپوندەنتتەر باسقا ۇسىنىستارمەن قاتار, سوت قىزمەتكەرلەرى ءۇشىن بىرىڭعاي كيىم ۇلگىسىن ەنگىزۋ قاجەتتىلىگى تۋرالى ايتىلدى. جوعارعى سوتتا تالقىلانعاننان كەيىن نەگىزدى دەپ تانىلعان ازاماتتاردىڭ ۇسىنىستارىن جۇزەگە اسىرۋ ماقساتىندا سوت قىزمەتكەرلەرىن سوت پروتسەسىنىڭ قاتىسۋشىلارىنان ەرەكشەلەۋگە مۇمكىندىك بەرەتىن جاپسىرماسى بار ۇستامدى تۇستىك گاممادا ورىندالعان نىساندى كيىم ەسكيزى ازىرلەندى. پيلوتتىق تارتىپتە اقتوبە, الماتى جانە ماڭعىستاۋ وبلىستارىنىڭ سوتتارىندا قۇجاتتاردى قابىلداۋ مەن تىركەۋدى جۇزەگە اسىراتىن سوت قىزمەتكەرلەرى جانە سوت ماجىلىستەرىنىڭ حاتشىلارى نىساندى كيىم ۇلگىسىمەن قامتاماسىز ەتىلدى. قالعان ايماقتاردا سوت قىزمەتكەرلەرىن نىساندى كيىممەن 100 % قامتاماسىز ەتۋ جۇمىسى جۇرگىزىلۋدە. وسى جوبانى جۇزەگە اسىرۋدىڭ جاعىمدى ناتيجەلەرىن ەسكەرە كەلە, بارلىق وڭىرلەردە سوت قىزمەتكەرلەرىن بىرىڭعاي نىساندى كيىممەن تۇراقتى نەگىزدە قامتاماسىز ەتۋ ماسەلەسى تالقىلانۋدا. شارانىڭ مەملەكەتتىك بيۋدجەتتەن قوسىمشا شىعىندارسىز جۇزەگە اسىرىلعاندىعىن اتاپ وتكەن ءجون.