ەلىمىز ۆەتنامعا العاش رەت استىق جونەلتەدى

ەلىمىز ۆەتنامعا استىقتىڭ العاشقى 700 تونناسىن جونەلتۋدى جوسپارلاپ وتىر. بۇل تۋرالى بۇگىن ورتالىق كوممۋنيكاتسيالار قىزمەتىندە اۋىل شارۋاشىلىعى ۆيتسە-ءمينيسترى گۇلميرا يساەۆا مالىمدەدى. «قازىرگى ۋاقىتتا ءبىزدىڭ قحر-داعى ەلشىلىكپەن, «KAZNEX INVEST» اگەنتتىگىنىڭ وكىلدىگىمەن جانە «قازاقستان تەمىر جولى» اق-مەن بىرگە, ۆەتنامعا قازاقستاندىق بيدايدىڭ العاشقى پارتياسىن جىبەرۋ بويىنشا جۇمىستار اتقارىلىپ جاتىر. بۇل ءوز كەزەگىندە قىتايدىڭ ليانيۋنگان پورتىنداعى ءبىزدىڭ تەرمينالدىڭ سالىنۋىنىڭ ارقاسىندا مۇمكىن بولدى. ول وندا ءبىزدىڭ استىقتى ساقتاۋعا قاجەتتى قويمالارمەن قامتاماسىز ەتىلگەندىكتەن, قازاقستاندىق استىقتىڭ پارتياسىن قۇرا الامىز. ايتا كەتەرلىگى, ءبىزدىڭ بيدايدىڭ قۇرامىندا بالاۋىز دەڭگەيى جوعارى بولعاندىقتان, شەتەلدىك نارىقتا وتە ۇلكەن سۇرانىسقا يە», - دەدى يساەۆا. ۆيتسە-ءمينيستردىڭ مالىمەتتەرىنە سايكەس, 2016-2017 جىلعى ماركەتينگتىك جىلى باستىرىلعان استىقتىڭ العاشقى سالماعىنىڭ جالپى كولەمى 23,7 ملن. توننانى قۇراعان. «ءبىز بيىل 9 ملن. توننا استىقتى شەتەلگە ەكسپورتتاۋدى ماقسات ەتىپ وتىرمىز. كەلەسى جىلدان باستاپ, ەگىستىك القاپتارداعى ءداندى-داقىلداردىڭ الۋاندىعىنا ۇلكەن ءمان بەرمەكپىز. ءبىزدىڭ استىق نەگىزىنەن وزبەكستان, تاجىكستان, رەسەي فەدەراتسياسى, يران جانە قىتاي ەلدەرىنە ەكسپورتتالادى», - دەدى ۆيتسە-مينيستر.