اگروونەركاسىپ كەشەنىنىڭ ەكسپورتتاۋ ورتالىعى قۇرىلادى

قازاقستاندا اگروونەركاسىپ كەشەنىنىڭ ەكسپورتتاۋ ورتالىعى قۇرىلادى. بۇل تۋرالى ورتالىق كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا اۋىل شارۋاشىلىعى ۆيتسە-ءمينيسترى گۇلميرا يساەۆا ءمالىم ەتتى. «سىرتقى نارىقتا ءونىمدى ىلگەرىلەتۋ كەزىندە وتاندىق اۋىل شارۋاشىلىعى تاۋارلارىن وندىرۋشىلەردى قولداۋ ماقساتىندا, «Kaznex invest» اق جانە «قازاگروگارانت» اق-نىڭ بىرىگۋىمەن, «ازىق-ت ۇلىك كورپوراتسيا» اق بازاسىندا اوك ەكسپورتتىق ورتالىعىن اشۋ جوسپارلانۋدا», – دەپ اتاپ ءوتتى گ. يساەۆا. ونىڭ ايتۋىنشا, ورتالىقتىڭ مىندەتىنە اۋىل شارۋاشىلىعى تاۋارلارىن وندىرۋشىلەردى سەرۆيستىك جانە قارجىلىق قولداۋ مەن ولارعا ارنالعان ەكسپورتتىق ارنالاردى ۇيىمداستىرۋ ەنەتىن بولادى. ناقتىراق ايتقاندا, ورتالىق ساۋدا مىندەتى مەن زونتتىق برەندتەردى ىلگەرىلەتۋ, شەتەلدەگى كورمەلەر مەن جارمەڭكەلەردە ورىن ۇسىنۋ تۇرىندەگى قولداۋ, ونىمدەردى مۇمكىن بولاتىن نارىقتا وتكىزۋ تۋرالى اقپاراتتى اۋىل شارۋاشىلىعى تاۋارلارىن وندىرۋشىلەرگە بەرۋ جانە ىزدەۋمەن اينالىسادى. «ەكسپورتتىق ارنالار بولىگىندە ورتالىق الەۋەتتى ساتىپ الۋشىلاردى ىزدەۋ, ءونىمدى جەتكىزۋ تۋرالى ساتىپ الۋشىلارمەن جانە ساۋدا جەلىلەرىمەن كەلىسىمشارت جاسايدى. بۇدان باسقا, ورتالىق ەكسپورتتىق ارنالار اشۋ ماقساتىندا تاۋارلار توپتاماسىن قالىپتاستىرۋ ءۇشىن ءونىمدى ساتىپ الۋدى جۇزەگە اسىرۋى مۇمكىن, – دەدى ۆيتسە-مينيستر. – سونداي-اق, مەملەكەتتىك باعدارلاما اياسىندا ەكسپورتتتاۋ ورتالىعى ساۋدالىق قارجىلاندىرۋ, ەكسپورتتىق كەلىسىمشارتتاردى ساقتاندىرۋ, ىلگەرىلەتۋ مەن لوگيستيكاعا ارنالعان ەكسپورتتىق گرانتتاردى ۇسىناتىن بولادى. ورتالىقتىڭ قولداۋ كورسەتۋىنىڭ ارقاسىندا ءىرى توپتامالاردى قالىپتاستىرۋعا مۇمكىندىكتەرى بار اۋىل شارۋاشىلىعى تاۋارلارىن وندىرۋشىلەرگە تىكەلەي جانە كولىكتىك-لوگيستيكالىق نەمەسە كوتەرمە-تاراتۋ ورتالىقتارىندا ءونىمدى ساتۋ ارقىلى شەتەلدىك نارىققا شىعۋ مۇمكىندىگى پايدا بولادى». سونىمەن بىرگە, ۆيتسە-مينيستر 2017-2021 جىلدارعا ارنالعان اوك دامىتۋ مەملەكەتتىك باعدارلاماسىندا ورگانيكالىق ونىمدەر برەندىن ىلگەرىلەتۋ مەن نىسانالى ەكسپورتتىق ساياساتتى قۇرۋ قاراستىرىلعانىن جەتكىزدى. ايدار ورىسباەۆ, "ەگەمەن قازاقستان".