"اقتوبە" فك باس باپكەرى تاعايىندالدى

«اقتوبە» فك جاڭا باس باپكەرى بولىپ راحاەۆ يگور ۆلاديميروۆيچ تاعايىندالدى, دەپ حابارلادى كلۋبتىڭ ءباسپاسوز قىزمەتى. يگور ۆلاديميروۆيچ راحاەۆ (26 مامىر 1973, ۋكراين سسر, كسرو) – ۋكراينالىق فۋتبولشى, الاڭداعى ورنى جارتىلاي قورعاۋشى. 2002 جىلدان بەرى باپكەرلىك قىزمەتتە. ۋكراينا پرەمەر-ليگاسىنداعى حاركوۆتىك «مەتالليست» كومانداسىنىڭ ەكس-باپكەرى. حاركوۆ مەملەكەتتىك دەنە شىنىقتىرۋ اكادەمياسىن تامامداعان. فۋتبولداعى العاشقى قادامىن ەكىنشى وداقتىق ليگادا 1990 جىلى حاركوۆتىك «ماياك» كومانداسىندا جاساعان. 1992 جىلدىڭ ورتاسىندا ۋكراينانىڭ جاعارعى ليگاسىندا وينايتىن زاپورەجە قالاسىنىڭ «تورپەدو» كومانداسىنا اۋىستى. 1995 جىلدان باستاپ «مەتالليست» حاركوۆ كومانداسىندا وينادى. ال 1997 جىلدان باستاپ «مەتالليستتىڭ» قوسالقى قۇرامىندا ونەر كورسەتتى. 1998 جىلدىڭ ەكىنشى جارتىسىنان باستاپ حاركوۆ قالاسىنىڭ «ارسەنال» كومانداسىندا اۋەسقويلار ليگاسىندا وينادى. باپكەر رەتىندە 2002 جىلدان باستاپ 2005 جىلدىڭ قاڭتار ايىنا دەيىن «ارسەنال» حاركوۆ كومانداسىن باپتادى. سونداي-اق 2005 جىلدىڭ شىلدە ايىنان جەلتوقسان ايىنا دەيىن «مەتالليست» كومانداسىنىڭ تىزگىنىن ۇستادى. 2016 جىلدىڭ قاڭتار ايىندا مولدوۆانىڭ «زاريا» كومانداسىنىڭ باپكەرى اتاندى. مامىر ايىندا راحاەۆ «زاريامەن» مولدوۆا كۋبوگىن جەڭىپ الدى (كلۋب تاريحىندا العاش رەت), الايدا بىرىنشىلىكتىڭ اياقتالۋىنا 3 ويىن قالعاندا باپكەر كوماندادان كەتەتىنىن مالىمدەدى.