قازاق كۇرەسى يۋنەسكو مادەني مۇرالار تىزىمىنە ەندى

قازاقتىڭ ۇلتتىق كۇرەسى مەن سۇڭقارمەن اڭ اۋلاۋ يۋنەسكو-نىڭ ماتەريالدىق ەمەس مادەني مۇرالار تىزىمىنە ەندى. مۇنداي شەشىمدى ەفيوپيادا ماتەريالدىق ەمەس مادەني مۇرالاردى قورعاۋ جونىندەگى كوميتەت قابىلدادى. «قازاق كۇرەسىنىڭ» دامۋى قازاق حالقىنىڭ تامىرى تەرەڭنەن تارتىلاتىن تاريحىمەن تۇتاسىپ جاتىر. ءتۇرلى باس قوسۋلار مەن مەرەكە-تويلار سپورتتىڭ وسى ءتۇرىنىڭ سايىسىنسىز وتكەن ەمەس. كۇشى باسىم ءتۇسىپ, جەڭىسكە جەتكەن بالۋاندار حالىقتىڭ قۇرمەت تۇتار ادامىنا اينالعان. قازاقتىڭ ۇلى باتىرى قاجىمۇقان ەسىمى قازاق حالقىنىڭ تاريحىنا عانا ەنىپ قويعان جوق, سونىمەن بىرگە سپورتشىلاردىڭ الەمدىك ەليتاسىنىڭ قاتارىنا كىردى. ايتا كەتەرلىگى, سۇڭقارمەن اڭ اۋلاۋ كوپتەگەن ەلدەردىڭ ۇلتتىق ويىندارى سانالادى. سوندىقتان دا سۇڭقارمەن اڭ اۋلاۋدى يۋنەسكو تىزىمىنە قوسۋدى قازاقستاننان بولەك بىرىككەن اراب امىرلىكتەرى, اۆستريا, بەلگيا, چەحيا, فرانتسيا, گەرمانيا, ۆەنگريا, يتاليا, كورەيا رەسپۋبليكاسى, موڭعوليا, ماروككو, پاكىستان, پورتۋگاليا, كاتار, ساۋد ارابياسى, يسپانيا جانە سيريا اراب رەسپۋبليكاسى ۇسىنعان. تاياۋدا عانا ماتەريالدىق ەمەس مادەني مۇرا كوميتەتىنىڭ شەشىمىمەن يۋنەسكو تىزىمىنە 12 مۇرا ەنگىزىلگەن. ولاردىڭ قاتارىندا يوگا, سۇڭقارمەن اڭ اۋلاۋ, ناۋرىز مەيرامى, كۋبالىقتاردىڭ رۋمبا ءبيى, قازاقشا كۇرەس بار.