حالىق تۇڭعىشىن ۇلىقتاعان كۇن

الماتىدا تۇڭعىش پرەزيدەنت كۇنى سالتاناتپەن اتاپ ءوتىلىپ, رەسپۋبليكا سارايىنىڭ قابىرعاسىنا تاريحي ەسكەرتكىش تاقتا ورناتىلدى. الماتىداعى ۇلان-اسىر توي دۇرمەگىنىڭ ەرەكشە زور بولۋى­نىڭ ءوز سىرى بار. بۇدان شيرەك عاسىر بۇرىن – 1991 جىلدىڭ 10 جەل­توقسانى كۇنى تاۋەلسىز قازاق­ستان­نىڭ تۇڭعىش پرەزيدەنتى نۇرسۇلتان نازارباەۆتى ۇلىقتاۋ ءراسىمى ءدال وسى ءزاۋلىم سارايدا ءوت­كەن بولاتىن. بىزبەن اڭگىمەسىندە قازاقستان جازۋشىلار وداعى باسقارماسىنىڭ توراعاسى, قوعام قايراتكەرى نۇرلان ورازالين ايتۋلى كۇندى بىلاي ەسكە الدى: – بۇل كۇن, بۇل ءداۋىر بۇكىل ءيىسى قا­زاق­­تىڭ باسىندا ەشقاشان قاي­­تا­­­لان­­­بايتىندىعىمەن دە قۇر­مەت­­تى ءارى قاسيەتتى. ول – 1991 جىل­­­­دىڭ 1 جەلتوقسانى. سول كۇنى با­­لا­­­­ما­لى نەگىزدە سايلاۋعا تۇسكەن قا­زاق­­­­ستان­نىڭ تۇڭعىش پرە­زي­­­دەنتى نۇرسۇلتان نازار­باەۆ حالىقتان 97,3 پايىز داۋىس الىپ, تەڭدەسسىز كورسەتكىشكە يە بولدى. 10 جەلتوقسان كۇنى, ءبۇ­گىن­­گى سالتانات ءوتىپ جاتقان رەس­پۋب­­ليكا سارايىندا قازاقستان تاريحىن­دا العاش رەت تۇڭعىش پرەزيدەنتتى ۇلىقتاۋ ءراسىمى ءوتتى. اراعا التى كۇن سالىپ قازاقستان ءوزىنىڭ تۇڭعىش پرەزيدەنتىنىڭ ۇنىمەن كۇللى الەمگە تاۋەلسىزدىگىن جاريا ەتتى. سول تۇستاعى جوعارعى كەڭەستىڭ دەپۋتاتى رەتىندە, قالام­گەر رەتىندە, قازاقتىڭ ازاتتى­عىن اڭساعان ميلليون ساندى ازاما­تى­نىڭ ءبىر وكىلى رەتىندە وسىناۋ تاريحي شارانىڭ باسى-قاسىندا ءجۇردىم... وسىدان 25 جىل بۇرىن وسى عيماراتتا وتكەن قازاقستان رەسپۋب­ليكاسىنىڭ تۇڭعىش سايلانعان پرەزيدەنتىنىڭ قىزمەتىنە كىرىسۋىن ۇلىقتاۋ راسىمىنە جوعارعى كەڭەس­تىڭ 12-ءشى شاقىرىلىمىنىڭ سول كەزدەگى دەپۋتاتتارى سۇلتان سار­تاەۆ, نىعمەت جوتاباەۆ, ەريك گۋكاسوۆ سياقتى جانە باسقا دا كوپتەگەن ازاماتتار مەرەكەنىڭ قۇر­مەتتى قوناقتارى ساناتىندا شاقى­رى­لىپتى. توردە وتىردى. الماتى قالاسىنىڭ اكىمى باۋىر­­جان بايبەك مارتەبەلى قو­ناق­­تار مەن جينالعان حالىق ال­­­دىن­­دا ءسوز سويلەپ, سايلاۋ ءمار­تە­­­بەسى مەن قۇقىقتىق دەمو­كراتيا­­سىن سىيلايتىن زايىر­لى ەل­دەر­دىڭ بارىندە مۇنداي داتا­لار­دى ەش­قاشان دا اينالىپ وتپە­گە­نىن ەسكە سالدى. ەلى ءۇشىن قىز­مەت ەتكەن تۇل­عالاردىڭ ەسىمىن ۇلىق­تاۋ شارا­لارى ءاردايىم قازاق­ستاننىڭ تۇڭعىش پرەزيدەنتى – ەلباسىنىڭ قولداۋىمەن جۇرگىزىلىپ كەلەتىنى دە سوندىقتان, دەدى قالا اكىمى. قازاقستان تاريحىنا ەرەكشە جىل بولىپ ەنگەن بيىلعى ەل تاۋەلسىز­دىگىنىڭ 25 جىلدىعى مەن جەل­توقسان وقيعاسىنىڭ 30 جىل­دىعىنا وراي ەلىمىزدىڭ ەگەمەندىگى جولىندا ەڭبەك ەتكەن ءبىر توپ ازامات پەن مەملەكەت قايراتكەرلەرىنىڭ ەسىمدەرىن قالا كوشەلەرىنە بەرۋ تۋرالى شەشىم قابىلدانعانىن حالىق دۋ قول شاپالاقتاپ قارسى الدى. قازاق ۇعىمىندا جەتى سانى قاشاندا قاسيەتتى سانالعان. سالتانات ۇستىندە شاھار اكىمى الماتىنىڭ اقساقالدار ال­قاسى, زيالى قاۋىم وكىلدەرى مەن قو­عامدىق كەڭەستىڭ ۇسىنىسى بو­يىنشا, سونداي-اق, الەۋمەتتىك جەلىلەردەگى كوپتەگەن ۇسىنىستار ەسكەرىلىپ, قالالىق وناماستيكالىق كوميسسيانىڭ شەشىمىنە ساي قالالىق ءماسليحاتتىڭ قولداۋىمەن الماتى كوشەلەرىنە 7 ازاماتتىڭ – حالىق قاھارمانى, كسرو جانە حالىق ارتيستەرى روزا باعلانوۆا مەن ءازىربايجان مامبەتوۆتىڭ, ۇلتتىق عىلىم اكادەمياسىنىڭ بۇرىنعى پرەزيدەنتى, اكادەميك شاپىق شوكيننىڭ, ۇلى وتان سوعىسىنىڭ ارداگەرى, كەڭەس وداعىنىڭ باتىرى ۆاسيلي بەنبەريننىڭ, بەلگىلى قوعام قايراتكەرى, سوتسياليستىك ەڭبەك ەرى بايكەن ءاشىموۆتىڭ, ەلىمى­ز­دىڭ عىلىم مەن ءبىلىم سالا­سى­نىڭ قالىپتاسۋىنا زور ەڭبەك سىڭىرگەن عالىم, تاريح عىلىم­دارىنىڭ دوكتورى, پروفەسسور, اكادەميك توقمۇحامەد سادىقوۆتىڭ جانە 1986 جىلعى جەلتوقسان وقي­عاسىنىڭ قۇربانى, باتىرىمىز ەربول سىپاتاەۆتىڭ ەسىمدەرى بەرىل­گەنىن جاريالادى. بۇدان سوڭ بۇگىنگى تاريحي وقي­عا­عا ورايلاستىرىلىپ, رەسپۋب­لي­كا سارايىنىڭ قابىرعاسىنا ور­نا­لاس­تىرىلعان ەسكەرتكىش تاقتا اشىلدى. – ءار ۋاقىت, ءار كەزەڭ ءوزىنىڭ كوسە­مىن, ەل كوشىن باستايتىن ازا­ماتىن تاڭدايدى. قازاقتىڭ تۇڭ­عىش تاۋەلسىزدىك كەزەڭى نۇرسۇلتان نازارباەۆتى تاڭدادى. ودان قوعام دا, حالىق تا قاتەلەسكەن جوق, – دەدى ءبىزدىڭ ساۋالىمىزعا وراي جاۋاپ قايتارعان ەلباسىنىڭ سول جىل­دارداعى سايلاۋالدى شتابى­نىڭ جەتەكشىسى, تۇڭعىش پرەزي­دەنتى­مىزدىڭ ۇلىقتاۋ ءراسىمىن وتكىزۋ ءجونىن­­دەگى كوميسسيانىڭ توراعاسى, اكا­دەميك مىرزاتاي جولداسبەكوۆ. – مىنا حالىق ءنوپى­رى­نە نازار سالىڭىزشى. ءبارىنىڭ دە كوڭىل كۇيى كوتەرىڭكى. بۇگىن الماتىدا كۇن دە اشىلىپ, جايما­شۋاق, مامىراجاي بولىپ تۇر. ال كەشە قانداي ەدى؟! جالپى, مەن سىزگە ايتايىن, نۇرەكەڭ – تۇڭ­­عىش پرەزيدەنتىمىز نۇرسۇلتان نازارباەۆ زاتى تەگىن ادام ەمەس. ول كىسىنىڭ ساپارعا شىققان ءساتىن­دە داۋىل سوعىپ جاتقان جەردىڭ وزىندە ول ۇشاقتان تۇسكەندە داۋىل توقتايدى. نۇرەكەڭنىڭ تابانى تيگەن جەردە تابيعات تىلسىم كۇشكە ەنىپ تىنا قالادى. ول تۋرالى تالاي رەت ايتتىم, جازدىم. ەستەرىڭىزدە بولار, وسىدان 25 جىلعى استانانىڭ تابيعاتى قانداي ەدى, بۇگىن قانداي... وسىنداي قۇدىرەتى بار جان. بۇگىنگى پرەزيدەنت كۇنى قۇتتى بولسىن, اينالايىن قاۋىم!!! مەرەكەلى كۇنگە ارنالعان شات-شادىمان كونتسەرت باستالدى. جاڭا ءداۋىردىڭ, جاڭا زاماننىڭ جاڭا ەسىمدەرى – بۇگىنگى ەسترادا ونەرپازدارى ەربولات قۇدايبەرگەن مەن تورەعالي تورەالىنىڭ ەكپىندەتە سالعان پاتريوتتىق سەزىمگە, جاستىق جالىنعا تولى اسەرلى اندەرى جي­نال­عان جۇرتقا رۋح بەرىپ, اقباس الاتاۋ­دىڭ ەتەگىندەگى الىپ شاھار­دىڭ اسپانىن جاڭعىرتتى. التىن كۇننىڭ شاپاعىنا ورانعان اق ۇلپالى الماتىنىڭ بارلىق بۇرىشىندا بۇل كۇنى تۇڭعىش پرەزيدەنت كۇنىنە ارنالعان مادەني شارالار ءسان-سالتاناتىمەن ءوتىپ جاتتى...  تالعات ءسۇيىنباي, «ەگەمەن قازاقستان» الماتى