اقتوبەدەگى التى يگىلىك

اقتوبەدە قازاقستان رەسپۋبليكاسىنىڭ تۇڭعىش پرەزيدەنتى كۇنىنە وراي جانە تاۋەلسىزدىكتىڭ 25 جىلدىعى قارساڭىندا بىرنەشە الەۋمەتتىك جاڭا نىساندار اشىلىپ, ەكى ءىرى كاسىپورىن پايدالانۋعا بەرىلدى. اۋەلى وبلىس اكىمى بەردىبەك ساپارباەۆ پەن «قازاقستاندىق يپو­تە­­كالىق كومپانيا» اق باس­قار­­ما­سىنىڭ توراعاسى ءادىل مۇحا­مەدجانوۆ «نۇرلى جول» باعدار­لاما­سى اياسىندا «بايتەرەك» ۇبح ەن­شىلەس ۇيىمى – قازاقستاندىق يپو­تە­كالىق كومپانياسى سالعان تۇرعىن ۇيدەن اقتوبەلىك 25 وتباسىعا جاڭا پاتەرلەردىڭ كىلتتەرىن سال­تاناتتى جاعدايدا تاپسىرىپ, قونىس تويلارىمەن قۇتتىقتادى. ءوڭىر باسشىسى «باتىس-2» شا­عىن اۋدانىندا «نەكتار» بالا­­باق­شاسىنىڭ سالتاناتتى اشى­لۋىنا قاتىستى. 320 ورىندىق «نەكتار» مەكتەپكە دەيىنگى بالالار مەكە­م­ەسى ەكى قاباتتى, جالپى اۋماعى 6,5 مىڭ شارشى مەتردى قۇرايدى. مۇنان كەيىن بەردىبەك ساپارباەۆ وبلىستىق اۋرۋحانا الاڭىندا سۋ جاڭا 16 «مەرسەدەس-بەنتس» ماركالى رەانيموبيلدىڭ كىلتتەرىن جەدەل جاردەم بريگادالارىنا سالتاناتتى جاعدايدا تاپسىردى. كەلەسى كەزەكتە بەردىبەك ساپار­باەۆ وبلىس­تىق مامانداندىرىل­عان فيزي­كا-ماتەماتيكالىق مەكتەپ-ينتەر­نا­تى­نىڭ سالتاناتتى اشىلۋى­نا دا قا­تىستى. بۇعان دەيىن بۇل مەك­تەپ-ينتەرنات يكەمدەلگەن ەسكى عي­ما­­راتتا ورنالاسقان-دى. ەندى مىنە, مەم­لەكەت پەن جەكەمەنشىكتىڭ ارىپتەس­تىگى ارقىلى جاڭا عيماراتقا كوشتى. ايماق باسشىسى جاڭادان پاي­دالانۋعا بەرىلگەن «سايلان» جشس ماگني ۇنتاعى جانە «حروميكس» پيگمەنت-تولتىرعىش وندىرىستىك تسەحىنا دا باردى. جوبانىڭ نەگىزگى باعىتى قۇرامىندا حروم بار قال­دىقتاردى كادەگە جاراتۋ بولىپ تابىلادى. «حروميكس» پيگمەنت-تولتىرعىش جانە ماگني ۇنتاعى ءوندىرىسىنىڭ جوبالىق قۇنى 650 ملن تەڭگە تۇرادى. سونداي-اق, بەردىبەك ساپارباەۆ «اقتوبە قالالىق سال اۋرۋلارىنا شالدىققان ازاماتاردى قولداۋ ورتالىعى» قوعامدىق بىرلەستىگىندە بولىپ, مۇمكىندىگى شەكتەۋلى جان­دار­دىڭ جاعدايىمەن تانىستى. ساتىبالدى ءساۋىرباي, «ەگەمەن قازاقستان» اقتوبە