«قازاقستان سىرت كوز قىزىعاتىن ەلگە اينالدى»

رەسەي كونسۋلى سايد زابيتوۆ ءوز ويىن وسىلاي ساباقتادى ورال قالاسىندا «تاۋەلسىز قازاقستاننىڭ قالىپتاسۋى مەن دامۋىنداعى تۇڭعىش پرەزيدەنتتىڭ ءرولى» اتتى كەڭ اۋقىمدى كونفەرەن­تسيا وتكىزىلدى. وعان قاتىسۋ­شىلار ەلباسىنىڭ مەملەكەت قۇ­رۋ مەن ساياسي جانە الەۋمەتتىك رەفورمالاردى ىسكە اسىرۋداعى ۇلان-عايىر ەڭبەكتەرى جونىندە سالماقتى دا ساليقالى وي-ءپى­كىرلەر ءوربىتتى. سونداي-اق, كون­­­فەرەنتسيادا نۇرسۇلتان نازارباەۆ بەلگىلەپ بەرگەن قا­زاق­ستاندىق دامۋ جولى مەن مودەلى تۋرالى جۇيەلى دە جان-جاقتى اڭگىمەلەر قوزعالدى. ەلباسى ساياساتىنا تاريحي تۇرعىدان تالداۋ جاساعان م.وتەمىسوۆ اتىنداعى باتىس قازاق­ستان مەملەكەتتىك ۋني­ۆەر­سيتەتىنىڭ دوتسەنتى, تاريح عىلىمدارىنىڭ كانديداتى جاڭابەك جاقسىعاليەۆ ابىلقايىر حان مەن ەلباسى نۇرسۇلتان نازارباەۆ ساياساتىندا ساباقتاستىق بار ەكەنىن بايانداپ بەردى. جاڭابەك جاڭاباي ۇلىنىڭ ايتۋىنشا كاسىبي تاريحشىلارعا جاقسى تانىس الەم تاريحىنداعى ايتۋلى تۇلعالار قامتىلعان «ادامزات حرونيكاسى» كىتابىنا ءتول تاريحىمىزدان ابىلقايىر حان مەن نۇرسۇلتان نازارباەۆ ەن­گىزىلگەن. بۇل كەزدەيسوقتىق بولماسا كەرەك. اتالعان تۇل­عا­لار قازاق حالقىنىڭ تاعدىرى تارازىعا تارتىلعان جانە تاع­دىرشەشتى تۇستا وڭ شەشىم قابىلداعان بولاتىن. ايتپەسە, حالقىمىزدىڭ ۇلت رەتىندە ءومىر ءسۇرۋى دە ەكىتالاي بولۋى عاجاپ ەمەس ەدى. باتىس قازاقستان وبلى­سىن­داعى ورىس مادەني ورتا­لىعىنىڭ توراعاسى سەرگەي پوگودين تاۋەلسىز قازاقستاندى قالىپتاستىرۋداعى ەلباسىنىڭ شەكسىز ءرولى تۋراسىندا ءسوز ءوربىتتى. «كەيبىر ساياساتكەرلەر مەن زەرتتەۋشىلەر ەگەر ءبىر مەملەكەتتە بەس ءتۇرلى ۇلتتىڭ وكىلى بولسا, ول ەلدە تۇرۋ قيىنداۋ بولاتىنىن ايتادى. ون ەتنوس وكىلى ءومىر سۇرسە, وندا ۇلتارالىق جاعداي ەكى ەسە قيىندايدى. ال ءجۇز بولسا, وندا ەلدە ءومىر ءسۇرۋ مۇمكىن ەمەس دەپ تۇجى­رىمدايدى ەكەن», دەدى ول. ال قازاقستاندا قازىرگى تاڭدا 138 ۇلت­تىڭ وكىلى تاتۋ-ءتاتتى ءومىر سۇرۋدە. بۇل رەسپۋبليكا پرەزيدەنتى نۇرسۇلتان نازارباەۆتىڭ سارابدال ساياساتىنىڭ ارقاسىندا مۇمكىن بولدى دەپ ەسەپتەيمىن. سوندىقتان مەن ءوزىمدى وسىنداي پرەزيدەنتى بار مەملەكەتتە ءومىر ءسۇرىپ جاتقانىم ءۇشىن باقىتتى سانايمىن», دەپ قورىتىندىلادى ءوز ءسوزىن  س.پوگودين. جيىن بارىسىندا ءسوز العان رەسەيدىڭ ورال قالا­سىن­داعى كونسۋلى سايد زا­بيتوۆ قازاق ەلى 25 جىل ىشىندە ءوز پرەزيدەنتى نۇرسۇلتان نازارباەۆتىڭ باسشىلىعىمەن بيىك بەلەس­تەردى باعىندىرعانىن اتاپ كورسەتتى. مەنى, اسىرەسە, قازاق­ستاندىقتاردىڭ قوعام­دىق كە­لىسىم سالاسىنداعى جە­تىس­تىكتەرى ءار كەز ءتانتى قى­لادى, دەدى ول. كونفەرەنتسيا بارىسىندا سونداي-اق, «زامان» با­تىس قازاقستان وبلىستىق ءون­دىرۋشىلەر قاۋىمداستىعىنىڭ ءتورايىمى ايگۇل تۋركينا, م.وتەمىسوۆ اتىنداعى باتىس قازاقستان مەملەكەتتىك ۋني­ۆەرسيتەتىنىڭ ءتورتىنشى كۋرس ستۋدەنتى ايگەرىم تولەن جانە باسقا قوعامدىق ۇيىم وكىلدەرى ەلباسى مەن ەل تاۋەلسىزدىگى جانە ونىڭ ەرتەڭى تۋرالى ءوز وي-پىكىرلەرىن ورتاعا سالدى. تەمىر قۇسايىن, «ەگەمەن قازاقستان» ورال