انتاركتيداعا باعىت العان ەكىنشى ەكسپەديتسيا

ەل تاۋەلسىزدىگىنىڭ 25 جىلدىعىنا ارناپ انتاركتيداعا ەكىنشى قازاقستاندىق ەكسپەديتسيا جىبەرىلدى. «تاۋەلسىزدىك ءپوليۋسى» دەپ اتالاتىن عىلىمي-زەرتتەۋ ەكسپەديتسياسىنىڭ مۇشەلەرى وڭتۇستىك پوليۋستەگى ۆينسون شىڭىن باعىندىرماق. بۇل تۋرالى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا قازگەو تورالقا توراعاسى تولەگەن تاستانبەكوۆ ءمالىم ەتتى. قازاقستان حالقى اسسامبلەيا­سىنىڭ قام­قورلىعىمەن وتكىزى­لەتىن عىلىمي-زەرتتەۋ ەكسپەديتسياسىن «قازاق گەوگرا­فيا­لىق قو­عامى» قوعامدىق بىرلەستىگى ۇيىم­­داستىرىپ وتىر. جوبانىڭ باس سەرىك­تەسى – «بايتەرەك» ۇلتتىق باس­قارۋ حولدينگى. «ەكسپەديتسيا 1 جەلتوقساندا قازاقستان رەسپۋبليكاسىنىڭ تۇڭ­عىش پرەزيدەنتى كۇنى باس­تالدى. 16 جەلتوقسان – ەلىمىزدىڭ ءتاۋ­ەلسىزدىك مەرەكەسىن تويلاعان كۇ­نى انتاركتيدانىڭ ەڭ جوعارى نۇك­­تەسى – ۆينسون شىڭىنا (4892 م) قا­زاقستان رەس­پۋب­ليكاسىنىڭ مەم­­­لەكەتتىك تۋى تىگىلەدى»,  دە­دى ت.تاس­­­تانبەكوۆ. بۇدان بولەك, ەكسپەديتسيا قاتىسۋ­شى­لارى 200 شاقىرىمنان استام قاشىق­تىقتى شاڭعىمەن ءجۇرىپ وتپەك. ءباسپاسوز ءماسلي­حاتىندا «تاۋەلسىزدىك ءپوليۋسى» ەكسپە­ديتسياسىنىڭ نەگىزگى قۇرا­مى جاريالاندى. ونىڭ قاتا­رىندا الماتى قالاسىنداعى «QazaqGeography» ايماقتىق وكىل­دىگىنىڭ جەتەكشىسى ماعجان ساعىمباەۆ, الپينيستەر يلياس عالىمبەكوۆ پەن يۋري يۋشين, عالىمدار ءاليا ەرنازاروۆا, ارمان بايمۇحامەدوۆ پەن ءداۋ­لەت ءشارىپوۆ بار. سون­داي-اق, ەكسپەديتسياعا ءال-فارا­بي اتىن­داعى قازاق ۇلت­تىق ۋني­ۆەرسيتەتى مەن  س.اسفەندياروۆ اتىنداعى قازاق ۇلتتىق مەدي­تسينالىق ۋني­ۆەرسيتەتىنىڭ عىلىمي قىز­مەتكەرلەرى اتتاندى. ولار ەكو­لوگيا, بيولوگيا مەن ادام في­زيولوگياسى سالالارىندا زەرتتەۋ جۇ­مىستارىن ءجۇر­گىزەدى. سونىڭ ءىشىن­دە ان­تاركتيدانىڭ ەكوجۇيەسىندە بولاتىن ورگانيكالىق پەس­تيتسيدتەردى, توتەنشە جاعدايعا بەيىمدەلگەن ميكرواعزالاردىڭ الۋان تۇرلىلىگىن انىقتاۋدى جانە انتاركتيدانىڭ توتەنشە ورتاسىندا اۋا رايىنىڭ ادام دەنساۋلىعى مەن پسيحولوگيالىق سەزىمىنە اسەر بەرەتىن ىقپالداردى تابۋدى كوزدەپ وتىر. ايدار ورىسباەۆ, «ەگەمەن قازاقستان»