قوعامدىق قابىلداۋعا وقۋشىلار دا كەلدى

قازاقستان رەسپۋبليكاسىنىڭ تۇڭعىش پرەزيدەنتى كۇنىنە ارنالعان «نۇر وتان» پارتياسىنىڭ رەسپۋبليكالىق قوعامدىق قابىلداۋ بولمەسىندە قوعامدىق قابىلداۋ كۇنى وتكىزىلدى. ءىس-شارانى وتكىزۋدەگى نەگىزگى ماقسات – قازاقستان رەس­پۋبليكاسىنىڭ پرەزيدەنتى, «نۇر وتان» پارتياسىنىڭ توراعاسى ن.نازارباەۆتىڭ قىزمەتىن, ونىڭ ىشىندە حالىقتىڭ ءال-اۋقاتىن ارتتىرۋ, ەركىندىك, بىرلىك, تۇراقتىلىقتى قالىپتاستىرۋداعى ەڭبەگىن سونداي-اق تاۋەلسىزدىك قۇن­دىلىعىن كەڭىنەن ناسيحاتتاۋ بولىپ تابىلادى. اتالمىش ءىس-شاراعا «نۇر وتان» پارتياسىنىڭ اردا­گەرلەرى, ل.ن.گۋميلەۆ اتىنداعى ەۋرازيا ۇلتتىق ۋني­ۆەرسيتەتىنىڭ, س.سەيفۋللين اتىنداعى قازاق اگرو­تەحنيكالىق ۋنيۆەرسيتەتىنىڭ ستۋدەنتتەرى, استاناداعى №1 مەكتەپ-ليتسەيى جانە №3 دارىندى بالالارعا ارنالعان «زەردە» مەكتەبىنىڭ وقۋشىلارى قاتىستى. «نۇر وتان» پارتياسىنىڭ رەسپۋبليكالىق قوعامدىق قابىلداۋ بولمەسىنىڭ مەڭگەرۋشىسى ج.جۇكەنوۆ قوناقتارعا: - 2013 جىلى 1 جەلتوقسانى كۇنى ەلباسى, «نۇر وتان» پارتياسىنىڭ توراعاسى ن.ءا.نازارباەۆ وسى عيماراتتى ارنايى كەلىپ اشتى. پارتيانىڭ رەسپۋبليكالىق قوعامدىق قابىلداۋ بولمەسىنىڭ اتقاراتىن قىزمەتى, ازاماتتاردىڭ پروبلەمالارىنا ءتيىمدى نازار اۋدارىپ, ونى شەشۋدەگى جۇمىستاردى قاجەتتى دەڭگەيدە ۇيىمداستىرادى, – دەدى. سونىمەن قاتار, قوناقتارعا ۋاقىت تالابىنا ساي كوپ­فۋنكتسيونالدى «ەلەكتروندى پارتيا», مينيسترلەر, ونىڭ ورىنباسارلارىنىڭ, قۇقىق  قورعاۋ, اتقارۋشى ورگاندار باسشىلارىنىڭ, ادۆوكاتتاردىڭ, زاڭگەرلەردىڭ, بانك ومبۋدسمەنى جانە مەدياتورلاردىڭ تۇراقتى نەگىزدە ازاماتتاردى قابىلدايتىن زالدارىمەن, كابينەتتەرىمەن ناقتى تانىسۋلارىنا مۇمكىندىك بەرىلدى. سونداي-اق, كەلۋشىلەرگە «2016 جىلعى پارتيانىڭ ەڭ ۇزدىك قوعامدىق قابىلداۋ بولمەسى» رەسپۋبليكالىق بايقاۋعا قاتىسۋشى پارتيانىڭ ايماقتىق جانە اۋماقتىق قوعامدىق قابىلداۋ بولمەلەرىنىڭ جۇمىستارى تۋرالى ماتەريالدار دا كورسەتىلدى. ءىس-شارا بارىسىندا دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.تسوي, اۋىل شارۋاشىلىعى ۆيتسە-ءمينيسترى س.ەگىزباەۆ جانە استانا قالاسى سارىارقا اۋ­دانىنىڭ پروكۋرورى ە.سەرىكباەۆ ازاماتتاردى جەكە ءما­سەلەلەرى بويىنشا قابىلداۋ جۇرگىزدى. قابىلداۋعا كەلگەن ازاماتتار قولدانىستاعى زاڭدار اياسىندا ناقتى جاۋاپتار الدى. ءىس-شارانىڭ سوڭىندا «نۇر وتان» پارتياسىنىڭ ارداگەرلەرى وسكەلەڭ جاس ۇرپاققا, ياعني ستۋدەنتتەر مەن مەك­تەپ وقۋشىلارىنا ءوز ەستەلىكتەرىن ايتىپ, ەلباسى, «نۇر وتان» پارتياسىنىڭ توراعاسى ن.ءا.نازارباەۆتىڭ قىزمەتىنە ارنالعان كىتاپتى تاپسىرىپ, باتالارىن بەردى. اسقار قۇمارباي, «نۇر وتان» پارتياسى رەسپۋبليكالىق قوعامدىق قابىلداۋ بولمەسىنىڭ كونسۋلتانتى